Daniiele 1:1 - O Mikanda Ikola

¹ Mu muvu ua katatu ua utuminu ua Juakí, sobha ia Juda, kiene kieza Nabukodonozolo, sobha ia Babilónia, hé u tula mu Jeluzaleme, anga mbanza ioso a i konda mbandu ni mbandu.

Daniiele 1:1 Iomraidhean Croise

II Jisobha 23:36

Nzouakí ua kexe mu kitala kia makuinhi aiadi a muvu ni kitanu, kioso kiʼandeka o kutumina, iú ua tumina kuinhi dia mivu ni umoxi mu Jeluzaleme; o dijina dia mamʼâ a mu ixana jinga exi: Zabuda, monʼa Pedaia bhu Luma.

II Jisobha 24:13

O jimbongo joso ja inzu ia Jihova ni jimbongo joso ja dibhata dia sobha, ua ji katula iú uai na-ju; o itutu ioso ia ulu ia bhangele Solomá, sobha ia Izalaiele, ua i bula-bula kala kiambe o kizuelu kia Jihova.

Izaía 39:7

Katé ni ku anʼé, a tundu momué, ni oso u ua-nda kuvuala eie, a kà kuata-ku amoxi-mu, anga a a bhanga jingolambole mu dizemba dia sobha ia Babilonha.

Jelemiia 25:1

O kizuelu kieza kua Jelemiia ku mbandu ia kifuxi kioso kia Juda ku muvu ua kauana ua Nzuakí, monʼa Joziia, sobha ia Juda (uene-phe muvu ua dianga ua Nabukodonozolo, sobha ia Babilonha).

Jelemiia 35:1

O kizuelu kia Jihova kieza kua Jelemiia, mu izuua ia Jehoiakí, monʼa Joziia, sobha ia Juda, kiexi:

Jelemiia 35:11

O kioso-phe Nabukodonozolo, sobha ia Babilonha kia bande mu ixi iii, etu tuambe, tuexi: Zenu, tuienu mu Jeluzaleme, mukonda dia ifuẋi, ia masoladi ma akua Kaldeia, ni mukonda dia ifuẋi ia masoladi ma akua Sídia; kuabhu-phe etu tua xalela kiá mu Jeluzaleme.

Jelemiia 36:1

Anga ki bhita kuila mu muvu ua kauana ua Jehoiakí, monʼa Joziia, sobha ia Juda, kiene kieza kizuelu kiki kia Jihova kua Jelemiia, kuila:

Jelemiia 45:1

O maka a zuela Jelemiia, dia polofeta, kua Mbaluke, monʼa Nediia, kioso muene kia kexi mu kusoneka maka ió, mu divulu, ku dikanu dia Jelemiia, mu muvu ua kauana ua Nzuakí, monʼa Joziia, sobha ia Juda, uixi:

Jelemiia 50:1

O kizuelu kia zuela Jihova ku mbandu ia Babilonha ni ku mbandu ia ixi ia jikaldeu, mu kuzokanâ, kua Jelemiia polofeta, uixi:

Jelemiia 52:12

O bhu mbeji ia katanu, mu kizuua kia kakuinhi ku mbeji, (uenhu-phe uene o muvu ua kuinhi niʼvua, ua utuminu ua Nabukodonozolo, sobha ia Babilonha) kiene kieza Nebuzaladane, mu Jeluzaleme, kabhitangu ka kilangidilu, ua kexile mu kunanga bhu pholo ia sobha ia Babilonha.

Jelemiia 52:28

O mundu uambata Nabukodonozolo ku ubhika mu muvu ua kasambuadi uenhú: Midi jitatu ni makuinhi aiadi ni kitatu kia jijudé.

Daniiele 5:13

Anga a bokuesa-phe Daniiele bhu pholo ia muenexi. Muenexi anga u zuelesa Daniiele, uixi: Eʼmuene Daniiele iuná ua tokala ni anʼa kikuka kia tundile ku Juda, ejiie ni muenexi dia tatʼetu, ua a kukile ku Judeia?