Lukas 7:9 - Allahri Yubu Nikne Wendogne (apna Samenagne pogtoba)

⁹ Sindi ambarek yubu Yesusti ka'ebaogti, lo'om seog. Lo'om seogti, tangabom agha nimi maikno elag neleplamek nimiag yubu lelamogti, “Yubu lemnunne ene ka'eamsut. Nimi eneri nanag sik tapto, ‘Mikipne,’ aro wana paliro seneraglamnel. Eldi nanag sikne aro seneraglamnel saog uro Israel nimiri nanag undo seneragtop nimi nhon babe ia ulamsin kom,” aro wene seog.

Lukas 7:9 Iomraidhean Croise

Matius 15:28

Kel enekori wene seogpa Yesusti, “Nanin, andi nanag sikne aro wana palilamlamne nubu sirik. Andi wanaag, ‘Uro yaboho,’ senelamlamne nene uro yabilul,” seog. Wene seog abeneko pere kel eneko elmangkel wali taog.

Matius 8:10

Wene seogpa, Yesusti ka'ebaogti, lo'om seog. Lo'om seogti, Yesusti elag neleplamek nimi tanekoag, “Yubu sikne agha ambatnuahin. Nimi eneri nanag sik tapto, ‘Mikipne,’ aro wana paliro seneraglamnel. Eldi nanag sikne aro seneraglamnel saog uro Israel nimiri nanag undo seneragtop nimi nhon babe ia ulamsin kom!

Matius 9:33

Yesusti nimi enekoag phia kulomag wamogne neneko yag lambaogpa, abeneko pere nimi eneko wali taogti, yubu lelamog. Nimi maikno tanekori ibekti, lo'om aro yubu lelamekti, “Yaghe! Wene uro yabilne nu Israel nimiri so'oag ane ik nhon babe ilihirop kom,” alamek.

Lukas 7:10

Yin saleropne ponekori pogsiog nimi taneko samoro aeag piekpa, eldi arukna aneko wali taogpa ibek.

Lukas 7:50

Aghana Yesusti kel enekoag yubu lelamogti, “Andi nanag sikne aro wana palilamlamne nenekori an wali nembaghel. Ane sembe an wana aingniro pululam,” seog.