Daniiele 1:8 - O Mikanda Ikola

⁸ Daniiele anga u ta kikutu ni miẋima uê, uixi: Nguami ku di kasanesa ni makudia ma sobha, mba ni vinho iê iene mu kúnua; iu ua bhingi kua kota dia jingolambole phala a mu ehele kukamba o ku di kasanesa.

Daniiele 1:8 Iomraidhean Croise

I Jisobha 5:5

Kala kiki, nga mu xinganeka-phe kiá dijina dia Jihova Nzambi iami kuditungila Tembulu. O kienhiki, Jihova, mu ku ki tangela Davidi, tatʼetu ua mu zuelelele kiki, uixi: O monʼé nga-nda ku mu xikika bhu kiandu kia ungana bhu kididi kié, muene ua kà tungila o dijina diami Tembulu.

Jisálamu 106:28

Anga aia dingi mu ku di ta kua Bahale-Piiole; hé a dia o jisata ja satela o iteka iafu.

Jisálamu 119:106

Nga loka muene, nga-nda ku ki jijila, kuila o ijila ié ia kidi nga-nda ku i aiuka jinga muene.

Jisálamu 119:115

Ngi tundidienu bhu mbandu, enu mua solo kubhanga kiaiibha, mukonda ngʼandala kubhaka o ijila ia Nzambi iami.

Jisálamu 141:4

Muẋima uami ki u zuame ku kima kiaiibha, ki ngi lalame ni imbamba ia kubhukumuka. Nguami kukaiela athu a kalakala ima iaiibha, o kúdia kuâ kua fina, eme ki ngi ku indi.

Jisabhu 23:3

Màkudia mê eie ki u ma mona kuuabhʼokio, ki ma ku kuate luimbi; mbata makudia ma mangonha.

Daniiele 1:5

Sobha hé utuma ku a bhesa kúdia, ku tunda bhuoso bhua mu dia muene kizuua ni kizuua, ni vinhu ia kexe mu nua muene mbé ende ni ku a sasa kienhiki katé mu mivu itatu, o ki i bhita, enhá abhite ku kikalakalu kia kubanda sobha.

Daniiele 5:4

Ene edi anua o vinhu, a di te mu fumanesa mahamba ma ulu, ni ma phalata, ni ma ngòndo, ni ma jifelu, ni ma miẋi ni ma matadi.

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

Jipoxolo 15:20

Inda tu a sonekena ngó mukanda kuila, kadie jinge kúdia kua kasana, o kúdia xitu iojibhe anga a i satela itèka. Tu a tangela ue kuila, a lenge undumbu, ni kúdia xitu ia kiama kiokhuenhe, mba ue kúdia manhinga.

I Kolindo 7:37

Maji-phe se o monʼ a diiala ua kolokota ni muẋima uê, nguaiê dingi kusakana, uendi inda u kala ku ukudi, iú uala ni nguzu ia kuditumina o jihanji jê, iú ua te kiá ku muẋima kioso kianda kubhanga—kuabhu-phe, muene ue ua bhange kiambote, mu kukamba kusakana ni monʼ a kilumba.

II Kolindo 9:7

Kala muthu a bhane uila kia mu kala mu muẋima uê, ka bhane ni kuluuala, mba mu ku mu bhinjika. Mbata Nzambi ua zola mukua kubhana ni ngalasa ioso.

Matendelelu 32:38

O jinzambi ja kexe kúdia o banha ia jisata jâ janete, ni kúnua o jinganza jâ ja vinhu ia a tela jinga ku izau? Ji balumuke-phe phala ji mi kuatekese, nda mu kale ni bhua ku kondamena.