Daniiele 1:2 - O Mikanda Ikola

² Jihova-phe u bhakula Juakí, sobha ia Juda, bhu lukuaku luê, ni mbandu ia itutu ia ulu ni phalata ia dibhata dia Nzambi, anga uia na-iu kʼoxi iê ku Xinale, anga u i tula mʼonzo ia dihamba diê, hé u i lunga kumoxi ni itutu iala monzo ia dihamba diê.

Daniiele 1:2 Iomraidhean Croise

Dimatekenu 10:10

A dianga kukala mu kilombo kia utuminu uê, Babele, Eleke, Akade, Kalene, mʼoxi ia Xinale.

Dimatekenu 11:2

Mu kukala-phe, ki a kala mu kunhunga ku mbandu ia thunda, a sanga dinhana mʼoxi ia Xinale; anga a tunga muenhomo.

II Jisobha 24:1

Mu izuua ia Nzouakí muene mua bande Nabukodonozolo, sobha ia Babilónia, mu kulua-nê, o Nzouakí hé u kala mivu itatu ku ubhika; o ki iabhu phe, ua hunduluka iú ua kitukila sobha ia Babilónia.

II Malunda 36:5

Kieneʼokio, o Nzuakí uala mu kitala kia makuinhi aiadi a mivu ni kitanu kioso kia mateka o kutumina; anga u tumina kuinhi dia mivu ni umoxi mu Jeluzaleme; anga u bhanga muene kia ibha ku mesu ma Jihova, Nzambi iê.

II Malunda 36:7

O Nabukodonozolo anga uambata ue ni itutu imoxi-mu ia inzu ia Jihova, uia na-iu ku Babilónia anga u i tula mu Tembulu ié-muene ku Babilónia.

Ejidala 1:7

Sobha Silu, muene ue, ua katula itutu ia inzu ia Jihova, iejile na-iu Nabokodonozolo ku Jeluzaleme, iu ua i tele mʼonzo ia jinzambi jê.

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 42:24

O Jakobo nanhi muene ua mu bhakula mu madibongela? Izalaiele mukuahi ua mu bhakula ku ingumba? Abha ki Jihova muene, ió a mu tele ene o ituxi, anga a dituna kuenda mu jinila jê, hé a di tuna kuívua o ngonge iê?

Jelemiia 25:1

O kizuelu kieza kua Jelemiia ku mbandu ia kifuxi kioso kia Juda ku muvu ua kauana ua Nzuakí, monʼa Joziia, sobha ia Juda (uene-phe muvu ua dianga ua Nabukodonozolo, sobha ia Babilonha).

Jelemiia 27:16

Jinganga ue nga a zuelela ni mundu uoso uenhú, ngixi: Jihova uambe kiki; Kana kubhana mátui ku izuelu ia jipolofeta jenu, kia mi zambuila, exi; Talenu, itutu ia inzu ia Jihova ia-nda kuvutuka kindala muene mu ku tunda ku Babilonha; maji makutu ngó ala ku mi zambuila.

Jelemiia 28:3

Kia-nda kutenena muene mivu i iadi, eme nga-nda ku tona dingi ku bheka itutu ioso ia inzu ia Jihova bhu kididi kiki, iene ioso iʼambatele Nabukodonozolo, sobha ia Babilonha bhu kididi kiki, hé uia na-iu ku Babilonha.

Jelemiia 35:11

O kioso-phe Nabukodonozolo, sobha ia Babilonha kia bande mu ixi iii, etu tuambe, tuexi: Zenu, tuienu mu Jeluzaleme, mukonda dia ifuẋi, ia masoladi ma akua Kaldeia, ni mukonda dia ifuẋi ia masoladi ma akua Sídia; kuabhu-phe etu tua xalela kiá mu Jeluzaleme.

Jelemiia 50:2

Tangenu-kiu mu kaxi ka akua jixi. Ambenu-kiu a kʼivue, lekenu muene o mvela ambenu-kiu a kʼivue, kana ku ki sueka, kuila: Babilonha a mu tolola kiá, Bele ua tandanganha, Melodake a mu bhiti ku thandu, o iteka iâ sonhi ja a kuata, jinzambi jâ ja dibhale bhoxi.

Jelemiia 51:44

Hádia Bele mu Babilonha, nga-nda ku mu zungila, o ioso ia minha mu kanu diê nga-nda ku mu katula-iu, akua jixi ki mungu dingi aia ni kuia kokué; o kimbaka ue kia Babilonha kia di bhale.

Daniiele 5:13

Anga a bokuesa-phe Daniiele bhu pholo ia muenexi. Muenexi anga u zuelesa Daniiele, uixi: Eʼmuene Daniiele iuná ua tokala ni anʼa kikuka kia tundile ku Juda, ejiie ni muenexi dia tatʼetu, ua a kukile ku Judeia?

Daniiele 5:18

Kaxi eie, u sobha, Nzambi Sukeku, uabhele tatʼenu Nabukodonozolo o utuminu, ni ulâmba, hi kijingo ni kizunda.

Habakuke 1:16

Anga, mukonda dia kiki, uanda uê u u satela, o kibhongoluelu kiê u ki ohela ima ia mazumba, kuma ni imʼiii mbandu iê ia jingi kiengi, o kúdia kuê kua vulu dingi.

Zakadiia 5:11

Muene iú ua ngʼambela, uixi: Anda kuà i tungila inzu mu ixi ia Xinale. O inzo kioso ki ia kà bhua, o iene a-nda kua kà i ta muenhomo, bhu kididi kiê bhu ia tokala.

Matendelelu 32:30

Se ʼTadi diâ ua kambele ku sumbisa o nguma jâ kua ene, mbé eje kutena kuila muthu umoxi ulandemeka midi, kiiadi a kaia kuinhi dia midi? Ki Jihova muene ua a bhakula?

Afundixi 2:14

Njinda ia Jihova anga i uamena Izalaiele, Muene hé u a bhakula bhu maku a ingumba i kala mu ku a bhûnda; anga u a tambuisa bhu maku a jinguma jâ, ja a kala mu jimbandu, katé ka tena dingi kuimana mu kubhânga ni jinguma jâ.

Afundixi 3:8

Mukonda dia kiki, njinda ia Jihova i uama ku thandu dia Izalaiele, anga u a sumbisa bhu lukuaku lua Kuxane-Lesataime muenexi ku Mezopotâmia; anʼa Izalaiele anga a bhikila Kuxane-Lesataime mu nake dia muvu.

Afundixi 4:2

Jihova anga u a bhakula bhu lukuaku lua Jabine, sobha ia Kanana, u kala ni mbanza iê ku Hazole, o kabhitangu ka kifuẋi kiê Xixela, ua tungile bhu Halosete ia matumbu.

I Samuuele 5:2

Akua Fidíxia anga a kuata álaka ia Nzambi, ai ta mʼonzo ia Dangoni, hé a i tula bhu mbandu ia Dangoni.