Lukas 4:8 - Allahri Yubu Nikne Wendogne (apna Samenagne pogtoba)

⁸ Wene seogpa, Yesusti samoro phia anekoag, “Allahri yubu mome toro pairopne wamlange, ‘A'un Saelba Uhiropne Allah aghabog omekto u amupto kiplapmundi, eldi awe mo toro omeklamlulom,’ aro mome toro pibog,” seog.

Lukas 4:8 Iomraidhean Croise

Matius 16:23

Wene seogpa, Yesusti taongkom agha Petrusag yubu lelamogti, “Phia sikini nubunge Satanasti yubu leplamne nene na whingag sip nemban koma wailag sip nembae! Andi leplam nena, na ina pinebag puri tikto phukul ingkineba saogne leplam. Allahri seneragtopne leplam kom aghana, nimiri seneragtopne agha leplam,” seog.

Matius 4:10

Wene seogpa, Yesusti phia sikini nubunge nenekoag, “Satanas an kolop tae! Tam nene sembe Allahri yubu mome toro pairopne wamlange, ‘A'un Saelba Uhiropne Allah aghabog omekto u amupto kiplapmundi, eldi awe mo toro omeklamlulom,’ aro mome toro pibog,” seog.

Lukas 4:4

Wene seogpa, Yesusti samoro ambarelamogti, “Allahri Yubu mome toro pairop momeag wamlangena, ‘Nimi wamnep nena kwaneng roti tendi mo kamag wamnep kom,’ aro mome toro pibog,” seog.

Yakobus 4:7

Ane sembe, Allah umag nenel dalamlulom. Undo unulapmundi, phia sikini neneko wa'epto epmunba, a'un laplobi agha merero pilul.

1 Petrus 5:9

A'undi Allahag sikne aro wana palilapmundi, khapto sekapmunneag agha phia sikini neneko wa'epto eplulom. A'un el uro wamlulom nena, tala-tala mog so'oag wamang nimi a'unkabo tangtop nimi taneko babe a'un seklelamlomne saog uro wana khapto seklelamang.

Lag Taogha 19:10

Wene seoba, nari yabu sanukto u amupto malaikat yan tamag pulingkina, “Kipnun,” aro ulamno aghana, eldi lelamori, “Undo unuaheng kom! Ot Allah aghabog omeklamlulam! Na babe an wamlamne saog uro Allah arukna wamnam. Ankabo Yesusti sikne lag nenero ambatsiog yubu saelba ul pirop nimiri babe anap nanapti nika uro Allah sembe awe tolamap,” aro ambatneo. Malaikat ponekori nanag undo ambatneongena, tam nene sembe. Yesusti yubu ambarelamsiogne nenena, Allah Yame Walingeri Yesusti wanaag pibogne sunsunum uro sik uro ambatsiog. Nimi etneri sik uro Allah Yame Walinge pere agha lerop tanena, Yesusti yubu sunsunum uro Allah yubu silimu tipto ambatsirop.

Lag Taogha 22:9

“Omekto kipnun,” aro ulamno aghana, eldi nanag lelamori, “Undo unuaheng kom! Ot Allah aghabog omeklamlulam! Na babe an wamlamne saog uro Allah arukna wamnam. Ankabo Allahri yubu silimu tiplamek nangap, nimi ni mome neneag mome toro paliropne saelba nelepto ul pirop nimiap tanekori babe anap nanapti nika uro Allah sembe awe tolamap,” seo.