Daniiele 10:20 - O Mikanda Ikola

²⁰ Muene-phe uixi: Eie uejiia kioso kia ngi bheka kokué? Kindala nga-nda kuvutuka dingi kuzoka ni kilolo kia akua-Pélesa; o ki ngi tunda-ku, talesa, o kilolo kia Ngeléxia ua-nda kuiza.

Daniiele 10:20 Iomraidhean Croise

Ejidala 4:4

Kienhokio-phe kiá, akuaʼxi aia ni ku bhangesa akua Juda kubotomoka o maku mu kutunga, mbata ka ehela dingi kutululuka kioso kia kala mu kutunga.

Izaía 37:36

Bhenhobho anju ia Jihova ua tundu, iu ua nemeka mu kilômbo kia Asídia, hama ni makuinhi-nake a jimidi ni midi jitanu ja makuenze; o kuila muene a balumuka mu kimenemene, talesa, iimbi mu iimbi kiá!

Daniiele 10:13

Maji o kilolo kia utuminu ua Pélesa, ua ngi batuile ku pholo mu makuinhi aiadi a izuua ni kuzuua kimoxi; eué kiá Mingedi, ua tokala ku ilôlo ia dianga, muene uejile iú ua ngi bande, éme nga dʼimikine ni jisobha ja Pélesa.

Daniiele 7:6

O ki kiabhiti, ngi kuata dingi kukengelela, talesa, kua moneka kiama kiamukuâ kia di-fu ingo, o ku kunda diê kuala mabhabha mauana ma kinjila; o kiama kienhiki kia kexe ni mítue iuana, anga a ki bhana kutumina.

Daniiele 8:21

Maji o kisutu kia kindemba kiokio, muene sobha ia Ngeléxia; o lumbinga luonéne lua mu kexe bhu kiuanu kia mesu, muene o sobha iê iadinga.

Jipoxolo 12:23

Mu kithanganʼokio, anju ia Ngana i mu kuama, mukonda ua kambe kujingisa Nzambi; anga u diua ku mabhuka, u zubhidisa.