Lukas 7:7 - Allahri Yubu Nikne Wendogne (apna Samenagne pogtoba)

^7-8 Wene aro seneragnari, na babe an nimi nubunge whingag yanepne sunsunum kom. Ane sembe andi yubuag agha nari arukna, “Wali talul,” semenba wali talul. Nimi mikipneri yubu leplenge sik uro yabinepne sembe na el wamna. Na babe aruksirop yubu umag wamnari, ka'ero saelba ulamna. Nari yubu lelamnange babe na umag nimiri ka'elamangdi, saelba ulamang. Nari nimi nhonag, “Pululam,” senep tanena, nimi eneko pinep. Nari nimi orangeag babe lelamnari, “Yalulam,” senep tanena yanep. Nari arukna nhonag, “Undo ualulam,” senep tanena nari, “Ualulam,” senne sunsunum uro eldi uanep. Ane sembe an nimi nubunge wamlamdi, mo yubu lepmenba, wali talul,’ seldi yubu pipla,” aro Yesusag ambarek.

Lukas 7:7 Iomraidhean Croise

Markus 1:27

Lambaogpa nimi ni taneko kembaekti, “Yaghe, mane agha ual!” al dalamek. “Huropne mikipne agha undo uro yabil? Nimi enekori yubu wendogne mikipneag agha ambarelamsil. Eldi phia yongeag, ‘Lambae,’ aro aruklamsilba, eldi yubu ka'elamangdi lanalamang,” aro lo'om seek.

Lukas 4:36

Wali wamogpa, nimi taneko lo'om seekti, sin mamun yubu lelamekti, “Nimi poneri welaro saog yubu agha ambarelamsil? Eldamne imangapti mikipneag agha phia yonge nimi kulomag wamlange, ‘Lambae,’ aro aruklamsilba, eldi yubu ka'ero lanalamang,” alamek.

Lukas 5:13

Wene aro molbaogpa, Yesusti sae nginikto nimi enekoag palilamogti, “Wali semban. An wali nembaghenun. Kut taghele!” seog. Wene seog abeneko pere nimi enekori kon naikna pololamogne neneko kom taog.

Lukas 7:6

Wene aro ambarekpa, Yesusap nhon piek. Palamekti Yesus ae enekoag wa'al pineba peramag palamekpa, yin salerop nang sikindo ponekori elkabo Yesus yalamogha whingag pogsiog. Pogsiogpa piekti ambarelamekti, “Nungkae ponekori anag ambarelangkel yubuna, ‘Nai, na sisa Yahudi komne wamna. Nari aeag an mandu aro opkeleagti, an nimi nubunge wa'al ananne olog sunsunum komdi na nimi ologneri aeag yanep kom.