Lukas 7:16 - Allahri Yubu Nikne Wendogne (apna Samenagne pogtoba)

¹⁶ Nimi ni wamek nimi tanekori ibekti, log senelamek. Log uahiogpa, sindi Allah omeklamek. Yubu lelamek nena, “Allah yubu silimu tiptopne nubunge nu anabiag wene lag tal! Nuni Allah wene yingkina, ‘Nari mabo yepsinun,’ aro kemelamsil,” aro Allah omeklamek.

Lukas 7:16 Iomraidhean Croise

Matius 15:31

Wali nenelamsiogpa, yubu lerop kom nimiri yubu lelamek. Yan keamtirop nimi wali nenelamsiogpa, yan mali nimi wali yabalamek. Haing uhirop nimi haing kwelekto ililamek. Nimi maikno aneko wamek nimiri nia ni undo uro yabihiogne kembiag agha lo'om seekti, Israel nimi paia uhiropne Allah poneko omeklamek.

Matius 21:11

Hail dalamekti, “Nimi ponena, Allah yubu silimu tiptopne Yesus. El Galilea so'oag as Nazaretne wamla,” alamek.

Matius 28:8

Wene aro ambatsiogpa, kelabo abeneko elem-elem kirik lom hogtoba anekoa laploa pirek. Sin log senelamdek aghana, awi sirikne babe ulamsiogpa, sin merero, “Eldi yubu ka'ero neleptop nimi ambatsununam,” aro palamdek.

Matius 9:8

Yesusti undo unuaogne neneko nimi wamek nimi tanekori ibekti, log senelamekti, “Allahri nimiag mikipne tarelamsil,” aro Allah omeklamek.

Lukas 1:65

Allah omeklamogpa, as peramag wamek nimi kembaekti, “Mane agha uro yabil,” aro log sembaek. Sindi ibekti, log sembaek yubu eneko mog so'o Yudea yimag sorop as enekoag ambat tangto sabo taog.

Lukas 1:68

“Israel nimi paia uhiropne Allah ponekori, ‘Nari nimi yebel pihineri, sae lopsinun,’ aro ulamla, ane sembe nu Saelba Uhiropne poneko omeklamna.

Lukas 2:20

Pham domba paia uhirop nang taneko samoro sindi pham domba paia uhirobag sip palamek. Samoro palamekti seneraglamekti, “Ni Allah arukna imagne ponekori ambatsilne sunsunum uro sik uro yabilba, nuri babe ka'ebapti, haingdi babe ibap,” aro Allah paliag nenero omek-omek palamek.

Lukas 24:19

Wene aro haibaogpa Yesusti, “Sa'ange uro yabalamlange sembe leplam?” seogpa sin phenderi samoro, “Yesus Nazaretne ponekoag uro yabionge sembe lelamnam,” serek. “Elna Allahri yubu silimu tiptopne wamo. Allah whingag babe, nimi ni whingag babe Allahri mikipne elag pibogneag agha yubu ambarelamsiogti, kekneba ulamo.

Lukas 5:26

Wali nembaogpa, Allah omek-omek palamogpa, nimi ni taneko log maikno uahiog. Sin nimi tanekori yubu lelamekti, “Yaghe, mane agha ualne sumene mo ibap,” aro lo'om seekti, Allah omeklamek.

Lukas 5:8

Ikan maikno lip taogne neneko Simon Petrusti kembaogti, Simonap elkabo ni yebel aek nimiapti ikan maikno aghag lip taogha sembe yaghe sembaek. Simon elkaboap awe nikne tolamek nang Zebedeus elmabo Yakobusap Yohanesapti babe yaghe sembarek. Simon ponekona Yesus yanag yabu sanukto pulingkina, “Nu Saelba Ulamsilamne! Na malia uropne wamna ane sembe, anap nanap nhon wamnep kom saogtina, laploa pinululam,” seog. Wene seogpa, Yesusti Simonag yubu lelamogti, “Log sembaheng kom. Wene anea yepkeneba, andi nimi ero nanag payahilulam,” aro ambarog.

Lukas 7:15

Wene seogpa, tebaog kabuni eneko pukogti, yubu lelamog. Pukogti yubu lelamogpa, kabuni eneko Yesusti sae kiliro ilin saeag samoro tarog.

Lukas 7:39

Simon Farisinge Yesusag, “Kwaneng nari aeag tununam,” aro yobogne ponekori kemelamog. Kemelamogpa kel enekori Yesusag unuaogne sembe Simondi wanaag seneraglamogti, “Nimi pone Allah yubu silimu tiptopne wamso tanena, el yan salelamla kel ene sembe el wamnep nena, ‘Malinge maikno urop kel,’ aro el tanep,” aro wanaag yubu lelamog.

Lukas 8:37

Ambatsiekpa ka'ebaekti, sin log maikno uahiogpa, nimi ni Gerasa so'oag wamek nimiri, “Nuri mog so'o eneag an wamnep kom. Pululam te?” aro molbaek. Wene aro molbaekpa, Yesus kabongag waelbaogti, “Pinun,” aro ulamog.

Lukas 9:19

Wene aro haibahiogpa sindina, “Nimi nenneri an sembe, ‘Yohanes maghag pelengehiropne nen kamag taonge poneko ane,’ senelamangdi yubu lelamang. Nenneri, ‘Elna, samenag Allah yubu silimu tiptopne Elia poneko samoro kamag taogne wamla,’ senelamangdi yubu lelamang. Nenneri, ‘Elia kom aghana, samenag Allah yubu silimu tiptopne yogne kamag taogne wamla,’ senelamangdi lelamang,” seek.

Yohanes 1:21

Wene seogpa sindi, “Wene selamba, anna etne? Anna Allah yubu silimu tiptopne Elia poneko samoro yingkina wamlam te?” aro haibaek. Wene aro haibaekpa Yohanesti, “Kom,” seog. Kom seogpa, nen hailamekti, “Anna Allahri yubu silimu tiptopne nubunge, ‘Pognun,’ seogne poneko wamlam te?” aro haibaek. Wene aro haibaekpa Yohanesti, “Kom,” seog.

Yohanes 1:25

elag hailamekti, “Andi andamne sembe, ‘Na Kristus poneko kom. Na Elia poneko kom. Na Allahri yubu silimu tiptopne nubunge poneko babe kom,’ selam. Undop pagha tanena, sa'a sembe nimi maghag pelengelamsilam?” aro haibaek.

Yohanes 4:19

Wene seogpa, kel enekori, “Nai, an Allah yubu silimu tiptopne wamlamne wene na el tan.

Yohanes 6:14

Yesusti kekneba nene uaogne kembaek ane sembe, nimi tanekori yubu lelamekti, “Sik uro nimi eneko agha Allahri samenag, ‘Nari yubu silimu tiptopne nhon mog so'oag yalul,’ seogne poneko ane yal,” alamek.

Yohanes 9:17

Yubu lel dalamekne sembe, sindi el samenag haing uamogne ponekoag nen hailamekti, “El nenekori andi haing kwelekagheo. Ane sembe andi el sembe sa'a semenba ka'ebaukap,” seek. Wene seekpa, eldi samoro, “Nari senelamnange, el Allahri yubu silimu tiptopne wamla,” seog.

Pogsiog Nang 5:5

Wene alamogpa, Ananias ka'elamogne abeneko pere, so'oag malingkina Ananias tebaog. Tebaogne sembe nimi niri ka'ebaekti, log maikno senelamek.

Pogsiog Nang 7:37

Musa ponekori Israel nimiag yubu lelamogti, ‘Allahri a'unkabo Israel nimi nusamag agha eldi yubu silimu tiptopne na saog uropne nhon sekitlul,’ seog.

Galatia 1:24

Wene nanag uro yabiogne sembe wene alameka ka'elamekne agha sindi Allah omeklamek.