Lukas 7:2 - Allahri Yubu Nikne Wendogne (apna Samenagne pogtoba)

² As Kapernaum pioghag aneko yin salerop nang sikindo Romange eldi arukna o'ona senelamogne naikna naiklamog. Naikna naiklamogti, loba tanep saog wamog.

Lukas 7:2 Iomraidhean Croise

Matius 27:54

Sin kalag siplopsiekag aneko yin salerop nang sikindoap, el umag yin salerop nang tanekoapti Yesus yae wamek. Wamekpa mog so'o lologlamogneap, ni uro yabiogneap ibekti, sin log maikno uahiogpa, yubu lelamekti, “El sik uro Allah Elme wamla,” alamek.

Lukas 23:47

Yesusti wene seogti, hain kom taog abeneko yin salerop nang sikindo nhon wamogti, ni uro yabiogne kembi agha Allah omeklamogti, “Nimi ene sik uro wana porogne wamla,” seog.

Lukas 7:1

Yesus nimi maikno taneko whingag wene aro yubu ambatsiogti, Yesus as Kapernaum wa'iog.

Lukas 7:3

Yin salerop nang sikindo ponekori Yesus sembe yubu ka'ebaogti, nubunang Yahudi nimi sembe wenehirop nang etpare poglamsiogti, “Yesusag pimundi, elag molbatnemunba, yaleri nari arukna wali nembalul,” aro pogsiog.

Pogsiog Nang 10:1

As Kaisarea nimi nhon sina Kornelius wamog. Kornelius ponena, Roma nimi yin salerop nang kong-kongne wamek aghana, teng tombare yin salerop nang sikindo wamog. Elap, elkaboap, el umag wamek nimiap sembe, “Italia nimi yin salerop nang,” alamsiek.

Pogsiog Nang 10:7

Ambarogti Allah arukna imagne malaikat aneko piogpa, Kornelius poneko arukna phendeap, yin saleropne el yae ua uropne Allah yubu sunsunum uro ulamogneap yopsiog.

Pogsiog Nang 22:26

Wene aro haibaogpa, yin salerop nang sikindo poneko Paulusti lebogne neneko ka'ebaogti, eldo yin saleropne ponekoag piogti, “Paulusti wene sel,” aro ambarelamogti, “Paulus pone babe Roma nimi wamlaba, sa'a agha elag ualulam?” aro haibaog.

Pogsiog Nang 23:17

Wene aro ambarogpa, Paulusti yin salerop nang sikindo nhon yobogti, “Me ane poa lepmendi, a'un yin salerop nang a'uni ponekoag poa pululam. El a'uniag yubu olog leplul,” seog.

Pogsiog Nang 27:1

“Kaisar yaghag mog so'o Italia sip pululom,” aro Festus ponekori tam karebaogti, Paulusap yog nimi haing sae kaupto wamek nimi tanekoap Kaisar arukna yin salerop nang sikindo nhon sina Yulius poneko saeag nembahiog. El saeag nembahiogti, “Andi poa phululam,” aro ambarog.

Pogsiog Nang 27:3

Mabubua kwelekaogpa, as Sidon sangnil ingkibu. Sangnil ingkiburi, yin saleropne Yulius ponekori Paulus o'ona sembaogti, “Ankaboag pimendi, anag kwema ulangkelne tatkukang aro kemel phululam,” seog.

Pogsiog Nang 27:43

Undo unulamekpa, yin salerop nang sikindo Paulus pabalamogne ponekori, “Paulus obikag,” sembaogti, “Pelebanun,” aro irikahiog. Irikahiogti ambarelamsiogti, “Mag alip toman ya'aro pirop nimi samenag maghag taptaikti, ya'aro abolag pukang,” seog.

Kolose 3:22

Nangkabo, a'un mog so'oag nimi arukna wamlom tanena, a'uni yabori a'unag, “Undo-undo ualulom,” aro aruksirop yubu ni ka'eamsululom. Sindi a'unag aruksirop yubu sunsunum uro ulapmunne, “Imneikti wali sembanukang,” aro ulamseng kom. A'undi nia mangkina ulapmunneag agha, “Mog so'oag nimi sembe mo awe tolamna,” sembaheng kom. A'undi seneraglapmundi ulamlulom nena, “Imagne na Saelba Uneropne poneko sembe tolamnange saog uro awe tolamneba, el wana yeng nembanun,” aro nong ningkiri wanaag agha sol wali, wali uro awe tolamlulom.