Lukas 8:13 - Allahri Yubu Nikne Wendogne (apna Samenagne pogtoba)

¹³ Wana aweag toglamogpa, kirikag timbaog nena, nimiri Allah yubu ka'ebi agha awi uro, ‘Saelbanun,’ aro torop aghana, yubu walinge neneko yareng pelengero sindi wanaag pongkanep kom nimi sembe lemna. Undop nimina, yubu walinge ambatsirop yubu eneko hae sesog sik sembanep aghana, sinag erarukne waelbanba, mipsirop tanena, Allah yubu sae limnep.

Lukas 8:13 Iomraidhean Croise

Lukas 8:12

Wana toglamogpa, inaag timbaogne neneko sunumnana, Allah yubu ka'erop nimi. Aghana phia yonge sikini nubunge neneko yingkina, ‘Sindi Allah yubu sik sembaik komba, Allahri sin taluro wali nembahilul kom,’ aro wanaag agha pelepto tol ingkihirop.

Lukas 8:14

Wana toglamnaba, pongoroba alog aba nusamag yingkiogne sunuro lemnange nenekona, nimi nenne Allah yubu ka'erop nimi sembe lemna. Undop nimi anekona Allah yubu ka'erop aghana, sindi wanaag sop-sop, ‘Welaro wamnun,’ aro wana ikin uro seneraglamang. Undo seneraglamangdi, ‘Tup tahaneri, nia ni walinge nari saeag taho,’ senenne sindi wanaag to'op tangtopneri, Allah yubu niknil orop. Oro niknilamlaba, sindi wanaag kolo orogti, Allah yubu pongoro wana maubanep kom saog wamla.

Yohanes 15:2

Nanag agha wana maurop kom kal sae ni wamlenge eldi karepto toboghalul. Nanag agha wana maurop kal sae wamlenge, ‘Nen wana maikno maubalul,’ aro malinge wepto karebalul. Nari a'un ambarelamsin yubu toman agha sembenga a'unag wamogne wepto lanalamnoba, wana maubanep nimi taomdi wamlom.

Yohanes 15:6

Nimi nanag ya'ag ma'ap tangto koma wamle nimi enekona, anggur mo'oropne ponekori toboghalul kal sae saog wamleri, ulne talul. Undop kal sae taneko nikag wimbaleri, aukag taplul.

Yohanes 5:35

Yohanesna auk pog warea tibin neneropne saog wamori ambatsio. Eldi tibin nenero warebatsionge nenekoag sesog sembe a'un lolo'opto, ‘Awi wamsebe,’ senelamom.

1 Korintus 13:2

O'ona senehinne paliag wamnepne sembe sunumna sumbatsinun. Allah Yameri nanag tarelamnehori, “Nari yubu silimu tiplulam,” aro nari wanaag ambatnep. Tognoroba nia mangkina kop-kop tagto el tangtopne babe nanag wamnep. Apna nari Allahag wana paliropneag agha yim nhonag aruklamnari, “Nhonag agha nhonag ko'oro pi,” aro nari arukahaneba, ko'oro pinep. Ni undo Allah Yameri tatnohoba, unulamsene aghana, nari nimi o'ona sembahin koma undo unulamna tanena, na mo laplopnepne wamnep.

1 Korintus 15:2

Nari a'unag ambarelamsisi yubu enekoag seneragto mikip uro salelamlom tanena, yubu enekori a'un talulamsil. Ot a'un nimi nhon-nhondi senelamnep nena, “Paulusti nunag ambatsiog yubuag wali uro seneragna koma sik senelamubu,” aro sae lipsimun tanena, yubu walinge enekori a'un taulbahinep kom.

Galatia 3:1

Nangkabo a'un Galatia nimi limituk sirik nimi agha a'un wamlom. Nimi nhondi mili lebo andarina, a'un wana inmon taom te? Yesus Kristus poneko kalag siplobekpa, tebaog yubu eneko tibin sirik uro a'unag ambatsisi.

Galatia 3:4

A'un nusamag uro yabiogpa, haingdi iplumne salik-malikne agha uro yabiogpa, mo iplum te? A'undi iplumne nenena, wanaag seneragna koma mo iplum kom sembamna!

Efesus 3:17

Nari molbarelamsinne, wana mikip nenelamsile andarina, a'undi Kristusag sikne aro wana palilamlomne pere agha Kristus a'un wanaag ua ulamlul. Kristus a'un wanaag wamleba, kal yareng pelengero pongolamlori, meptaloa saog uro a'un Kristus ponekori o'ona senehinneag ikto mep tangkapmundi, mikip talamlulom.

Kolose 1:23

“Na whingag sekamukang,” senelamlangena, a'undi tipto Allah Elmeag sikne aro wana palilapmundi, elag meptangto Yesus yubu walinge sae limna koma wana khapto tiboglapmun taneogna, Allah whingag wali uro sekamlulom. Yesus yubu walinge ka'ebalomne neneko nimi tala-tala im tiptobag so'o tiptobag wamang nimi ni ambatto tongolamsiap. “Yesus yubu walinge neneko ambatto tongolamsinun,” aro na Paulus nimi yepsinne tahiri, ambatto tongolamsin.

1 Tesalonika 3:5

Ane sembe nari a'un sembe, “Welaro wamang,” senelamnori ta'ap senep komdi, “A'undi Yesusag wana palilamlomne kembahinun,” aro Timotius pogholano. Na log ulamneongena, nimi wana alukto mipsiropne phia neneri a'undi wana toro sae kililamsileba, nuri a'unag ambatsibu yubu neneko, “Sae laplobikag,” senelamnonge sembe Timotius pogholano.

1 Timotius 1:19

Ambarelamsimendi Yesusag sikne aro wana paliro ulapmendi, andi wanaag, “Sikne aghabog uanun,” seneropne sunsunum uro walingeog ulamlulam. Samenag nimi etpare Yesusag sikne aro seneraglamong aghana, sindam nimiri wanaag agha seneragtopneri wa'epto poa pihio. Wa'epto poa pihioba sindi, “Sik uro uropne walinge aghabog uahane,” aro seneraglamong komdi, sindi wanaag agha Yesusag sikne aro seneragnange teba'en nembaong.

Ibrani 10:39

Aghana nuna, wail ibare agha saombanep nimi loba nembahilul nimi wamap kom. Nu wana khapto elag wana palilamap nimi wamap andarina, kamag uropne ya'ag uro nunag wamlul.

Yakobus 2:26

Nu el wamap nena, nimi nong nhon wamnep aghana, yame orog tanena, nimi nong eneko lebe senep komne teptopne mo wamnep. Ane saog uro nimiri Allahag sik sembanep aghana, saeri ul pin kom tanena, lebe arop komne teptopne mo wamnep.

2 Petrus 2:20

Nu taluro Saelba Uhiropne Yesus Kristusap nimi pali nenep tangto el uropne toman agha mog so'oag nimiri sembenga kalup tangtopne laplobi agha lambanep. Anam lamban komag olog eraruk aghana, sin hae yepsinep. Ot mog so'oag nimiri seneragto ul piropne laplobi agha lambandi, nen sap samoro mog so'oag nimiri seneragto ul piropneag kekhaekel dalamsengpa, luknubahiso tanena, komoptobagna eka'uk sirik urobag wamnep.

2 Petrus 2:22

Sindi undo ulamnepne sembe nimiri yubu likipto lelamekne sik uro sunulamsil. “Kam tunguna samoro telalul,” alamang. Apna, “Kel pham a'elbanba, samoro pensalag phindal pilul,” alamang.

1 Yohanes 2:19

Nu Yesusag wana paliro winil dalamap nimiap nikag wamong nimi etpare a'ep taongdi, nu wail ibare agha lambaong. Lambaong aghana, nunap tapto ma'ap tan koma lambaong. Nunap sinap tapto ma'ap tahabe tanena, sin lamban koma wene babe sinap nunap ma'ap tangto ya'ag wamsebe. Aghana a'eptangto lambaongne neneag agha lag taoba, “Sinap nunap tapto ma'ap tabo kom,” aro el tabo.

Yudas 1:12

Sin nimi taneko a'unap ma'al dalamlomne kembi agha kikleka malinge saog wamla. A'un Yesusag wana palirop nimiri kwaneng nhon telamlomne nimi o'ona senehinneag agha kwaneng tarel dalamlom. Kwaneng tarel dalamlomneag, sindi a'unap ma'al dalamangdi, yog nimi paia uro yepsinep aghana, nimi yepsin koma ali semban koma sindam nimi agha seneraghal dalamangdi, aboap uro kwaneng telamang. Sin ua ulamang nena, toa pololong alamlaba nimiri, “Mag telul,” sembanep aghana, khaori toa pabiropba, mag telamla komne saog uro wamang. Sin nimi taneko kal agha yarengap telban kal aneko ul tangtopne saog wamangdi, kal wana maurop liag kal wana maurop komne saog uro wamangdi, teptop nimi saog wamang.