Lukas 5:3 - Allahri Yubu Nikne Wendogne (apna Samenagne pogtoba)

³ A'elelamekpa elna kabong nhon nenekoag waelba pulingkiog. Waelba pulingkiog kabong anekona, Simondi kabongag pulingkiogti, “Olog ko'oro mag sinag sip tao nembalulam,” seogpa ko'oro mag sinag sip nembaog. Mag sinag sip nembaogpa, kabongag aneko Yesus pukamogti, nimi maikno mag abolag wamek nimi ambatsiog.

Lukas 5:3 Iomraidhean Croise

Matius 4:18

Yesus mag Galilea longorop mag nubunge abol toman palamogti tilamogpa, nimi phende Simon si nhon Petrus engeropne ponekoap, ilipsae Andreasap tibogahiog. Sin abeneko ikan orop nang wamdekti, ikan orop nangdi ulamekne sunsunum uro ikan lip tangtop ag mag sinag toboglamdekpa tibogahiog.

Markus 3:9

Nimi maikno Yesusag yalamekpa, Yesusti nimi maikno wali nenelamsiog. Wali nenelamsiogpa, naiktop nimi maikno tanekori, “Nu babe Yesus nongag po'obaberi, wali taukap,” aro sendebel alamek. Ane sembe Yesusti eldi yubu ka'ero neleptop nangag ambarelamsiogti, “Nimi taneri na lingnil omneikagti, na mag alip toman pinunne sembe kabong nhon weamlulom,” seog.

Lukas 5:2

Sendebel alamekpa, Yesusti tilamoghag agha kabong mag alip toman piroba phende mag abolag aneko paiamek. Kabong ngai nimi ikan orop nimi tanekona, sindi ikan lip tangtop ag taneko mag a'elelamek.

Yohanes 8:2

Wamogha lukunap nen Allahri Mem Ae aramag aneko piogpa, nimi maikno elag yalamek. Yesus aneko pukogti, nimi taneko amoro ambarelamsiog.