Daniiele 1:9 - O Mikanda Ikola

⁹ Kienhiki Ngana Nzambi ua bongesa Daniiele kiadi ni henda bhu pholo ia kota dia jingolambole.

Daniiele 1:9 Iomraidhean Croise

Dimatekenu 32:28

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

Dimatekenu 39:21

Jihova-phe anga u kala ni Zuze, u mu bhanga henda, u mu sangesa ngalasa ku mesu a kasalelu ua tambula konda ia kaleia.

I Jisobha 8:50

anga u loloka o kifuxi kié, kia ku tela o kituxi, ni kubhuma kuâ kuoso kua ku bhumina na-ku, anga eie u a bhanga henda bhu pholo ia ió ala ku a bhikisa, ene ue sembele a a kuatele henda.

Nehemiia 1:11

Ngana, tata, mátui mé-phe, ma jikukile o musambu ua mubhikʼé, kumoxi ni musambu ua abhikʼé ala kuinda kuxila o dijina dié; mubhikʼé, lelu, anga u mu zediuisa, nʼu mu bhana o kiadi bhu pholo ia muthu iú. Bhenhobho-phe eme ngala ngi mukuati a nganza ia sobha.

Nehemiia 2:4

Anga sobha u ngʼambela, uixi: Kiki phe kima kiahi ki u ngi bhinga; eme bhenhobho ngi sambela Nzambi ia diulu,

Estere 2:9

Kilumba kiki anga ki mu uabhela, u kala mu ngalasa iê; anga u lenguluka mu ku mu bhana imbamba iê ia ku di uabhesa, ni mákudia ma tokala, ni sambuadi dia ilumba oso a fuama kukala-nê a tundu mʼonzo ia muenexi; ni muene ni ilumba iê u a katula kididi kioso kiala, hé u a bhana kididi kia beta kuuabha mʼonzo ia ahatu.

Jobe 5:15

Nzambi muene u kudila ua tate, ku xibhata i tunda mu kanu diâ; ua tate u mu bhulula bhu maku a kiiala kia nguzu.

Jobe 5:16

Mukonda dia kienhiki, ngadiama uala ni kia ku dielela; mukua ituxi, ituxi iê i mu xita o dikanu.

Jisálamu 106:46

U bhangesa kuila ni ió oso a a kutu, a ambata ku a balakala, a a kala ni henda ku jinguma jâ.

Jisálamu 4:3

Ijiienu-kiu kuma Jihova, mukua uoma uê u mu tungula, hé u mu tambula konda; Jihova u ngʼivua, kioso ki ngi dikola kua muene.

Jisabhu 16:7

Mauendelu ma mathu se ma uabhela Jihova, muene-phe u mu bhangesa kuila katé ni jinguma jê, atunganê ku paze.

Daniiele 1:10

O kota dia jingolambole iu ua vutuila Daniiele, uixi: Eme ngala ni uoma ua muadiʼami, sobha, muthu ua mi xindila bhu tunda kúdia kuenu, ni kúnua kuenu; ki bhita-phe kiebhi kia mi mona jipholo jenu ja di suuata, o akuenu mua sokela-nâ kumoxi anga aẋanana? Bhenhobho-phe mua nda ku ngi ta bhu kíbhidi kia ku ngi batuisa mútue kua sobha.

Jipoxolo 7:10

Hé u mu kudila mu malamba mê moso. O Zuze kia tukuluka kua Falaó, Nzambi u mu muesa ujitu ni unjimu bhu pholo ia Falaó sobha ia Ijitu. O Falaó anga u mu bhanga nguvulu ia Ijitu, ni ia ku tumina dibhata diê dioso.