Lukas 6:6 - Allahri Yubu Nikne Wendogne (apna Samenagne pogtoba)

⁶ Olog wamekpa, tektek papto urop sum Sabat sum taogpa, Yesus nen nimiri Allah yubu lero winirop aeag wa'iog. Wa'ina Allah yubu ambarelamsiogpa, nimi nhon sae sirik sae malinge ae lomag wamog.

Lukas 6:6 Iomraidhean Croise

Yohanes 5:3

Ae imag aghabog sorop ae taneko naiktop nimi maikno sop-sop malamek. Naiktop nimi taneko nenne haing uropne, nenne yan keamtiropne, nenne yan sae malinge malamek. [Aneko malamek nena, “Mag sin olog lebe selul to?” aro tiro malamek.

Lukas 4:31

As Nazaret anekoa lambom agha Yesus Galilea so'oag wamog as nhon Kapernaum piog. Piogti sin Yahudi nimiri Allah yubu lerop sum Sabat sum taogpa, sum eneko Yesusti nimi amoro ambarelamsiog.

Lukas 4:16

Yesus Galilea so'oag wamogha ik nhon sum el nubu taoghag as Nazaret piog. Piogti wamogpa, Sabat sum taog. Yesusti sop-sop ulamog saog uro, as Nazaret wamog sumene babe Sabat sum taogpa, Allah yubu lero winirop aeag aneko wa'iog. Wa'iogti, “Allah Yubu nhon mome kemero lemnun,” aro nimi whingag sekel ingkiog.

Matius 4:23

Yesus Galilea mog so'oag wamek as ni kanero palamogti, Yahudi nimiri Allah yubu lero winirop aeag wa'ina yubu walinge Allahri yubu sia lero nimi saelba uhiroba sembe nimi amoro ambatto tongolamsiog. Yubu walinge ambarelamsiogpa, naiktop nimi sin nimi taneko nusamag wamekpa, naikna telamsiogne babe, nimi nongag kikipto kauploa uhiropne babe ni wali nenelamsiog.

Yohanes 9:16

Wene seogpa, Farisi nimi nhon-nhondi yubu lelamekti, “El Allahri pogsonge agha yaho tanena, nu Yahudi nimiri Sabat sum enekoag tektek papto ulamapne phiro uanep kom. Ane sembe el Allahri poghogne kom,” alamek. Sin nenneri babe yubu lelamekti, “Nimi enekori Allah mikibari ulamnep kekneba ulamo. Malia uropne wamso tanena, welaro kekneba undopne ulamnep?” alamek. Wene alamekti, sin mamun yubu nenep tangka lel dalamek.

Lukas 14:3

Pukamogpa Yesusti Musari aruksirop yubu amohirop nangap, Farisi nimiap tanekoag yubu yangaro hailamsiogti, “Nimiri Musari aruksirop yubu sunsunum uro uanep nena, Sabat sum tektek paptop sum eneko nimi naiktopne wali nembahinep to, kom to?” aro haibahiog.

Lukas 13:10

Wamekpa Yahudi nimiri tektek paptop sum Sabat sum taogpa, Yesusti Allah yubu lero winirop ae nhonag yubu amoro ambarelamsiog.

Lukas 6:1

Olog wameka, Yahudi nimiri tektek paptop sum Sabat sum taog. Sabat sum eneko Yesusap eldi yubu ka'ero neleptop nangap palamekti, kwaneng roti sumbaneba gandum awe wero meroba nubungeag ina palamek. Palamek abeneko pere, Yesus eldi yubu ka'ero neleptop nangdi gandum wana tagto lolobaekti, saeri pebaghongkia teek.

Lukas 6:5

Wene seogti, Yesusti nen tipto yubu lelamogti, “Nimiri Sabat sum uanepne neneko na mog so'oag nimi tahingeri saelba ulamnari o'obanepne wamna,” aro ambatsiog.