Lukas 4:18 - Allahri Yubu Nikne Wendogne (apna Samenagne pogtoba)

¹⁸ “Imap so'oap Saelba Uhiropne ponekori Yame Walinge nanag mikipne paiamnel. Eldi na wepneori, ‘Sin olog nimi saeagha orog nimiag yubu walinge ambarelamsululam,’ aro toro sekitneori, Eldi Yame Walinge mikipne nanag paiamnel. Eldi na poglamneori, ‘Nimi sae kaupto keleng teptobag tobongohirop nimi sembe, “Sae lopto lambalulom,” aro ambarelamsimendi, nimi haing uropne sembe babe, “Haing kwelekae,” aro ambarelamsululam. Nimi seklem tarapsirop nimi haing sae lopto, “Lambahut,” sululam.

Lukas 4:18 Iomraidhean Croise

Matius 11:5

‘Nimi haing uropne kwelekto ililamang. Yan mali nimi yan ingiro palamang. Nimi kon tena pololamsil nimi kut talamang. Ao lepsirop nimi ao kuplamsil. Teptop nimi kamag talamang. Apna yubu walinge nimi saeagha orog nimiag ambatto palamla,’ aro ambarel pururom.

Matius 12:18

“Nari awe toropne wepto pogsinge ane wamla. El nari o'ona sembamnange na wana awi ulamnelne wamla. Nari Yame Walinge elag pimneba, eldi porog uro tam karepto tininne nimi tala-tala mog so'oag urop nimi sembe ambarelamsilul.

Matius 12:20

Luna sanuktopne eldi kokloplul kom. Auk pog leng-leng aro singkanepne eldi sarangkitlul kom. Nimi win-win aro ulamsile paghabog, tam ni porog nenero komopto karebatsilul.

Matius 4:16

Nimi inibin urobag wamang nimi tanekori tibin wareroba nubunge ibang! Sin tebaneba peramag uropti, inibinag urop mog so'oag nimi tanekoag tibin wareropne sinag warero tingip tal,” aro mome toro pibog.

Matius 5:3

“Sin wanaag, ‘Teko ulamnelba, Imagneri yepnoho,’ aro seneragtop nimi sembe Imagne ponekori sin paiamsildi, saelba ulamsil ane sembe, awi uro wali wamukang.

Lukas 4:17

Sekogpa mome yae ua urop nimi tanekori Allah yubu silimu tiptopne Yesayari mome toro pairop mome wa'amogtoba aneko Yesus saeag nembaog. Yesus saeag nembaogpa, mome wa'amogtoba sangkaogti ero ibog nena, Yesayari mome toro pibogne kembi agha lelamogti,

Lukas 6:20

Yesusti eldi yubu ka'ero neleptop nimi kembahiogti, yubu lelamogti, “A'un teko uhirop nimi Allahri a'un sembe yubu sia lero saelbamsilul ane sembe, awi uro wali wamlulom.

Lukas 7:22

Wene aro haibarekne sembe Yesusti sinag samoro, “A'un samoro Yohanesag pirumundi, a'undi haingdi iptomne babe, aori ka'ebaromne babe ambatturom. Ambarel pururom nena, ‘Nimi haing uropne kwelekto ililamang. Yan mali nimi yan ingiro palamang. Nimi kon tena pololamsil nimi kut talamang. Ao lepsirop nimi ao kuplamsil. Teptop nimi kamag talamang. Apna Allah yubu walinge nimi saeagha orog nimiag ambatto palamla,’ aro ambarel pururom.

Yohanes 12:46

Na mog so'oag yahingena, ‘Tibin warebahinun,’ aro yahi andarina, nanag sikne aro seneragtop nimi ni inibinag wamukang kom.

Pogsiog Nang 26:18

Poglangkenba sin wamangag pimendi, sin nimi taneko haing uropne haing kwelekel palamsululam. Haing kweleklamsimenba, inibinag lilobi agha samoro tibinag yalamukang. “Haing kwelekamikti, phia sikini nubunge Satanas nenekori saeag agha sae lop tangom agha Allahag samoro yalamikpa, Allahri saelbamsilul,” aro poglangken. Sindam nimiri na Yesusag sikne aro wana palilamik tanena, Allahri sin, “Naringe aghabog wamukang,” aro wepsirop nimi taneko sembe, “Sindi malia uropne tam wailag nembaleba, Allah Eldamneri mabo taukang,” aro poglangken,’ aro Yesusti ambatneo.

Pogsiog Nang 4:26

Nuni Allahri, “Taulbahimendi saelbamsululam,” aro wepto aogne Kristus ot nhonog wamla. Allahri wepto aog aghana, mog so'oag yubu sia lerop nang tanekoap, sikin tamag salehirop nangapti, “Karong,” aro poloro winil dalamang. Poloro winil dalamangdi, nu Saelba Uhiropne Allahap, eldamneri wepto aogneap, “Mal tabaukap,” aro yin singilamsiangdi wamang,’ aro Daudti samenag ambatsiog.

Pogsiog Nang 4:27

Samenag ambatsiogne sunsunum uro sik uro yabiog. Anme sol walinge andi, ‘Taluro saelbamsululam,’ aro wepto alumne Yesus poneko, ‘Obukap,’ aro Herodesap, Pontius Pilatusap, Yahudi sisa kom nimiap, Israel nimiap, as aneag poloro winip taong.

Kolose 1:13

Nu samenag wamubungena, inibinag wamububa, inibinne saelba uhiropne phia sikini nubunge nenekori nu saelbamsiog. Nu saelbamsiogpa, mali-malia ulamubu aghana, Nuni Allah ponekori Elme wanaagne pere agha nuri mali-malia ulamubunge neneko tam wailag nembaog. “Naringe,” aro toro pelepto nu inibinag agha taulbahiogti, nu enero poa Elmeri saelba uhirobag ko'oro poa yahiog.

Yakobus 2:5

Nangkabo, a'un nari wanaag wamlom nimi ka'eamsut. Allahri samenag, “Na sembe o'ona senerop nimiag nari saelba ulamnangeag agha tatsineri saelbamsinun,” aro salag pibog. Salag pibogti, Allahri mog so'oag saeagha orog nimi weplamsiogti, “Wana maikno nanag palilamnukang ane sembe, na o'ona senerop nimiag tatsinepne sinag tatsinun,” aro saeagha orog nimi wepsiog.

1 Petrus 2:9

Aghana a'unna, Allahri wepsiog nimi sisa wamlom. A'unna memnang Allah yubu sia lenne poneko sembe palirop nang wamlom. A'unna Allahri wepto, “Nari nimi taikti, sembenga orog nimi taukang,” aro taulbahiog nimi wamlom. Wepto taulbahiog andarina, a'un inibinneag agha yopsiogti, tibin haing omom uropneag enero poa yahiogne poneko kiptopne lag phoro yubu ambarelamsululom.