Lukas 4:1 - Allahri Yubu Nikne Wendogne (apna Samenagne pogtoba)

¹ Yesus mag Yordan inaag anekoa laploa palamog abeneko Allah Eldamne Yame Walingeri seneragna Yesusti wanaag to'opto taogti, Yesus poa lebogti, pai aldesag poa piog.

Lukas 4:1 Iomraidhean Croise

Matius 3:16

Maghag pelengkaogpa, Yesus peket maghag agha lanalamog abeneko pere imag tiwalengelamog. Tiwalengelamogpa im sangal naghogpa, Allah Yame Walinge winang yalma saog uro elag kulukul alamogha ibog.

Lukas 2:27

Allah Yameri Simeon poneko enero poa Allahri Mem Ae aramag poa wa'iog. Allahri Mem Ae aramag poa wa'ioghag Yusupap Mariaap yalamdekti, “Allahri Musaag aruktop yubu sunsunum uro uaukap,” aro sikin me eneko Yesus poa wa'irek.

Lukas 3:3

Ane sembe Yohanes mag Yordan sip nimi ni wamekne Allahri yubu eneko ambatto tongolamsiog. Yohanes ponekori yubu ambarelamsiogti, “A'undi mali-malia wanaag seneragto ulamlomne lipsimunba, maghag pelengkipsinun. Maghag pelengkipsineba, a'undi mali-malia ulamlomne Allahri tam wailag nembalul,” aro ambarelamsiogti, maghag pelengelamsiog.

Lukas 3:38

Kenan ili Enos, Enos ili Set, Set ili Adam, Adam ili Allah.

Lukas 4:14

Phia sikini nubunge nenekori Yesus laploa piogpa, Allah Yame Walingeri mikipne Yesusag wamogpa, el nen samoro Galilea so'oag yingkina wamog. Wamogti ulamogpa nimiri el sembe yubu lelameka nubu tangto sabo taog.

Lukas 4:18

“Imap so'oap Saelba Uhiropne ponekori Yame Walinge nanag mikipne paiamnel. Eldi na wepneori, ‘Sin olog nimi saeagha orog nimiag yubu walinge ambarelamsululam,’ aro toro sekitneori, Eldi Yame Walinge mikipne nanag paiamnel. Eldi na poglamneori, ‘Nimi sae kaupto keleng teptobag tobongohirop nimi sembe, “Sae lopto lambalulom,” aro ambarelamsimendi, nimi haing uropne sembe babe, “Haing kwelekae,” aro ambarelamsululam. Nimi seklem tarapsirop nimi haing sae lopto, “Lambahut,” sululam.

Yohanes 1:32

Samenag uro yabiogne sembe Yohanesti sik uro lag nenero ambarelamsiogti, “Nari haingdi kemelamnoba, Allah Yame Walinge winang yalma saog uro imag agha kulukul ingkina el alibag pukamori, wamoa imno.

Pogsiog Nang 8:39

Maghag pelengkibogpa, walel alamoghag agha nu Saelba Uhiropne Yame Walingeri lo'om aro Filipus poa piogpa, Etiopiange ponekori Filipus ibog kom. Ibog komdi, Etiopiange poneko awi sene-sene elengeag sip palamog.