Lukas 4:43 - Allahri Yubu Nikne Wendogne (apna Samenagne pogtoba)

⁴³ “Nu laploa pihiseng kom,” aro ulamek aghana, eldi sinag yubu ambarelamsiogti, “Na pogneonge ponekori, ‘Nimi niag na Allahri yubu walinge ambatsululam,’ aro pogneo. Ane sembe, nari yubu walinge Allahri nimi mog so'oag nimi saelba uhiropne sembe ora asag wamang nimiag babe ambarel pihinepneog wamla,” aro ambatsiog.

Lukas 4:43 Iomraidhean Croise

Matius 4:23

Yesus Galilea mog so'oag wamek as ni kanero palamogti, Yahudi nimiri Allah yubu lero winirop aeag wa'ina yubu walinge Allahri yubu sia lero nimi saelba uhiroba sembe nimi amoro ambatto tongolamsiog. Yubu walinge ambarelamsiogpa, naiktop nimi sin nimi taneko nusamag wamekpa, naikna telamsiogne babe, nimi nongag kikipto kauploa uhiropne babe ni wali nenelamsiog.

Markus 1:35

Kweleknag aneko ae anam wareban komag Yesus pukogti, ae aneko laplobi agha nimi oroghag piog. Piogti anekoa Allahag moloro yubu lelamog.

Yohanes 20:21

Awi sembaekpa, nen Yesusti sinag yubu lelamogti, “A'unag wana aingniro wamsut alamna. Na Naniri pogholaneog saog uro, wene nari babe a'un poglamsin,” seog.

Yohanes 9:4

Wene wamabagna, yo'obi saog uro tibin warelamlea abeneko na pogneogne ponekori awe nuri tolamnepneog wamla. Amik uro yabinual ko'o nenekoag nimi nhondi awe tomnep koma wamleba, inipnag saog talul.

2 Timotius 4:2

“Andi Allah yubu walinge nimiag ambarelamsululam,” aro wenero ambarelangken. Andi yubu ambarelamsimenne sembe nimiri, “Ka'ebaukap,” sembaika babe, “Karong,” sembaika babe andi, “Allah yubu ambarelamsinun,” aro wea ulamlulam. Allah yubu ambarelamsimenba, nimiri sik komne lero uroba sembe, sikne lag nenero wenelamsululam. Wenelamsimen abeneko pere andi wana paiapmendi, “Sindi wana sesog urop nimi wana mikip nembahinun,” aro yubu kiki telekto el nenero amolamsululam.