Lukas 8:51 - Allahri Yubu Nikne Wendogne (apna Samenagne pogtoba)

⁵¹ Wene aro ambarogpa, Yesusap Yairus ponekoap nhon eldi aeag piekti, nimi wamek nimi tanekoag, “Nimi nhon babe nanap wa'aukang kom,” aro irikahiog. Irikahiog aghana, ot elag neleptop nang Petrusap, Yohanesap, Yakobusap kelme eneko ili ilinap aghabog, “Nhon wa'aukap,” aro ambatsiogti, nhon wa'iek.

Lukas 8:51 Iomraidhean Croise

Markus 14:33

Wene seog aghana, Yesusti Petrusap Yakobusap Yohanesap enero pabahiog. Pabalamsioghag aneko eldi wana alniro samsamolamogti, wana ikin taog.

Lukas 6:14

Sin wepto pogsirop nangna sina, Simon, Yesusti si Petrus aro engeropne ponekoap, Simon ilipsae Andreasap, Yakobusap, Yohanesap, Filipusap, Bartolomeusap,

Lukas 8:50

Wene aro Yairus poneko ambarog yubu Yesusti ka'ebaogti, Yesusti Yairus ponekoag ambarelamogti, “An log sembaheng kom. Ot nanag sikne aro wana palilapmenba, anmangkel wali talul,” aro Yesusti Yairus poneko ambarog.

Lukas 8:52

Wa'iekpa nimi ni wamekne kelme eneko loba taogne neneko sembe engelamekti, wana ikindi sindam nimi saramag ol dalamek. Aghana Yesusti lelamogti, “Engkaheng kom. Kelme ane ya'ag tebal kom. Elna mana agha malamla,” seog.

Lukas 9:28

Wene Yesusti, “Iplulom,” aro ambatsiogpa, ik linbare saog uro piogpa wamek. Yesusti Petrusap, Yohanesap, Yakobusap poa lepsiogti, “Allah omekto molona molbanun,” aro main nhonag poa pihiog.

Pogsiog Nang 9:40

Engelamekpa Petrusti, “A'un ni lambalulom,” seogti yabu sanukto pulingkina Allahag molona molbaog. Molbaogti nimi nong teptoba anekoag kembi agha, “Tabita, puke!” seogpa haing kwelekaogti, Petrus kembaogti pukog.