Lukas 3:3 - Allahri Yubu Nikne Wendogne (apna Samenagne pogtoba)

³ Ane sembe Yohanes mag Yordan sip nimi ni wamekne Allahri yubu eneko ambatto tongolamsiog. Yohanes ponekori yubu ambarelamsiogti, “A'undi mali-malia wanaag seneragto ulamlomne lipsimunba, maghag pelengkipsinun. Maghag pelengkipsineba, a'undi mali-malia ulamlomne Allahri tam wailag nembalul,” aro ambarelamsiogti, maghag pelengelamsiog.

Lukas 3:3 Iomraidhean Croise

Matius 3:11

A'undi mali-malia seneragto ulamlomne laplobi agha, ‘Allahri senenne saelba ulamukap,’ aro yalomba, nari mag aneag agha a'un pelengelamsin. Na sam yanori, maghag pelengelamsin aghana, amik nimi nubunge nhon, nanap sunum komne yalul. El mikip sirikne yaleba, eldi yan wangana na ologne wamnangeri salero pomnepne babe nanap sunurop kom. El nubunge yalulne ponekori Allah Eldamne Yame Walingeap auk poghap a'unag pelengkatsilul.

Lukas 1:16

Eldi a'un Israel nimi maikno yeplamsilea wa'anero poa lepsileri, a'un Saelba Uhiropne Allahag samoro poa yahilul.

Lukas 1:77

Andi Allah omektop nimi el nenelamsimendi, ‘Allahri a'undi malia uropne sembe undo tam wailag nembaleri taulbahilul,’ aro el nenero ambarelamsululam.

Lukas 4:1

Yesus mag Yordan inaag anekoa laploa palamog abeneko Allah Eldamne Yame Walingeri seneragna Yesusti wanaag to'opto taogti, Yesus poa lebogti, pai aldesag poa piog.

Yohanes 1:28

Ni ane uro yabiogne mag Yordan kauro heng walelingkirobag sip Betania so'oag wamekpa, Yohanesti nimi maghag pelengelamsioghag anekoa uro yabiog.

Yohanes 3:26

Sin Yohanesag piekti, elag yubu lelamekti, “Nai, an yubu amohinne nubunge, mag Yordan kauro tara siba anap nhon wamomdi, nunag lag nenero ambatsiomne poneko sembe an el wamlam te? El ponekori babe wene nimi maghag pelengelamsilba, nimi ni yalamlonga saog uro elag nelepto palamang,” aro ambarek.

Pogsiog Nang 13:24

El anam yanep peramag Israel nimi ni wamek nimi tanekoag Yohanesti yubu ambarelamsiogti, ‘A'un malia seneragto ulamlomne laplobi agha Allahri senenne saelbapmun tanena, maghag pelengkipsinun,’ aro ambarelamsiog.

Pogsiog Nang 19:4

Wene seekpa, Paulusti yubu ambarelamsiogti, “Yohanesti nimi maghag pelengelamsiog nena, nimiri malia seneragto uropne laplobi agha Allahri senenne saelba ul pinepne sembe maghag pelengelamsiog. Yohanes ponekorina, ‘Allahri, “El amik yalul,” seogne ponekoag sikne aro wana palilamlulom,’ aro Yohanesti maghag pelengelamsiog. ‘El amik yalul,’ seogne poneko Yesus yanepne sembe lebog,” aro Paulusti ambatsiog.

Pogsiog Nang 22:16

Sa'a sembe wene nang-nangalamlam? Sekmendi Yesusag si lero yoplapmendi, “Malia uanonge tam orog nembanululam,” aro molbamenba, maghag pelengkaghukang,’ aro Ananiasti ambatneog,” seog.