Daniiele 1:4 - O Mikanda Ikola

⁴ oso minzangala a disanze kiambote, a kambe kisému, edi ni kuuabha pholo ni kuijiia, oso òlonge mu unjimu uoso, oso ejiia uhete, a tetuluka kiambote mu tongolola o ima, se mua a mono ni kusakalala kua kuila atena kusedivila mu dizêmba dia muenexi, mbé mu a longe usonekenu ni uzuelelu ua akua Kaldeia.

Daniiele 1:4 Iomraidhean Croise

Dimatekenu 41:46

Zuze u kala mu makuinhi atatu a muvu kiemana bhu pholo ia Falaó, muenexiʼa Ijitu. Zuze anga u tunda bhu pholo ia Falaó uia mu kunhunga oxi ioso ia Ijitu.

II Samuuele 14:25

Mu Izalaiele ioso-phe, ki bhuala muthu a mu ximana o kuiuka kua kuuabha o mukutu ni pholo kala Abisalone; ubhinga athu oso kia mu tala, ela kala adiuana! Tunde bhu dikanda diê dia kinama, katé bhu thala ia mútue, ka moneka ngó kisemu.

Jisabhu 22:29

Eie ua mono muthu uala ni makidikidi mu kikalakalu kiê? Muenhó-phe hinu a-nda ku mu xikika bhu pholo ia jingana; ka tena ku mu tula ngó bhuamoxi ni athu ió a sebhuluka.

Ndongixi 7:19

O unjimu u beta kubhana o kusuína ku njimu, kuinhi dia nguvulu jʼejidila kúlua ita ji kala mu mbonge imoxi, ndenge.

Izaía 36:11

Eliiakime-phe ni Sebena, ni Joá, ambela Labesaki, exi: Tua ku bhingi kuma, abhikʼé, a zuelese mu dimi dia sidiiaku, kuma tua dʼijiia kiambote, ku tu zuelele mu dimi dia Judeia, ku mátui ma mundu iú uemena ku thanduʼa kimbaka.

Jelemiia 5:15

Talesa-ze, eie u dibhata dia Izalaiele, nga-nda ku mi solomuena kifuxi ki tunda makanga, Jihova ua ki tange; kifuxi kia nguzu. Kifuxi kia xahulu, kifuxi kia bhingi eie o mbimbi iâ kuanda ku ijiia; kioso kia zuela eie kua-nda kutena ku kʼivua.

Daniiele 2:10

Akua Kaldeia anga a vutuila sobha, bhu pholo iê, exi: Diba didi, mu ngongo iosʼumu, kana-mu muthu u tena ku ku ambela-diu, sobha; ki kuala ue sobha, né uakudila kuebhiʼoko, nʼa jijila kima kala kiki ku jinganga, mba ku jimesene ja iphata, mba ku akua Kaldeia.

Daniiele 2:2

Sobha anga u tuma kuixana jingânga, ni jimesene ja iphata, ni imbanda, ni akua Kaldeia, phala a mu jimbuile jinzoji jê; ene anga eza hé a bhixila bhu pholo ia sobha.

Daniiele 3:8

Anga mu kithangana kienhokio kutukuluka mala amoxi-mu, akua Kaldeia, anga a xitala o jijudé.

Daniiele 4:7

Ni jinganga, ni jimesene ja iphata ia kutalela ku jithéthembua, ni makaledeia, ni imbanda akua kuzambula, anga eza, eme anga ngʼa tangela o nzoji kioso ki nga i anjiua; maji ene-phe dilomboluelu diê a di lémbua ku ngi tangela-diu.

Daniiele 5:11

Sai diiala uala mu utuminu ué, muene uala ni nzumbi ia jinzambi jikôla; o mu izuua ia tatʼenu, a mu sange ni mukengeji, ni kutetuluka, ni unjimu, mukuâ ni unjimu ua jinzambi; sobha Nabukodonozolo dia tatʼenu, euá, muenexi dia tatʼenu eie, sobha, ua mu bhangele dikota dia jinganga, ni dia jimesene ja jithéthembua, ni akua Kaldeia ni azambuidi;

Daniiele 5:7

Sobha hé uta nzongo, uixi: Ngi bhekedienu bhabha oso jimesene ja iphata, ni akua Kaldeia, ni azambudi oso. Sobha anga uzuela, u ambela jinjimu ja Babilónia uixi: Uoso u tena kutanga mixinda iosoneke iii, na ngi jingunuina o dijimbuluilu dié, a-nda ku mu zuika thanga ikusuka, hé a mu zuika lubhambu lua ulu mu xingu, o mu utuminu uaʼxi a mu bhana-mu kididi kia katatu.

Daniiele 9:1

Mu muvu uadianga ua Ndala monʼa Asuuelo, ku muiji ua akua Mediia, a mu hingixile ku utuminu ua akua Kaldeia.

Zakadiia 2:4

Anga i mu tangela, iexi: Lenga, tangela munzangala iú, kuamba: O Jeluzaleme hádia ua kà tungiua dingi kala kia jisanzala ja kambe imbaka, mukonda dia kifuẋi momué, kia athu ni kia ibhaku.

Jipoxolo 7:20

O mu thembu ieneʼ oio, muene mua vuala Mozé, anga u kala mona ua uabha kiavulu. O jitata jê hé a mu sasa mbeji jitatu mʼ onzo.

Jipoxolo 7:22

Kieniokio Mozé anga a mu longa unjimu uoso ua akua Ijitu, anga u kala mesene mu ima ioso ia zuela, ia bhanga.

Efezo 5:27

Ua ki bhange ue phala nʼ a tena kubheka o Ngeleja bhu pholo iê Muène-muene ni uuabhelu uengi, ki u moneka dixaka, mba kifuta, mba kima ngó kia difu; maji i kale ni kuzela, sé ngó kisému.

Afundixi 8:18

Muene anga u ambela Zeba ni Zalumuna, uixi: Athu a kidifua kiahi, u mua jibhila bhu Tabolo? Ene a mu vutuila, exi: Kiene ki ualʼeiʼiki ene ue kiene; ene oso edi kala anʼa sobha.