Lukas 5:8 - Allahri Yubu Nikne Wendogne (apna Samenagne pogtoba)

^8-10 Ikan maikno lip taogne neneko Simon Petrusti kembaogti, Simonap elkabo ni yebel aek nimiapti ikan maikno aghag lip taogha sembe yaghe sembaek. Simon elkaboap awe nikne tolamek nang Zebedeus elmabo Yakobusap Yohanesapti babe yaghe sembarek. Simon ponekona Yesus yanag yabu sanukto pulingkina, “Nu Saelba Ulamsilamne! Na malia uropne wamna ane sembe, anap nanap nhon wamnep kom saogtina, laploa pinululam,” seog. Wene seogpa, Yesusti Simonag yubu lelamogti, “Log sembaheng kom. Wene anea yepkeneba, andi nimi ero nanag payahilulam,” aro ambarog.

Lukas 5:8 Iomraidhean Croise

Matius 17:6

Eldi yubu ka'ero neleptop nang tanekori ka'elamekpa, yubu lelamogha sembe log lelem u amupto so'oag malingkiek.

Matius 2:11

Me aneko paiamek aeag piekti kemelamekti, me anekoap ilin Mariaap ipsiek. Ipsiekti sindi yabu sanukto u amupto pulingkina me eneko kipto omekaek. Kipto omeklamekti, sindi wali-waliaba pabieka taneko, “Tatsukap,” aro lobarekto me eneko tamag leng-leng aroba emasap, mhong song walia tamnebaap, kal wea song walingeap taneko pibek.

Matius 8:8

Wene seogpa, yin salerop nang sikindo ponekori Yesusag, “Nai, nari ae lomag an nimi nubunge wa'al ananne olog sunsunum komdi, na nimi ologneri aeag yanep kom. Andi yubuag agha nari arukna, ‘Wali talul,’ semenba wali talul. Nimi mikipneri yubu leplenge sik uro yabinepne sembe na el wamna. Na babe aruksirop yubu umag wamnari, ka'ero saelba ulamna. Nari yubu lelamnange babe na umag nimiri ka'elamangdi, saelba ulamang. Nari nimi nhonag, ‘Pululam’ senep tanena, nimi eneko pinep. Nari nimi orangeag babe lelamnari, ‘Yalulam,’ senep tanena yanep. Nari arukna nhonag, ‘Undo ualulam,’ senep tanena nari, ‘Ualulam,’ senne sunsunum uro eldi uanep. Ane sembe an nimi nubunge wamlamdi, mo yubu lepmenba, wali talul,” seog.

Lukas 5:7

Tiltilipto yabiogpa, sikinkabo kabong nhon nenekoag wamek nang, “Yebel ahilulom,” aro sae kwa'aro yopsiek. Sikinkabo yaekpa, sindi ikan taneko kabong phende abenekoag lilamekpa, ikan taneko ikinapti kabong abeneko maghag werel wa'inep saog wamog.

Yohanes 11:32

Maria kel eneko Yesus wamoghag aneko piogti, el wamogha ibogti, Maria kel eneko Yesus yanag yabu sanukto pulingkiog. Eldi yanag pulingkina yubu lelamogti, “Nai nu Saelbamsilamne, an ane wamsombana, naipsae tebaonge sik uro tebaho kom,” aro wene seog.

1 Korintus 13:12

Ane saog uro wene wamap ko'oag pogtopne agha kemero el talamap nena, nimi inibinag wamnari, “Na yame kemeptanun,” aro cerminag kemelamloa saog uro kemelamnaba, imnep kom saog wamap. Wene Allahri na sembe ni tibin uro kemelamneldi el wamla aghana, amik sum elap haiptaberi, el whingag wamebe sum eneko ni tibin taleba, na babe ni el tanun.

Lag Taogha 1:17

Nari ililamnori, na nimi teptop nimi saog uro el tamag u amupto malingkino. Malingkino aghana, eldi sae sirik sae nanag paia yubu lelamogti, “An log sembaheng kom! Nana nia mangkina wamna komag samenag wamsia, amik babe komobanep komne wamne paghabog wamnunne wamna.