Lukas 8:10 - Allahri Yubu Nikne Wendogne (apna Samenagne pogtoba)

¹⁰ Wene aro haibaekpa Yesusti, “Allahri mog so'oag nimi saelba uhiroba aneko samenagna tognoro wamog aghana wene, a'unag tibin nenero ambatnuahin andarina, el wamlulom. Aghana ora nimi sembe tognoro wamlaba, likiptop yubuag ambarelamsin. Undo ambarelamsine andarina, ‘Haingdi kemelamukang aghana, wanaag agha ibukang kom. Aori ka'elamukang aghana, wanaag agha seneraghukang kom’,” aro ambatsiog.

Lukas 8:10 Iomraidhean Croise

Matius 11:25

Sum eneko Yesusti yubu lelamogti, “Nani, imap so'oap Saelba Ulamlamne, nari an omeklangken. Andi seneraglamlamne, ‘Sin ekon urop nimiag tognoroba lag nembatsinunne wali,’ senelamlumne sunsunum uro sin mome lerop komdi, ekon urop nimiag lag nembarelamsilam. Andi samenag tognobalumne wene sindi ililamongdi, el taong aghana, ora nimi wana hektop nimiap mome lero el taong nimiap tanekoag lag nembarelamsilam kom. Ot sin me ologne saog uro wamang nimiag lag nembarelamsilam. Ane sembe wana awi uro omeklangken!” aro omekto kibog.

Matius 16:17

Wene seogpa, Yesusti elag samoro yubu lelamogti, “Simon Yunus elme an wana awi uro wali wamlulam. Andi leplamne nene mog so'oag nimiri el nembatkelneag agha leplam kom, aghana Nani Imagneri el nembatkelba leplam.

Markus 4:11

Haibaekpa eldi ambarelamsiogti, “Allahri mog so'oag nimi saelba uhiroba aneko samenagna tognoro wamog aghana, wene a'unag tibin nenero ambatnuahin andarina, el wamlulom. Aghana sin nanap nimi lom nenep tangtop kom nimi sembe likiptop yubuag agha ni ambarelamsin.

Markus 4:12

Undo ambarelamsine andarina, ‘Wanaag agha ka'ebahengdi seneragsengdi, Allahag samoro yaheng tanena, Allahri sindi malia uropne tam orog nenero wailag nembaho. Aghana, sindi sop-sop, “Kembahane,” aro haingdi kemelamukang aghana, wanaag agha ibukang kom. “Ka'ebahane,” aro aori ka'elamukang aghana, wanaag agha seneraghukang kom,’ senelamnari likiptop yubuag agha sunumna sunuro ambarelamsin,” seog.

Yohanes 12:40

“Allahrina, ‘Nanag samoro yahengpa, wali nembahisene,’ seog aghana, eldi sindi haing ulopsiori, sindi wana kas nenelopsio. Andarina sindi haingdi imnepne babe, wanaag seneragnepne babe orogti, elag samoro yanep kom,” aro Yesayari mome toro pibog.

Roma 16:25

Allah omeklamsut! Nari yubu walinge Yesus Kristus sembe ambarelamsin yubu eneko pere agha el mori a'un khapto sekitsinepne poneko wamla. Yum-yum samenag agha lilirobag tognoroba wamog aghana, wene lag nembaog.

1 Korintus 12:11

Ni lemnange aneko ot Allah Yame nhonogne enekori ulamlari, eldi wanaag, “Tatsisene,” seneropne agha a'ero-a'erop nimiag pogto tarelamsil.

Kolose 2:2

Nari nimi ni sembe whin seklero tolamna andarina, sin o'ona senel dalamangneag agha ma'ap tangto wana mikip taheng. Allah yubu Kristus poneko sembe tognoro wamog aghana, nimiri el taheng tanena, yubu nenekori nimi wali nenero tup nembahinep. Ane sembe, “Allah yubu Kristus poneko sembe samenag tognoro wamog yubu eneko to'opto seneraglamsengdi, sik tapto el taheng,” aro whin seklero tolamna.

1 Timotius 3:16

Sik uro lelamap nena, Allahri senenne sunsunum uro ulamnepne sembe ambarelamsiap yubu nene samenag tognoro wamog. Tognoro wamog aghana, Yesusag lag taogpa, sik uro nubu sirik wamla. El poneko nimi saog uro lag taogpa, Allah Yame Walingeri, “El sikne,” aro lag nenelamogpa, Allah arukna imagnang malaikatti babe ibek. Nimiri el sembe yubu poa Yahudi sisa kom nimiag babe ambarel pihiek. Nimi mog so'oag nimi tala-tala wamangne agha el poneko sembe sikne aro seneraglamang. Samenag mog so'oag nimi saog uro wamog aghana, Allahri el poneko sembe, “Nimiri omeklamukang,” aro imag agha kiliro tobogpa, paliag wamla.