Lukas 9:7 - Allahri Yubu Nikne Wendogne (apna Samenagne pogtoba)

^7-8 Undo unulamekpa, nimiri Yesusti ulamogne sembe a'ero-a'ero seneraglamek. Nenneri, “Allah yubu silimu tiplamek nimi tebaek nimi agha nhon nen kamag taori, Allah yubu silimu tiplamlari ulamla,” senelamek. Nenneri, “Allah yubu silimu tiptopne nunisag Elia nen samoro yaori, el agha ane to?” senelamek. Nimi nhon-nhondi Yesus sembe senelamekti, “El Yohanes, nimi maghag pelengehiropne poneko wamla. Yohanes poneko samenag tebao aghana, nen kamag tangka yao,” aro lelamek. Nimiri Yesusti ulamogne sembe maiknoro lelamekpa, Galilea so'oag nimi saelba uhiropne nimi nubunge Herodesti babe ka'ebaogti, wana inmon taog.

Lukas 9:7 Iomraidhean Croise

Matius 11:2

Yesus aneko wamogpa, Yohanes maghag pelengehiropne ponekona, haing sae kaupto kop aeag tobongkibekpa wamog. Wamoghag anekoa nimiri Kristusti ulamogha sembe lelameka ka'ebaogti, Yohanesti eldi yubu ka'ero neleptop nang yopsiog. Yopsiogti Yesusag poglamsiogti,

Markus 8:28

Wene aro haibahiogpa, samoro ambarelamekti, “Nimi nenneri an sembe, ‘Yohanes maghag pelengehiropne nen kamag taonge poneko ane,’ senelamangdi yubu lelamang. Nenneri, ‘Elna samenag Allah yubu silimu tiptopne Elia poneko samoro kamag taogne wamla,’ senelamangdi yubu lelamang. Nenneri, ‘Elia kom aghana, samenag Allah yubu silimu tiptopne yogne kamag taogne wamla,’ senelamangdi lelamang,” seek.

Lukas 13:31

Abeneko ko'o enekoag agha babe Farisi nimi etpare Yesusag yaekti ambarelamekti, “Herodes yubu sia leropneri an sembe karongdi, ‘Opsene,’ senelangkel. Aneag agha lambamendi, yogneag pululam,” aro ambarek.

Lukas 21:25

Yesusti tipto ambarelamsiogti, “Amik imag tiwalengki agha el nenehiropne kekneba imag ualul nena hengag, walag, imbereaag kekneba ualul. Mog so'oag uro yabilul nena, mag laut longorop mag nubunge irik-irikna nubu uro palilamlul. Mag kurut alamlenge neneko limang talagtoba saog ulamleba, nimi tala-tala wamang nimiri, ‘Welaro omnulamsil,’ aro wana enhaun aro log sembaukang.

Lukas 23:7

Wene aro haibahiogpa, nimiri elag, “Sik el Galileange,” aro ambarekpa, Pilatus ponekori ka'ebaogti, “Herodes ponekori mog so'o Galilea saelbamla,” aro seneraglamog. “Yesusna Herodes yubu sia leropneri saelbamlange so'oagne wamlaba, Herodes wene as Yerusalem yao,” aro el taogti Pilatusti, “Wene Herodes wamlaag poa pululom,” aro ambatsiog.

Lukas 3:1

Roma nimi sembe yubu sia lenne Kaisar si Tiberius ponekori saelba ulamsiog. Hengkun naual tarabare saelbamsiogpa, el umag yubu eptopne gubernur nimi nubunge Yudea so'o saelbamogne Pontius Pilatus poneko wamog. Wamogpa Kaisar Tiberius umagnang Herodesti Galilea so'oag nimi sembe yubu sia lero saelba ulamsiogpa, Herodes elkae Filipusna Iturea so'oag nimiap, Trakhonitis so'oag nimiap sembe yubu sia lero saelba ulamsiog. Kaisar umagne Lisaniasna Abilene so'oag nimi sembe yubu sia lero saelba ulamsiog.

Lukas 9:19

Wene aro haibahiogpa sindina, “Nimi nenneri an sembe, ‘Yohanes maghag pelengehiropne nen kamag taonge poneko ane,’ senelamangdi yubu lelamang. Nenneri, ‘Elna, samenag Allah yubu silimu tiptopne Elia poneko samoro kamag taogne wamla,’ senelamangdi yubu lelamang. Nenneri, ‘Elia kom aghana, samenag Allah yubu silimu tiptopne yogne kamag taogne wamla,’ senelamangdi lelamang,” seek.