Lukas 4:23 - Allahri Yubu Nikne Wendogne (apna Samenagne pogtoba)

²³ Wene alamekpa, eldi sinag yubu lelamogti, “A'undi nanag sunumna sunurop yubu ene nanag leplulom. ‘An nimi whesinne wamlam tanena, andamne wali nenep talulam. Andi as Kapernaum wamoma, “Mane agha ual,” senenne ulamomne nuri ka'elamap. As Kapernaum ulamoma saog uro anenge asag anea babe ualulam,’ aro leplulom,” seog.

Lukas 4:23 Iomraidhean Croise

Matius 13:54

Lambaogti eldinge asag piog. Piogti Yahudi nimiri Allah yubu lero winirop aeag aneko pina nimi amoro ambarelamsiog. Ambarelamsiogpa ka'ebaek nimi tanekori, “Yaghe, mane agha ambarelamsil,” seek. “El neneko etneri wana hekaoba, undo ambarelamsil? Mikip huropneag agha Allah mikibari uanepne ulamla?

Matius 4:13

El Nazaret laplobi agha mag Galilea longorop mag abolag as Kapernaum piogti, ua ulamog. As Kapernaum aneko Zebulon nimiap Naftali nimiapti so'oag wamog.

Matius 4:23

Yesus Galilea mog so'oag wamek as ni kanero palamogti, Yahudi nimiri Allah yubu lero winirop aeag wa'ina yubu walinge Allahri yubu sia lero nimi saelba uhiroba sembe nimi amoro ambatto tongolamsiog. Yubu walinge ambarelamsiogpa, naiktop nimi sin nimi taneko nusamag wamekpa, naikna telamsiogne babe, nimi nongag kikipto kauploa uhiropne babe ni wali nenelamsiog.

Markus 6:1

As Kapernaum aneko laplobi agha Yesusap eldi yubu ka'ero neleptop nangap eldi asag piek.

Lukas 2:39

Yusupap Mariaap as soro kalurop as Yerusalem wamdekti, nu Saelba Uhiropneri aruksirop yubu sunsunum uro ni uarekti, me aneko poa samoro Galilea so'oag wamog as sikindingeag Nazaret yaek.

Lukas 2:51

Anekoa Yesusap nhon samoro Nazaret yaekti, ili ilindi lelamdekne ka'elamsiog. Ni uro yabiogne neneko ilindi wanaag paia haiptangto seneraglamog.

Lukas 4:16

Yesus Galilea so'oag wamogha ik nhon sum el nubu taoghag as Nazaret piog. Piogti wamogpa, Sabat sum taog. Yesusti sop-sop ulamog saog uro, as Nazaret wamog sumene babe Sabat sum taogpa, Allah yubu lero winirop aeag aneko wa'iog. Wa'iogti, “Allah Yubu nhon mome kemero lemnun,” aro nimi whingag sekel ingkiog.

Lukas 4:31

As Nazaret anekoa lambom agha Yesus Galilea so'oag wamog as nhon Kapernaum piog. Piogti sin Yahudi nimiri Allah yubu lerop sum Sabat sum taogpa, sum eneko Yesusti nimi amoro ambarelamsiog.

Lukas 4:35

Wene seogpa, Yesusti phia yonge anekoag, “Yubu kom tae! Nimi eneag agha lambae!” aro arukaog. “Lambae!” aro arukaogpa, phia yonge nenekori nimi eneko toro sin nimi taneko whingag so'oag pololobogti lambaog. So'oag pololobogti, lambaog aghana, nimi eneko meneng omna koma ot wali wamog.

Lukas 6:42

Andam nimiri haingag kal la'asi optenabangkel aghana, welaro andi ankaeag, ‘Nangkae, kal sikin andi haingag wangkekelne toro la'imbitkenun,’ senep? Anna, ‘Wali sembanukang,’ aro lero uropne wamlam! Andam nimiri haingag samen kal la'asi optenabangkelne toro la'inip tamen taneogna, andi ankaeri haingag kal sikin ua ulamlange tibin wali uro ipmendi, toro la'iniloplulam,” aro ambatsiog.

Yohanes 4:28

Yesusap yubu leptekti, kel enekori mag tero lina payalamogne eneko laploa as soro kalurop asag samoro piog. Piogti as anekoag wamek nimiag ambarelamsiogti,

2 Korintus 5:16

Wene tam neneag agha nuri mog so'oag nimi nongag uropne kemelamsinne sunsunum uro seneraglamukap kom. Otsik Kristus samenag mog so'oag nimi nong wamogpa ililamubu. Ot wene el mog so'oag nimi nong wamogne sembe seneragna koma el sembe el uro wamap.