Lukas 8:3 - Allahri Yubu Nikne Wendogne (apna Samenagne pogtoba)

³ Kelabo yognena, Susana kel enekoap, Yohana kel enekoap, apna kelabo yogne maiknoap nhon yabalamek. Yohana kel enekona, ela'ange si Khuza wamog. Khuza ponekori nimi nubunge Herodes yepto eldi saeagha uroba paia ulamogne poneko wamog. Kelabo tanekoap Yesus elag neleptop nangap nhon yabalamekti, kelabo tanekori sindi saeagha sinag wamogne agha tenaba kamna toro Yesusap eldi wepto pogsiog nang aobare nang tanekoap yeplamsiek.

Lukas 8:3 Iomraidhean Croise

Matius 14:1

Wamek sum eneko Herodes nimi nubunge wamogti, Galilea so'oag nimi saelbamsiog. Saelba ulamsiog sum eneko Herodesti Yesus sembe yubu ka'ebaog.

Matius 14:3

Herodesti undo sembamog nena, samenag Yohanes anam teban komag, Herodesti Yohanes salero sae kaupto kop aeag tobongkibog. Kop aeag tobongkibog nena, samen Herodes elkae Filipusti toamog kel Herodias wamogpa, Herodes ponekori elkaeri kel eneko pelepto aog.

Matius 14:6

Herodes mangap tangto yabiog sum taogpa, mangap taogne seneragto ulamekne sembe nimi maikno yopto kilbahiogti, sani yoro telamek. Sani yoro telamekag aneko Herodias elmangkeldi nimi wameka nusamag kolapto seplamog. Kolapto seplamogpa Herodesti, “Wali,” aro wana awi maikno senelamog.

Matius 2:11

Me aneko paiamek aeag piekti kemelamekti, me anekoap ilin Mariaap ipsiek. Ipsiekti sindi yabu sanukto u amupto pulingkina me eneko kipto omekaek. Kipto omeklamekti, sindi wali-waliaba pabieka taneko, “Tatsukap,” aro lobarekto me eneko tamag leng-leng aroba emasap, mhong song walia tamnebaap, kal wea song walingeap taneko pibek.

Matius 20:8

Wel piekpa, sin awe welamek nimi yae paia uhiropne nhon wamog. Imbaogpa awe ngainge ponekori yae paia uhiropne ponekoag yubu lelamogti, ‘Awe tolamang nimi yopsululam. Amik arukahinba webang nimiag agha alniro kamna tarelamsimendi, samen arukahinba webang nimiag tatto komobahilulam,’ aro ambarog.

Matius 25:40

Yubu sia lero saelba uhiropne ponekori sinag samoro yubu lelamleri, ‘Yubu sikne agha ambarelamsin. Nanipsabo nanipsa'elabo taneko so'oag urop nimi olog nimi wamek aghana, sa'a-sa'a sin nimi nhonag ulamsilumne nenekona, nanag uanepne ulamlum,’ aro ambatsilul.

Matius 26:11

Nimi saeagha orog nimi a'unap sop-sop ua ulamukang aghana, na sop-sop a'unap wamnun kom.

Matius 27:55

Wamekag aneko kelabo maikno wamekti, weag sekamekti tiboghamek. Sin kelabo tanekori Galilea so'o agha, “Yesusag teko ualeag,” aro elag nelepto yeplamek.

Lukas 24:10

Kelabo yubu payingkina Yesusti wepto pogsiog nangag ambatsiek kelabo tanekona, Maria as Magdala kel enekoap, Yohanaap, Maria Yakobus ilinap, yog kelabo sinap nhon yabalamek kelaboapti yubu poa ambatsiek.

Yohanes 12:6

Eldi wene seog nena, “Nimi saeagha orogne tatsisene,” aro lebog kom aghana, el haogha toropne wamogti, “Topsene,” aro lebog. Eldi haogha tomnep nena, nimiri yepsinne tatsiroba eldi saeag nenelamekpa, paia unne wamog aghana, haogha toro telamog.

Pogsiog Nang 13:1

Saulusap Barnabasap samoro yarek li as Antiokhia Yesusag sikne aro seneragtop nimi winil dalamek nimi anabiag Allahri yubu silimu tiptop nimi Allah yubu tibin nenero ambatsirop nimi wamek. Allahri yubu silimu tipto tibin nenero ambatsirop nimi taneko sina, Barnabasap, Simeon si nhon Nigerap, mog so'o Kirene nimi nhon si Lukiusap, Saulusap, Menahemap wamek. Menahem ponekona yubu sia leropne Herodesap nhon mo'obahiekpa, Herodes elkae Menahem wamog. Sin Allahri yubu silimu tiptop nimi wamekti, as Antiokhia nimi Yesusag sikne aro seneragtop nimiap nhon winil dalamek.

2 Korintus 8:9

“Tatsululom,” sen nena, nu Saelba Uhiropne Yesus Kristus ponekori nu sembe wana yororo tatsiropne sembe a'un el wamlom. El tupne wamog aghana, a'un sembe el saeagha orogne nenep taog andarina, el saeagha orog wamogne toman agha a'un tup nimi tanep.

Filipi 4:22

Allahri wepsiog nimi Yesusag wana palirop nimi ni tanekori a'un kiplamsiang. Sin yubu sia leropne Kaisar ponekori ae yae ua urop nimi taneko babe, sindam nimiri a'un kiplamsiang.

1 Timotius 5:10

“Yepsukap,” aro mome siag tobongkiamsimunne, kaldam kelabori walinge maikno ulamikpa, nimiri iamsiikti, “Walia ulamla,” aro sikne lag nenero ambatkeik tanena, kaldam kel eneko mome siag tobongolamsululom. Kaldam kelabo agha mome siag tobongkipsinep kelabori wali-walia ulamang nena, elmabo wali uro mo'osirop, yingkirop nimi wali uro toro kipsirop, Yesusag seneragtop nimi sembe wana mamleba yepsirop, nimi kwema wamsil nimi yepsirop, sol wali, wali uro nia mangkina walia urop. Undo unurop kaldam kelabo si agha mome siag tobongkipsimundi yepsululom.