Lukas 7:13 - Allahri Yubu Nikne Wendogne (apna Samenagne pogtoba)

¹³ Nu Saelba Uhiropne Yesusti kel eneko ibogti, wanaag agha yareag sembaogti, kel enekoag, “Nanin, engkaheng kom,” seog.

Lukas 7:13 Iomraidhean Croise

Markus 8:2

“Nimi maiknori nanag nelepto kemel aneongpa, wamap paghabog inipna ik wilindip sum tal. Ik wilindip sum talba, kwaneng orogti kwaneng yo ulamsilba, yareag senelamsin.

Lukas 10:1

Olog wameka nu Saelba Uhiropne Yesusti eldi yubu ka'ero neleplamek nang teng phendeap epto sa'o tarabare nang nen wepsiog. Wepsiogti nimi phende-phende poglamsiogti, “A'un samenag pimundi, wapmunag na amik yanun,” aro as ubu paiamog as Yesusti, “Pinun,” senenne sunsunum uro nimi phende-phende pogsiog.

Lukas 11:1

Ik nhon sum Yesus eldi yubu ka'ero neleptop nangap nikag wamekti, Yesusti Allahag molona mololamog. Allahag molona molbaogpa, elag neleptopne nhondi Yesusag lelamogti, “Nai, nu Saelbamsilamne. Yohanesti eldi yubu ka'ero neleptop nangag ambarelamsiori, ‘Allahag molona mololapmundi, undo-undo lero mololamlulom,’ aro ambatsio. Ane saog uro andi babe nunag ambatsululam te?” aro Yesusag molbaog.

Lukas 11:39

Farisinge ponekori wene senelamogne nu Saelba Uhiropne Yesus samenag el taogti, Farisinge ponekoag yubu lelamogti, “A'un Farisi nimiri ulamlomne sembe sunumna undo. Nimiri mag ma'i lomag sip kwaneng maghap inginag a'elban koma, ‘Nimiri ibukang,’ aro alibag sip a'elerop saog uro ulamlom. A'undi wanaag iriktan koma a'undi wanaag yongeap aboabaap to'opto wamlaba ulamlom.

Lukas 12:42

Wene aro Petrusti Yesusag haibaogpa, nu Saelba Uhiropne Yesusti samoro, “Ae ngainge nhondi el arukna nhonag, ‘Nari arukna ankabo ni o'oro paiamsimendi, sop-sop kwaneng telamikne sunsunum uro tarelamsululam,’ aro arukna nhon saeag pimnep. Arukna aneko wana hektopne wamleri, ‘Sol wali uro awe tomnun,’ sembale tanena, eldi welaro uanep aro seneraglamsut.

Lukas 13:15

Wene seogne sembe nu Saelba Uhiropne Yesusti nimi enekoag samoro, “A'unna, ‘Wali sembanukang,’ aro lero urop nimi wamlom! A'undam nimiri tektek paptop sum Sabat sum agha a'undi pham sapiap keledaiap a'ero-a'ero leka lomag agha, ‘Mag tukang,’ aro poa la'anilamsilomba, mag telamang te?

Lukas 17:5

Wene aro ambatsiogpa, Yesusti wepto pogsiog nang tanekori nu Saelba Uhiropne Yesusag yubu lelamekti, “Nai, nu yepsimen andarina, anag wana paliro sol wali uro ulamukap,” aro wene seek.

Lukas 17:6

Wene seekpa, nu Saelba Uhiropne Yesusti, “A'undi Allahag sikne aro wana paliropne o'ongkom sirik wamla. Kwarang si babe o'ongkomne wamla aghana, a'undi nen ma'aro Allahag sikne aro wana palilamsomdi, kwarang si saog taho tanena, a'undi sa'a-sa'a, ‘Uro yaboho,’ senelapmunneag agha nia ni uro yabinep. A'undi wana undo sikne aro Allahag wana palilapmunneag agha kal yareng so'oag meptangtop kal aneag lelapmundi, ‘Telbom agha lepmendi, mag laut nubu uro longorop maghag meltal pululam,’ semun tanena, sik uro kal aneko telbom agha mag nubu uro longorop maghag meltal pinep.

Lukas 18:6

Wene aro ambatsiogti, nu Saelba Uhiropne ponekori sunumna neneag tol pina tipto ambarelamsiogti, “El tam lelekto kemel pina kareptopne poneko wana sengkwanektop nimi wamnep aghana, eldi babe seneragto, ‘Tam karebanun,’ aro lelamogne sembe a'undi wali uro seneraglamlulom!

Lukas 19:8

Wene alamek aghana, Zakheus sekogti, Yesusag yubu lelamogti, “Nai, nu Saelbamsilamne ka'ebalulam! Nari tuba saeag wamlange nari pogto phende nembaneri, nhon nandamne sembe pimneri, ‘Phendep nena nimi saeagha orog nimi sembe tatsinun,’ aro lag phoro lelamna. Apna na samenag, ‘Roma nimi sembe kamna kaptoba poloro payalulom,’ aro aruklamsino aghana, nari phelektopne salero teno tanena, phelektopne nene nen lumbanun. Nimiag samoro tatsinun nena, sindi saeagha phelekto tomnonge aghabog tatsinun kom aghana, nen ma'aro ik tombare lumbaloa saog uropne tatsinun,” seog.

Lukas 22:61

Winang ayamdi kau seogpa, Yesus tangabom agha Petrusag kembaog. Kembaogpa Petrusti nu Saelba Uhiropne Yesusti lebogne seneraghog. Yesusti samenag Petrusag yubu ambarelamogti, “Sumene winang ayamdi kau sen komag, andi ik wilindi na sembe, ‘Ekonne,’ sunululam,” seogne seneraghog.

Lukas 24:3

Marukaek kirik aneko pemagto kolop taogti, ina siram kuptop wamogpa, wa'ina kemelamekag agha nu Saelba Uhiropne Yesus nong teptoba pibogha aneko ibek kom.

Lukas 24:34

Yarekpa winip taek nimi tanekori yubu lelamekti, “Ot sik uro nu Saelba Uhiropne Yesus kamag taori, Simon whingag agha lag nenep tao,” alamek.

Lukas 7:12

Yesus palamogha leka as kanero solingkirop ina siramag anam sekel wa'in komag, nimiri nimi teptoba keyapto asag agha poa lambaek. Tebaogne poneko ilinna yauog kel wamog aghana, eldi me nhonogne eneko tebaog. Tebaogpa as aneko nimi maiknori wana o'ona paibatto ilinap nhon poa palamek.

Lukas 7:14

Wene seogti, nimi teptoba morea kalag keyapto poa yalameka anekoag Yesusti sae pibog. Sae pibogpa, nimi keyapto poa yalamek nang taneko pabekpa, Yesusti teptop kabuni enekoag yubu lelamogti, “Meo, nari anag lelamna. ‘Puke,’ sen,” seog.

Lukas 7:19

nu Saelba Uhiropne Yesusag poglamsiogti, “A'un Yesusag pirumundi, haibarurom nena, ‘Anna Allahri samenag, “Yalul,” aro salag pibogne poneko agha yaom to, amik nimi nhon yogne yalulne tibogto wamukap to?’ aro hail pururom,” aro pogsiog.

Lukas 8:52

Wa'iekpa nimi ni wamekne kelme eneko loba taogne neneko sembe engelamekti, wana ikindi sindam nimi saramag ol dalamek. Aghana Yesusti lelamogti, “Engkaheng kom. Kelme ane ya'ag tebal kom. Elna mana agha malamla,” seog.

Yohanes 11:2

Maria kel enena, nu Saelba Uhiropne Yesusti yanag mag song walinge likto eldi hong agha luptop kel wamog. Maria kel eneko ilipsae Lazarus naikna salero mabog.

Yohanes 11:3

Naikna salero mabogpa, eldo'elabo abenekori Yesusag yubu palilamdekti, “Nai, nu Saelbamsilamne. El talulam nena, andi o'ona senelamlamne poneko naiklamla,” aro nimi pogtekpa, Yesus ambarel piog.

Yohanes 20:13

Sin abenekori elag hailamdekti, “Nanin, sa'a sembe engelamlam?” aro haibarek. Wene aro haibarekpa, kel enekori sinag, “Nani nu Saelba Uhiropne poneko anea nimiri tobangdi, poa wirikil piangag na ekon,” seog.

Yohanes 20:15

Yesusti kel enekoag hailamogti, “Nanin, sa'a sembe engelamlam? Etne elamlam?” aro haibaog. Wene aro haibaogpa, kel enekori sembamog nena, “Nimi ene awe meroba mo'osiropne wamla,” senelamogti yubu lelamogti, “Nai, andi el nong teptoba anea nhonag toro pail piom tanena, ambatnemenba el nong aneko toro anun,” seog.

Yohanes 4:1

Farisi nimiri ka'elamekpa, nimiri yubu lelamekti, “Yesusti yubu ka'ero neleptop nimi pololamsildi, maghag pelengelamsil nimi taneko Yohanesag neleptop nimi phelekto maikno sirik talamang,” alameka Farisi nimi tanekori ka'ebaek. Wene alamek nena, Yesus eldamneri nimi maghag pelengelamsiog kom aghana, eldi yubu ka'ero neleptop nimiri maghag pelengelamsiek nimi sembe yubu lelamek. Wene aro lelamek yubu Farisi nimiri ka'ebaekpa, Yesus el taogti,

Yohanes 6:23

El uro wamekpa, nen kabong ologne nhon-nhon as Tiberias siba aneko yaek. Yaekag anekona, nu Saelba Uhiropneri Allahag, “Wali tatsilam,” aro kibogne toman kwaneng roti pogto tatsiogha teeka peramag aneko Tiberias nimi yaek.

1 Tesalonika 4:13

Nangkabo, nuri seneraglamap nena, samenag tebaek nimi sembe a'un babe el tahom senelamap. Yesusag wana palirop kom nimiri, “Teptop nimi nen kamag taukang,” aro tiro nang-nangaro wamna koma wamang. “Teptop nimi nen kamag taukang kom,” aro amang ul palamang aghana, a'unna mog so'oag nimiri wene amang ul palamang saog uro seneragto ul palamlulom kom.

Ibrani 2:17

Yeplamsil nena, yareag seneropneag agha, “Memne Allah sembe palirop nimi sikini nubunge saog tahaneri, Allahri awe sol wali uro tolamseneri, nimi tanekori malia ulamangne wailag nembatsisene,” senelamog. Wene senelamogne sembe elkabo nong sop eneng wamek saog uroba ni elag tanepneog wamla.

Ibrani 4:15

Nu yeplamsil nena, memne Allah sembe palirop nimi sikini ponekori nu haing pesa wamapne sembe yareag sembahinep komne wamla kom. Nia mangkinari nunag mipsinep saog uro elag babe mipto yabalamog aghana, malia uaog kom.