Lukas 4:5 - Allahri Yubu Nikne Wendogne (apna Samenagne pogtoba)

⁵ Wene aro ambarogpa, phia sikini nenekori Yesus poa lebogti, alikinag poa waelbaog. Poa waelbaogti, hengom sel agha ulamoghag agha phia anekori mog so'oag nimi ni saelba uhirop nimiap, sin umag wamek nimi taneko, “Tiplengkalulam,” aro lag nembarog.

Lukas 4:5 Iomraidhean Croise

Matius 24:14

Komobanep sum eneko anam uro yabin komag, yubu walinge Imagneri mog so'oag nimi saelbamsilulne sembe ambarelamsin yubu eneko mog so'o tala-tala urop nimi sisa niag sabo tangto yabilul andarina, sikne el taukang. Mog so'o tala-tala wamik nimi sisa niag wali yubu sikne eneko ambatsiik taneogna, wene wamap ko'o komobanep sum eneko uro yabilul,” seog.

Matius 4:8

Wene seogpa, phia sikini nubunge nenekori nen Yesus poa lebogti, main we sirikne nhonag poa waelbaog. Poa waelbaogti, phia anekori mog so'oag nimi ni saelba uhirop nimiap, sin umag wamek nimiap, tup taneba sinag uropneap, “Tiplengkalulam,” aro lag nembarog.

1 Korintus 15:52

Nu nong a'ero taukap sum eneko wa'en yubu lilim nubu uro ma'i saog uropne trompet komoptopne pho alogleba, yubu lilim nubu uro leplul. Lepna libango alognaba, hengom aloa saog uro teptop nimi kamag tangom agha polbanep kom nongag taikpa, nu nong a'ero taukap.

2 Korintus 4:17

Nu wene seklenne olog ikinne sesog sembe seklelamapne neneri nu paliag nenero kibiang towalengeroba nubu sirikne phelektopne nunag poa yalamsil. Kibiang towalengeroba nubu sirikne phelektopne nunag tanepne eneko ya'ag uropne wamla ane sembe, nu wene ikinne sesog seklelamapne neneko mo keyagman uro sekleropne agha senelamap.

Efesus 2:2

A'un samenag wamlum nena, mog so'oag nimiri wene ul palamangne sunsunum uro a'undi babe samenag nelepto ulamlum. A'undi nelepto ulamlum nena, mog so'oag urop mema mikipne im mombolag wamlangeri a'un saelbamsiogpa, nelepto ulamlum. A'un saelbamsiog phia nenekori wene babe nimi saelbamsilne pere agha Allah yubu ka'eban koma sik senelamang kom.

Efesus 6:12

Nari lemnange nenena, nu mal talamapne nong sop ipsinep nimi mog so'o eneag wamang nimiap mal talamap kom. Nu mal talamap nena, nimiri ipsinep kom phia yonge mog so'o alibag ua ulamangneap, mog so'o inibinne ul pirop nimi agha mog so'o saelba uhiroba anekoap, inibinne mikiba anekoap, inibinne nubu neneroba anekoap tanekori nu aisa nenelamsiangba, mal talamap.