Lukas 3:2 - Allahri Yubu Nikne Wendogne (apna Samenagne pogtoba)

² Memnang Allah sembe palirop nang sikini yabo nubunang Hanasap, elyamal Kayafasap wamdek ko'o hengkun enekoag agha, Yohanes Zakharia elme pai aldesag wamogpa, Allahri yubu lero Yohanesag ambarog.

Lukas 3:2 Iomraidhean Croise

Matius 11:7

Sin samoro palamdek abeneko, Yesusti alniro nimi maikno longolamek nimi tanekoag Yohanes sembe ambarelamsiogti, “A'undi, ‘Sa'a ibukap,’ aro pai aldesag aneko pilum? ‘Phoanari pongoroba ko nhon pho alamoba, tara sip pang, tara sip yang ulamonge ibukap,’ aro pilum te?

Matius 26:3

Nik sum eneko memnang Allah sembe palirop nang sikini yaboap, Yahudi nimi wenelamsiek nangap winil dalamekti, memne Allah sembe paliropne sikini nubunge si Kayafasti nubu aeag winip taek.

Markus 1:2

Allahri samenag Elme yanepne sembe lebogpa, Allah yubu silimu tiptopne Yesaya ponekori mome toro pibog. Mome toro pibog nena, “Nari yubu poa ambatsirop nimi nhon an whingag pogneba, an amik pinep ina an sembe yarelamlul.

Lukas 1:80

Wene seogpa, Zakharia elme Yohanes nolamogti, mikip tangto wana khaplamog. Nubu taogti, nimi oroghag pai aldesag ua ulamog paghabog, ot Allahri, “Sumene sum agha Israel nimiag lag nenep taleri, nari yubu tipto ambarelamsilul,” sembaog sum eneko agha, Yohanes poneko Israel nimi whingag ambarelamsiog.

Yohanes 1:23

Wene aro haibaekpa, Yohanesti sinag samoro ambarelamsiogti, Yesaya Allah yubu silimu tiptopneri lebog yubu tagto lelamogti, “Na wamnangena, ‘Pai aldesag nimi nhondi yubu haum aro nimi yoplamsilul nena, “Nu Saelba Uhiropne yanepne sembe ina yarelamlulom. El yanep ina porog nenelamlulom,” ’ aro ambatsirop nimi eneko wamna,” seog.

Yohanes 18:24

Wene seogti, Yesus anam haing sae kaupto wamogpa, Hanasti nimi aruklamsiogti, “Memnang Allah sembe palirop nang sikini nubunge Kayafas yaghag poa pululom,” aro arukahiog.