Daniiele 1:5 - O Mikanda Ikola

⁵ Sobha hé utuma ku a bhesa kúdia, ku tunda bhuoso bhua mu dia muene kizuua ni kizuua, ni vinhu ia kexe mu nua muene mbé ende ni ku a sasa kienhiki katé mu mivu itatu, o ki i bhita, enhá abhite ku kikalakalu kia kubanda sobha.

Daniiele 1:5 Iomraidhean Croise

Dimatekenu 41:46

Zuze u kala mu makuinhi atatu a muvu kiemana bhu pholo ia Falaó, muenexiʼa Ijitu. Zuze anga u tunda bhu pholo ia Falaó uia mu kunhunga oxi ioso ia Ijitu.

I Jisobha 10:8

Azediua o athu é, azediuia o akua mbèle ié iá, ala bhu pholo ié izuua ioso, mu kuivua jinga o kuijiia kué!

II Jisobha 25:30

Sobha muene ku mbandu iê hé uia jinga ni ku mu bhana kúdia, mu kizuua ni kizuua, izuua ioso kiene, mu izuua ioso ia muenhu uê. Mahezu.

II Malunda 9:7

Azediua o athuʼé; azediua abhikʼé iá, ala izuua ioso bhu pholo ié, anga aia ni kuivua o unjimu ué!

Jisabhu 23:3

Màkudia mê eie ki u ma mona kuuabhʼokio, ki ma ku kuate luimbi; mbata makudia ma mangonha.

Jelemiia 15:19

Uila kiki: Jihova uambe kuma: Sʼeie ua toloka, eme-phe ngi ku takana dingi, anga u kala jinga bhu pholo iami: eie se u tungula kima kia ujitu, o kia lusebu anga u ki texi, ua-nda ku kala-phe mukuâ ni dikanu diami; ndoko, eha-u ene a ku tolokele eie, eie ku ki sèse ku a tolokela ene.

Daniiele 1:19

Sobha anga uzuela-nâ; o muʼaxaxe-kâ-phe ka sangemu athu a sokela ni Daniiele, ni Hananiia, ni Mizaiele, ni Azadiia; kienhiki anga a bokona ku mbanza mu ku kalakala ni sobha.

Daniiele 1:8

Daniiele anga u ta kikutu ni miẋima uê, uixi: Nguami ku di kasanesa ni makudia ma sobha, mba ni vinho iê iene mu kúnua; iu ua bhingi kua kota dia jingolambole phala a mu ehele kukamba o ku di kasanesa.

Matesu 6:11

Kúdia kuetu kua nzala ia kizuua ni kizuua, tu bhane-ku lelu.

Luka 1:19

Mukunji anga u mu tambuijila, uixi: Eme Ngabidiiele, ngene kuimana bhu pholo ia Nzambi. Muène iu ua ngi tumu ku ku zuelesa, ku ku tudila o njimbu iíi iambote.

Luka 11:3

Tu bhane o kúdia kuetu kua kizuua ni kizuua ku tua bhindamena.

Luka 21:36

Uila kiki, di langienu-phe ithangana ioso, ni kudionda mu kusamba, phala mu tene kubhuluka ku ima ioso iíi, ni kuimana nzànza bhu pholo ia Monʼa Muthu.

I Samuuele 16:22

Saúlo anga u tuma kuambela Jese, uixi: Nga ku diondo, Davidi a xale kunu bhu pholo iami, kuma ua ngi uabhela muene.