Daniiele 10:1 - O Mikanda Ikola

¹ Mu muvu ua katatu ua Silo, sobha ia Pélesa, Daniiele, a mu edi Belxazale, a mu jingunuina maka; o maka-phe ma kidi, maka ma ita ia dikota ia xikamena kubhanga mu thembu iza-ku. Daniiele muene, maka ua mʼevu kiambote, o kisuma kia mu tetulukila.

Daniiele 10:1 Iomraidhean Croise

Dimatekenu 41:32

O ki ua mono, Falaó, nzoji a mu anjiuisa-iú luiadi, mukonda kua Nzambi kiókole kiá, Nzambi ka-ndu nanga dingi mu ku ki bhitisa.

II Malunda 36:22

Maji-phe, o mu muvu ua dianga ua Silu sobha ia Pelesa (phala o kizuelu kia Jihova ni kitenene, kia tange ku dikanu dia Jelemiia), Jihova ua tonesa o nzumbi ia Silu, sobha ia Pelesa, muene iú ua bhitisa ni kuboka mu utuminu uê uoso, ni ku ki soneka muene, kuila.

Ejidala 3:7

Hé a bhana-phe ue kitadi ku akua kubatula ni akua ufunu ua kusonga mabaia kumoxi ue, ni kúdia ni kúnua ni maji ku akua Sidone ni akua Tilu phala kututa ku Libano miẋi ia misédulu, kuijiia na-iu mu kalunga ku Jopa, mukonda kiene kia di kundu ni Silu, sobha ia Pélesa iu ua ehelela ku ki bhanga.

Ejidala 4:3

Bhenhobho-phe ni Zolobabele ni Jesuua ni amukuá dingi, o jitata ja mabhata ma Izalaiele, a a vutuila, exi: Ki ki fuama kuila ni enu ni etu tu tunga kumoxi o inzu ia Nzambi ietu; etuʼene muene, ubheka uetu, tua-nda ku i tungila Jihova, Nzambi ia Izalaiele, kala kia tuʼambela Silu, sobha ia Pélesa.

Ejidala 4:5

Anga a futila jindaxi phala kuia ni ku a fudisa ioso ia mesena kubhanga izuua ioso, kioso Silu sobha ia Pélesa hanji iu ni muenhu, katé mu utuminu ua Ndala, sobha ue ia Pélesa.

Ejidala 6:14

O ikulakaji ia jijudé, ia aiʼâ muene ni kutunga ni kuzediuila ku muzambu ua polofeta Ajeu ni Zakadiia monʼa Idu. Onzo anga a i tunga a i zubha kala kia tumu Izalaiele ni kia tumu ngonge ia Silu ni ia Ndala ni ia Artaxexe, sobha ia Pélesa.

Ejidala 6:3

O sobha Silu, mu muvu uê ua dianga, ua bhana ngonge iii: Mu kuzuela ku inzu ia Nzambi mu Jeluzaleme, ia fuama ku i tunga phala kididi kia ku bhela jisata; o madisesa mê ma kola muene; o kitala kiê, makuinhi a samanu a kóvadu; o kuzanza kuê, makuinhi a samanu a kóvadu; ni mikalatata itatu ia matadi a makota, ni umoxi ua miẋi ia ubhe.

Izaía 44:28

Anga ngi tanga Silu kuila: Muenhó kabhila kami, muene ua kà kumbidila o vondadi iami ioso ia ngi uabhela; ngambela ue Jeluzaleme ngixi: Tunga-soma; o Tembulu, ue, ngixi: Tunga dingi o madisesa mé!

Daniiele 1:17

O minzangala iuana ienhiʼii, Nzambi anga ua a bhana kuijiia ni kutongoloka mu mixinda ioso ia kusoneka ni mu unjimu; maji o Daniiele ua mu tela-ku o kilunji kia kutetulula isuma ni jinzoji.

Daniiele 1:21

Kienhiki Daniiele anga unakina muenʼomo katé mu muvu uadianga ua sobha Silo.

Daniiele 1:7

O kota dia jingolambole iu ua a bhana majina engi: Daniiele ua mu luku Beltexazale; Hananiia ua mu luku Sadalake; Mizaiele ua mu luku Mizake, o Azadiia ua mu luku Abede-neko.

Daniiele 10:14

O kiki ngeza ku ku ijidisa kioso kia-nda kubhita na-kiu o mundu ué, mu izuua i sukidila-ku; mbata kisuma kiki, kia mu tanga ima ia kʼèza ku hádia.

Daniiele 11:2

Kiki-phe nga-nda ku ku jimbuila o kidi. Talesa, ku Pélesa hanji kua-nda ku di-bhinganesa jisobha jitatu, o ua kauana ua-nda kúvua ma-umvuama mʼònene, akuâ osoʼá ndenge. Mukonda dia jimbongo javulu ua kà funhisa akuâ oso, phala kubalukila utuminu ua Ngeléxia.

Daniiele 12:4

Eie ue, Daniiele, maka ià jika-u a suke bhenhabha; jika ue idimbu ku divulu didi, katé bhua kà suka o thembu; avulu a kʼèza-ku, a kà tutumba ku mbandu ni mbandu mu jixi joso, o kuijiia-phe kua kʼàia ni ku dibandekeza.

Daniiele 12:9

Kuala muene: Katuka, Daniiele, mbata makʼama a ma jika, ia ate-ku kidimbu katé kia kʼèza o thembu ia kà sukidilá-ku.

Daniiele 2:21

Muene u sondolola o jithembu ni ithangana; muene mukua kutulula o jisobha ku ungana mba u a tudika-ku; muene mukua kuila jinjimu u a bhana unjimu, akua kilunji u a bhana o kuijiia ni uhete.

Daniiele 4:8

Maji ku nga sukila kunu, kiene kiua kia bhixila Daniiele bhu pholo iami, a mu edi Beltexazale, dijina dia tokala ku dihamba diami, muenhú uene ni nzumbi ia jinzambi jikôla; anga ngi mu kundila o nzoji, ngixi:

Daniiele 5:12

muenhú uene ni muẋima uabeta ujitu, ni kuijiia, ni unjimu, ujingununa jinzoji, utetulula dioso diba dia jinganana, ubhuisa jiphata, ima ioso iii a i sange kua muthu umoxiʼú, Daniiele, a mu luka kuala muenexi uixi: Beltexazale. Tumenu-phe Daniiele, muene uanda kubhana o dijimbuluilu dia kisoneku kiki.

Daniiele 5:17

Daniiele-phe u kumbulula bhu pholo ia sobha, uixi: Maujitu méʼomo ma kale phala eie, hé uedi ufuta, futa muthu uengi! Maji o mixinda ia kisoneku ku i tanga ngi ku tangela-iu, anga ngi ku bhana o dijimbuluilu diê.

Daniiele 6:28

Daniiele-phe muenhú ua nakina muene ni kubhanduluka, mu utuminu ua Ndala ni mu utuminu ua Silo, mukua Pélesa.

Daniiele 8:16

O ku kibumu kia ngiji ia Utai, ngevu-ku dízui dia muthu, dia dikola, diexi: Ngabidiiele, o iú mu ijidise kioso kia jimbula o kisuma!

Daniiele 8:26

O kisuma-phe kia ngoloxi ni kia kimene, kia tange, kia kidi muene; maji eie-phe jika-kiu, kuma kima kia izuua ia hádia.

Luka 1:20

Kiki-phe u kala u dibubu, kutena kuzuela, katé kizuua kia kà bhita imʼiíi, mukonda eie kua xikana kizuelu kiami, maji o kiene-phe kia kà bhita bhu thembu iê.

Dijingunuinu 19:9

Bhenhobho anju anga u ngʼambela, uixi: Kiki soneka-kiu: Azediua oso a exana ku seialu ia ukaza ua Kambudi. Hé u kumuna dingi, uixi: Makʼama mene o maka ma kidi ma Nzambi.