Daniiele 10:17 - O Mikanda Ikola

¹⁷ Selevende ié-phe, Nganʼami, tata, ki ngalʼiki, ngi tena kiebhi kuzuela ni Ngana iami ió? Mukonda nga bulukuta, nguzu ki ngala na-iu dingi, o muha ngó ua kubhuima iú u ngi-bhua kiá moxi.

Daniiele 10:17 Iomraidhean Croise

Dimatekenu 32:20

mua kèla kuma: Muene selevende ié Jakobo, iú uiza ku dima kuenhuku. Kuma uambe, uixi: Ngi mu luulula hanji ni ujitu ua tuamena, ngi mone kiua o pholo iê; imoxi u ngi tambulula.

Makatukilu 33:20

Uixi-phe dingi: pholo iami ku tena ku i mona; kuma kana muthu u tena ku ngi mona nʼa laie.

Daniiele 10:8

Eme anga ngi xiala-phe ubheka uami, anga ngi kala mu diuana o kisuma kiókio kionéne, bhenhobho ni nguzu mu mukutu ia ngi bhu-mu, pholo ia ngi kituluka ni uôma, anga ngiia ku kiambu, né ngó kanguzu kòfele ki nga kexe na-ku.

Daniiele 4:19

Bhenhobho Daniiele, a mu edi Beltexazale, u kumbikinha hanji kithangana katé mu uola iamvimba, ilunji ia mu tandanganha. Sobha-phe ukumbulula, uixi: Beltexazale, nzoji iii ki i ku juualese, mba u tandanganha mukonda dia dijimbuluilu diê. Beltexazale utambuijila, uixi: Ngana iami, o nzoji i lungile kua ió oso a ku kuatela luma, o dijimbuluilu diê di nongone muene oso jinguma jé!

Marku 12:36

Se o Davidi muene, kia mu funhisa o Nzumbi Ikola, ua soneka uixi: Ngana u ambela Ngana iami; Xikama ku madilu mami, kate ki ngi ku bhanga o jinguma ji kala bangu iê ia inama.

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

Afundixi 6:22

Ngidiione anga u mu mona kuma anju ia Jihova; Ngidiione uixi: Aiué, Jihova Nzambi, tata! Manhi anju ia Jihova nga di mono-nê pholo ni pholo.