Daniiele 10:12 - O Mikanda Ikola

¹² Hé u ngʼambela-phe, uixi: Ku kale ni uoma, Daniiele, mbata tunde mu kizuua kia dianga ki uate muẋima ué mu ku dʼivua kiambote ni Nzambi ié, ni ku di tolesa bhu pholo ia muene, maka mé ala muene ku mʼevua, eme kiene kia ngi bheka.

Daniiele 10:12 Iomraidhean Croise

Jisálamu 69:10

Nga didi, nga di talesa muene hadi ni kujila; maji o kienhiki ue, kia ngi bongesa malebhu!

Izaía 35:4

Ambelenu a botomoka o miẋima: suinenu, ki mu kale ni uoma; talesenu, o Nzambi ienu iu uiza mu vutula o phonzo, ni futu ia Nzambi uiza na-iu; muene ua kʼèza hé u mi bhulula.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 41:14

Ku kale-phe ni uoma, eie u kabamba ka Jakobo, eie u kakifuẋi ka Izalaiele; eme Jihova, ngi ku banda, kuma Mukudi ué, muene Suke-ku, Dilemba dia Izalaiele.

Izaía 58:9

Bhenhobho o ki u dikola, Jihova ua-nda ku kuitaia; o ki u ta nzôngo, muene ua-nda kuila: Emeʼú! Kala-phe, kuxina akuenu o kimbamba, muʼaxaxi ké kibhua-mu, ni ku toka mulembu kua mukuenu, ni kuzuela kua izala;

Izaía 65:24

Anga kia kà bhita, kuila ene kiluua a zubha kuixana, eme nga kʼètaia kiá; kuila ene kiluua ngó a zubha kuzuela, eme ngevuʼami kiá.

Daniiele 10:11

Muene iú ua ngʼambela, uixi: Daniiele, u muthu a ku zola kinéne, batekela maka moso nga-nda ku ku ambela, ene ue bhetuka nda u imane, mbata eme a ngi tumu kokué. O kia kuata kuzuela kienhiki, eme ngi kala mu teketa.

Daniiele 10:19

Uixi-phe: Ku kale ni uôma, eie u muthu a ku zola kiavulu! Tululuka; kala u kindanda! Kala muene u kindanda! Kiala ku ngi zuelesa kiki, eme ue nga di tutu kiòmuene, ngixi-phe: Zuela, Muadiʼami, mbata eie ua ngi suinisa.

Ijila 16:29

O kiki kijila ki xialela katé ku hádia; bhu mbeji ia sambuadi mu kizuua kia kakuinhi ku mbeje, huhenu o mienhu ienu, ikalakalu ehelenu-iu bhoxi enu-oso muene, ni akua-bhata, ni nzuangiza uoso ua tungu momuenu.

Ijila 16:31

Ikale-phe sabhalu ia dinhohenu phala enu; mienhu ienu-phe kibhinga mu i nhohesa; kijila kiki ki xialela katé ku hádia.

Dialuilu 29:7

Kizuua-phe kia kakuinhi, kia mbeji ienhiʼii ia kasambuadi, mu kala ue ni kionge kikôla; mu tatesa mienhu ienu; ki mu bhange kikalakalu kioso-kioso;

Matesu 28:10

Jezú anga ua ambela, uixi: Ki mu kale ni uôma. Ndenu kà tangedienu phange jami, a katuke, a kàie ku Ngalileia, kuene kua kà ngi mona.

Matesu 28:5

Anju-phe i zuelesa ahatu, uixi: Ki mu kale ni uôma! Kuma nga mʼijiia, mua-lu sota Jezú a mu phaphele ku dikulusu.

Marku 16:6

Muene he ua ambela, uixi: Ki mu sasumuke! Mukonda ngejiia kuila mualu sota Jezú dia Nazalé a mu tele ku dikulusu. Muene ua fukunuka kia; bhabha kala-bhu dingi. Talesenu o kididi bhua mu tudile!

Luka 1:13

Mukunji anga u mu ambela, uixi: Ku kale ni uôma Zakadiia! Mukonda musambu ué Nzambi ua uivu. Muhatuʼé, Nzebele, ua-ndu ku vualela monʼa diiala, eie u mu luka dijina dia Nzuá.

Luka 1:30

Mukunji-phe, uixi: Ku kale ni uôma, Madiia! Mukonda eie ua bongo kuzediua kua Nzambi.

Luka 2:10

Mukunji-phe ua ambela, uixi: Ki mu kale ni uôma! Mukonda ngeza ku mi tudila Njimbu Iambote, i sangulukisa mundu uoso.

Luka 24:38

Jezú anga ua ambela, uixi: Mukonda diahi, mua sasumuka? Mu kuatela-hi jiphata, mu miẋima ienu?

Jipoxolo 27:24

Uixi: Ku kale ni uôma, Phaulu! Kuma eie ua bhingi ua kèmana bhu pholo ia Sézalu. Talesa-phe, o Nzambi mu mbote iê ua ku bhana kiá oso u uala kuendela-nâ kumoxi mu naviiu.

Dijingunuinu 1:17

Ki nga zubha ku mu mona, nga di bhale bhu inama iê kala muthu uafu. Muène-phe anga u ngi tula lúkuaku luê lua dilu ku thandu, uixi: Ku kale ni uôma! Eme nga Dianga, eme nga Sukidila.