Lukas 9:11 - Allahri Yubu Nikne Wendogne (apna Samenagne pogtoba)

¹¹ Yesusap aobare nang tanekoap, “Mo pina wamukap,” aro ulamek aghana, nimiri el taekti, Yesusag neleplamek. Neleplamekpa Yesusti, “Wali nanag nelepto yaheng,” sembaogti, “Allahri mog so'oag nimi saelba uhiroba undo-undo saog wamla,” aro ambarelamsiog. Ambarelamsiogpa ma'arop nimi taneko elag neleplamek nimi agha naikna ua ulamsiog tanena, Yesusti wali nenelamsiog.

Lukas 9:11 Iomraidhean Croise

Ibrani 4:16

Ane sembe nunag wana yororo Saelba Uhiropne poneko puka urobag wana khapto yalamukap andarina, nu teko ulamsilneag yareag senelamsileri, nunag wana yorolamsilne agha yeplamsilul.

2 Timotius 4:2

“Andi Allah yubu walinge nimiag ambarelamsululam,” aro wenero ambarelangken. Andi yubu ambarelamsimenne sembe nimiri, “Ka'ebaukap,” sembaika babe, “Karong,” sembaika babe andi, “Allah yubu ambarelamsinun,” aro wea ulamlulam. Allah yubu ambarelamsimenba, nimiri sik komne lero uroba sembe, sikne lag nenero wenelamsululam. Wenelamsimen abeneko pere andi wana paiapmendi, “Sindi wana sesog urop nimi wana mikip nembahinun,” aro yubu kiki telekto el nenero amolamsululam.

Roma 15:3

Undo unulamukap sen nena, tam nene sembe. Kristus ponekori babe eldamne yeng nenep tangtopne mo ulamog kom. Eldamne yeng nenep tangtopne uaog komne sembe septop nimi nhondi mome toro palilamogti, “Nimiri an san tilipto lelamangne nene nanag timbaneo,” aro mome toro pibog.

Roma 10:14

Wene, “Yopsut,” aro mome toro pibog aghana, nimiri anam elag wana palirop kom tanena elag, “Yepne!” aro yopnep kom. Aghana el sembe anam ka'eamna kom tanena, nimiri elag sikne aro wana pimnep kom. Aghana ora nimiri anam yubu ambarel ingkihirop kom tanena, nimiri yubu ene ka'ebanep kom.

Pogsiog Nang 28:31

Hengkun phende as Roma wamogha log kom uro Allahri mog so'oag nimi saelba uhiroba sembe ambarelamsiog. Yubu ambarelamsiogpa, nimiri iriknange orog wamogpa, Allahri nu Saelba Uhiropne Yesus wepto poghol aogne Kristus sembe Paulusti amoro ambarelamsiog.

Yohanes 6:37

Nari Nairi na saeag tatneo nimi ni nanag yaukang. Nanag yalamik nimi nhon babe wa'epto yag lambanun kom.

Yohanes 4:34

Wene sembaekpa, Yesusti el yubu ka'ero neleptop nimi ambarelamsiogti, “Kwaneng teroba naringena, ‘Na pogneogne ponekori seneropne uahaneri, eldi awe komopto topsene,’ senenne yo ulamnelba, eldinge awe toro ul palamnange na sembe kwaneng teroba saog wamla.

Lukas 9:2

Tatsiogti poglamsiogti, “Pimundi nimi naiktopne wali nenelamsimundi, Allahri yubu sia lero mog so'oag nimi saelba uhiropne sembe ambarelamsululom.

Lukas 8:10

Wene aro haibaekpa Yesusti, “Allahri mog so'oag nimi saelba uhiroba aneko samenagna tognoro wamog aghana wene, a'unag tibin nenero ambatnuahin andarina, el wamlulom. Aghana ora nimi sembe tognoro wamlaba, likiptop yubuag ambarelamsin. Undo ambarelamsine andarina, ‘Haingdi kemelamukang aghana, wanaag agha ibukang kom. Aori ka'elamukang aghana, wanaag agha seneraghukang kom’,” aro ambatsiog.

Lukas 8:1

Neneko uro yabiogpa, Yesus ina yabalamogne, nhon asag, nhon asag pina kanero yabalamog. As ologne nubunge yabalamogti, yubu walinge Allahri yubu sia lero nimi saelba uhiroba sembe ambarelamsiog. Yesusti nimi aobare wepto pogsiog nang taneko babe Yesusap nhon yabalamekpa,

Lukas 5:31

Wene aro haibahiekpa, Yesusti samoro ambarelamsiogti, “Nong wali nimiri whesirop nimi sembe, ‘Teko,’ senelamang kom. Ot naiktop nimiri aghabog whesirop nimi sembe, ‘Teko,’ senelamang.

Lukas 1:53

Sin saeagha orog nimi kwaneng yo wamsiloa saog urop nimi yepto wali-walia maikno tareamsil aghana, tup uro urop nimi nongog yag lambamsil.

Matius 21:43

Ane sembe a'unag yubu ambarelamsin nena, Allahri mog so'oag nimi saelba uhiroba aneko a'undi saeag agha wenero topleri, nimi kong yog nimiri saeag nembatsilul. Yog nimiri saeag nembatsilul nimina, wana mauroba el sembe tatnep nimiri saeag nembatsilul.

Matius 21:31

Sunumna wene aro ambatsinne a'undi ka'ebalomneag agha, me phende abene wamdek aghana, etneri sikiniri seneropne sunsunum uro uaog?” aro haibahiog. Wene aro haibahiogpa, sin memnang Allah sembe palirop nangap, Yahudi nimi sembe wenehirop nangap tanekori, “Elme samenagne agha,” seek. Wene seekpa, Yesusti yubu ambarelamsiogti, “Tam nene sembe nari yubu sikne agha ambarelamsin nena, sin Roma nimi sembe kamna poloro torop nimiap, salik-malik walep tangtop kelaboap a'un whingag yalamangdi, Allahri nimi saelba ulamsil nimi tanep ina wa'ina wamang.

Matius 14:14

Yesus kabong lomag agha lambaogti tilamsiogpa, nimi teng-tengne longolameka tibogahiog. Longkameka tibogahiogti, yareag senelamsiogti, nimi taneko naikna wamsiog nimi wali nenelamsiog.

Roma 10:17

Ane sembe, Kristus yubu ambatsiropne pere agha nimiri yubu sikne ene ka'ebanep. Tanena Kristus yubu nene ka'eropne pere agha nimiri elag sikne aro wana pimnep.

Matius 12:15

Farisi nimiri Yesusag, “Yoaba uaukap,” aro sindi wanaag seneraglamekne Yesus sam el taogti, anekoa lamba piog. Lamba piogpa, nimi maikno elag neleplamekpa, nimi ni naikna wamsiogne wali nenelamsiog.

Lukas 9:10

Yesusti wepto pogsiog nang taneko samoro yaekti, sindi nia ulamekne Yesusag ambarek. Ambarekpa Yesusti, “Nu olog pina mo wamukap,” aro enero poa lepsiogti, as nhon Betsaida poa pihiog.

Lukas 9:12

Ambarelamsiogpa ae sin taogpa, aobare nang tanekori Yesusag yubu lelamekti, “Mog so'o ane ae sorop komag paiag wamap. Kwaneng orogti, andi nimi taneag, ‘A'un pululom,’ aro ambatsimenba, as kanero wamangneag kwaneng teneba tol piikti, ae usa manag ebaukang,” seek.