Lukas 5:2 - Allahri Yubu Nikne Wendogne (apna Samenagne pogtoba)

² Sendebel alamekpa, Yesusti tilamoghag agha kabong mag alip toman piroba phende mag abolag aneko paiamek. Kabong ngai nimi ikan orop nimi tanekona, sindi ikan lip tangtop ag taneko mag a'elelamek.

Lukas 5:2 Iomraidhean Croise

Matius 4:18

Yesus mag Galilea longorop mag nubunge abol toman palamogti tilamogpa, nimi phende Simon si nhon Petrus engeropne ponekoap, ilipsae Andreasap tibogahiog. Sin abeneko ikan orop nang wamdekti, ikan orop nangdi ulamekne sunsunum uro ikan lip tangtop ag mag sinag toboglamdekpa tibogahiog.

Matius 4:21

Neleplamdekpa Yesus nen olog ko'oro pina tilamogpa, Zebedeus elmabo Yakobusap, elkae Yohanesap tibogahiog. Sin sikiniap kabongag wamekti, ikan lip tangtop ag o'oro wetnel tolamekpa tibogahiog. Tibogahiogti sin phende abeneko babe yopto embahiog.

Markus 1:16

Yesus mag Galilea longorop mag abol toman palamogti tilamogpa, ikan orop nang phende Simonap, ilipsae Andreasap tibogahiog. Tilamsiogpa ikan orop nang wamdekti, ulamekne sunsunum uro ikan lip tangtop ag mag sinag toboglamdekpa tibogahiog.

Markus 1:19

Neleplamdekpa Yesus nen olog we koma piogti tilamogpa, Zebedeus elmabo phende Yakobusap, elkae Yohanesap tibogahiog. Sikin kabong mag alip toman piroba lomag wamdekti, sindi ikan lip tangtop ag o'oro wetnel tolamekpa tibogahiog.

Lukas 5:1

Ik nhon sum Yesus mag longorop mag Genesaret abolag sekamogpa, nimi maikno, “Allah yubu ka'ebaukap,” aro kanero sendebel alamek.

Lukas 5:3

A'elelamekpa elna kabong nhon nenekoag waelba pulingkiog. Waelba pulingkiog kabong anekona, Simondi kabongag pulingkiogti, “Olog ko'oro mag sinag sip tao nembalulam,” seogpa ko'oro mag sinag sip nembaog. Mag sinag sip nembaogpa, kabongag aneko Yesus pukamogti, nimi maikno mag abolag wamek nimi ambatsiog.

Yohanes 1:40

Sin phende Yohanesti yubu lebogne ka'ebarekti, Yesusag nelebarek nimi abeneko nhonna si Andreas. Sin phende abeneko Yesusap nhon wamekne kolbi agha Andreasti peket elkae Simon Petrus ero ibog. Andreas poneko Simon Petrus ilipsae taptopne wamog. Andreasti ambarelamogti, “Allahri wepto poghogne Mesias poneko imnamdi, elap haiptaap,” aro ambarog. Mesias seogne neneko Yunani yubuag tipto lerop tanena, Kristus aro engerop.