Lukas 4:2 - Allahri Yubu Nikne Wendogne (apna Samenagne pogtoba)

² Poa piogpa, pai aldesag wamogpa, anekoa phia sikini nubungeri ik teng nhon epto naualbareap mipna miplamog. Ik teng nhon epto naulbare miplamog abeneko pere, Yesus sa'a-sa'a ten koma wamogti, komoptop sum eneko kwaneng yo uaog.

Lukas 4:2 Iomraidhean Croise

Matius 21:18

Mabogha kwelekaogpa, Yesus samoro as Yerusalem yalamogpa, inaag agha kwaneng yo uaog.

Matius 4:2

Aldesag aneko poa piogpa, Yesus ae inipna teng nhon epto naualbareap, kwelekna teng nhon epto naualbareap kwaneng tenaba tero koma wamog. Tero koma wamogpa, Yesusag kwaneng yo uaog.

Lukas 4:3

Kwaneng yo uaogpa, phia sikini nubunge nenekori elag yubu lelamogti, “Anna sik uro Allah Elme wamlam tanena kirik aneag, ‘Kwaneng roti tae,’ semendi tululam,” seog.

Yohanes 4:6

Yaoghag aneko samenag Yakubti so'oag wailbaog mag nhon wamog. Yesus ina yalamogneri pesa uaogpa, yingkina so'oag waliro longorop mag peramag aneko pukamog. Ina yalamogha aneko yingkina pukamog nena, ae siro heng ik mol-mol alamog abeneko yingkina pukamog.

Ibrani 2:18

Eldi nimi yepsinep nena, elag babe samenag seklenne mipto yambaog. Ane sembe, ora nimi babe sinag miplamsin abeneko pere elag yopseng tanena, el mikipti yebel ahinep.

Ibrani 4:15

Nu yeplamsil nena, memne Allah sembe palirop nimi sikini ponekori nu haing pesa wamapne sembe yareag sembahinep komne wamla kom. Nia mangkinari nunag mipsinep saog uro elag babe mipto yabalamog aghana, malia uaog kom.