Lukas 4:6 - Allahri Yubu Nikne Wendogne (apna Samenagne pogtoba)

^6-7 Lag nembarogti, phia sikini nenekori Yesusag yubu lelamogti, “Nia mangkina tiplengkalamne na saeag taogpa, saelba ulamsin. Nari nimi etneag, ‘Tatnun,’ sembane tanena, hae nari tatnep. Ane sembe nia andi haingdi tiplengkalamne, as mog so'o saelba uhiroba tanu ubu paiamlangeap, mog so'oag tup taneba wamlangeap, hae an ngai tanep. Ot andi agha nanag omekto u amupto pulingkina kipnemen tanena, ni aneko nari an saeag nembanun,” aro Yesusag ambarog.

Lukas 4:6 Iomraidhean Croise

Yohanes 12:31

Wene wamap ko'o enena, mog so'oag nimiri ul piropne sembe tam karebanepne wamla. Mog so'oag nimi saelbamsil phia neneko Allahri wene luknuro yag lambalul.

Yohanes 14:30

El mog so'o ene wene saelba ulamsil phia aneko yalamla ane sembe, nari a'unag nen yubu maikno lemnun kom. Saelba ulamsil phia nenekori na saelba uanep kom.

Yohanes 8:44

A'undi a'uni nenekona, phia sikini nubunge elmabo wamlom. Eldi, ‘Malinge uahane,’ senenneag a'undi nelepto, ‘Ulamsebe,’ senelamlom. El neneko samenag agha nimi ya'ag ohiropne wamog. Eldamne wanaag sikne orog ane sembe, sikne anekoag sekil pinep kom. Eldamne orolena leropne agha wamla ane sembe, el nenekori orolena lerop tanena, eldamneri yubu agha lelamla. Orolena lenne neneko elag agha lag tangtop.

2 Korintus 11:14

Tam nene sembe lo'om seheng kom. Phia sikini nubunge Satanas nenekori eldamne lag nenel dalamlangena, Allah arukna imagne malaikat warelamlange saog uro keknep tanep.

Efesus 2:2

A'un samenag wamlum nena, mog so'oag nimiri wene ul palamangne sunsunum uro a'undi babe samenag nelepto ulamlum. A'undi nelepto ulamlum nena, mog so'oag urop mema mikipne im mombolag wamlangeri a'un saelbamsiogpa, nelepto ulamlum. A'un saelbamsiog phia nenekori wene babe nimi saelbamsilne pere agha Allah yubu ka'eban koma sik senelamang kom.

1 Petrus 1:24

Ya'ag urop yubu ene sembe mome toro pairopne wamlangena, “Nimi nong ni o'olaba saog uro wamlaba, nimi wali kemeropne ni pongoroba es aba saog uro wamla. O'olaba ul tanepba, pongoroba es aba lulupna agha timbanep,

1 Yohanes 5:19

Mog so'oag nimiri seneragto ul piropne neleptop nimi taneko yonge nenekori saelbamsil aghana, nunna Nuni Allahag agha mangap tabunge sembe el uro wamap.

Lag Taogha 12:9

Paghae sel-sel nubu paghae eneko oro tobogto yag lambahiong. Paghae sel-sel nenekona, yum-yum samenag wamog paghae, eldi nimi ni mog so'oag nimi haing kunuhiro, “Orolena sik sembaukang,” aro ulamsiogti, ulamsilne wamla. El phia yonge sikini nubunge si Satanas engeropne wamla. Elap, imagnang malaikat elag sip tangtop nangap oro luknubahiongdi, imag agha mog so'oag tobogto pelengel ahiong.

Lag Taogha 13:2

Nari lebe aroba imnoa anekona, si yoaba tutul wamloa saogne imno. Eldi yanna, pai kam beruang nubu kam agha norop kamdi yan saog wamoa imno. Eldi uram imno ana, si yoaba singa mikipne si ka'en saog wamoa imno. Elag mikipne taongena, paghae sel-sel anekori el saeag mikipne wamonge lebe aroba nenekoag piboba, paghae sel-sel sae taloa saog el yubu sia leropne mikipne tao. Yubu sia lero wamoba, paghae sel-sel aneko eldamneri ni mog so'o saelba uhiro yubu sia lelamloa saog, lebe aroba nenekori saelbamsio.

Lag Taogha 13:7

Mikipne lebe aroba nenekoag taori, Allah eldamneri weptop mabo sembe, “Wea naglamsineri, oro luknulamsunun,” aro ulamori, Allah elmabo luknulamsio. Luknulamsiori mikipne el saeag wamongena, nimi sisa ni nimiap, yubu a'ero-a'ero lerop nimiap, mog so'o tala-tala urop nimiap, nimi winip tangto mo sektoba negara ni nimiap sembe yubu sia lelamori saelbamsio.