Lukas 5:16 - Allahri Yubu Nikne Wendogne (apna Samenagne pogtoba)

¹⁶ Aneko yubu ambatto wali nenelamsiogha lamba nimi oroghag piogti, sop-sop Allah omekto molona mololamog.

Lukas 5:16 Iomraidhean Croise

Matius 14:23

“Pululom,” seogpa nimi maikno taneko palamekpa, Yesus el mo, “Allahag molona lemnun,” aro yim nhonag waelbaog. Ae imbaogpa, Yesus el mo aneko wamogpa,

Markus 6:46

Mag sin kauro palamekpa, Yesusti nimi maikno tanekoag, “Pululom,” seogti, “Allahag molona lemnun,” aro yim nhonag waelbaog.

Lukas 3:21

Herodesti Yohanes anam sae kaupto saelban komag, Yohanes ponekori nimi ni maikno taneko maghag pelengelamsiogti, Yesus babe maghag pelengkaog. Pelengkaogpa Yesusti Allahag molona molbaoghag agha im phoro,

Lukas 6:12

Wameka ik nhon sum Yesus, “Allahag molona molbanun,” aro yim nhonag waelbaog. Yimag waelbaogti, Allahag molona mololamogha ae inipna nhon ningki taog.

Lukas 9:28

Wene Yesusti, “Iplulom,” aro ambatsiogpa, ik linbare saog uro piogpa wamek. Yesusti Petrusap, Yohanesap, Yakobusap poa lepsiogti, “Allah omekto molona molbanun,” aro main nhonag poa pihiog.

Lukas 9:29

Aneko Yesusti Allah omekto molona mololamogpa, Yesus whing nhonne saog taogpa, eldi ag nongag wangkamogne babe lepna tingo-tingo alamloa saog uro solomne tingkia-tingkia up tangtopne taog.

Yohanes 6:15

Yesus el uro wamog nena, nimi taneri senelamekti, “Yesusag yingkiro yubu mikip uro, ‘Nuringe yubu sia lenne talulam,’ aro el pelebaukap,” senelamekpa el uro wamog. Ane sembe Yesus anekoa laplobi agha, “Mo wamnun,” aro yim nhonag sip piog.