Lukas 3:16 - Allahri Yubu Nikne Wendogne (apna Samenagne pogtoba)

¹⁶ Wene alamekne sembe Yohanesti nimi niag samoro ambarelamsiogti, “Nari mag aneag agha a'un maghag pelengelamsin aghana, amik nimi nubunge nhon, nanap sunum komne yalul. El mikip sirikne yaleba, na nimi ologne wamnangeri eldi yan wangana haing lopnepne babe nanap sunurop kom. El nubunge yalulne ponekori Allah Eldamne Yame Walingeap auk poghap a'unag pelengkatsilul.

Lukas 3:16 Iomraidhean Croise

Matius 3:11

A'undi mali-malia seneragto ulamlomne laplobi agha, ‘Allahri senenne saelba ulamukap,’ aro yalomba, nari mag aneag agha a'un pelengelamsin. Na sam yanori, maghag pelengelamsin aghana, amik nimi nubunge nhon, nanap sunum komne yalul. El mikip sirikne yaleba, eldi yan wangana na ologne wamnangeri salero pomnepne babe nanap sunurop kom. El nubunge yalulne ponekori Allah Eldamne Yame Walingeap auk poghap a'unag pelengkatsilul.

Matius 3:12

Eldi saeagna, kelopto weptop kal nhon wamla. Eldina, ‘Wana walinge aghabog polop taleba tomnun,’ aro kelopto weptobag aneko awe tolamlul. Wana walinge kwaneng roti wana gandum eldinge palirop aeag tobongkiplul aghana, kwaneng roti a'esekange ni sarangkanep kom auk enekoag taplul,” aro ambatsiog.

Yohanes 1:26

Wene aro haibaekpa, Yohanesti sinag samoro, “Nari nimi maghag pelengelamsin aghana, nimi nhon a'undi el ilirop komne a'un nusamag sekamlari,

Yohanes 1:27

amik yalul. Na wene wamna aghana, amik yalulne poneko nimi nubunge nanap sunsunum komne yalul. Nubunge poneko yaleba, na ologne wamnangeri eldi yan wangana haing lopnepne babe nanap sunurop kom,” aro ambatsiog.

Yohanes 1:33

Na pogneonge ponekori nanag ambatneho komba, nari babe el etne wamla aro iamsene kom. Aghana Allahri nanag, ‘Nimi ambatto maghag pelengelamsululam,’ aro pogneonge ponekori anamag el nembatneo. Yubu ambarelamneori, ‘Kemelapmenba Allah Yame Walinge nimi nhon alibag kulukaleri pukamlul. Elag pukamleri wamle nimina, el ponekori Allah Eldamne Yame Walinge nimiag pelengero tatsilul,’ aro ambatneo.

Yohanes 7:38

Nanag sikne aro wana palirop nimi, mome toro pairopneag wamla saog uro, ‘Eldi wanaag agha kamag nenehirop mag la'iniro sirilamla saog uro yalamlul,’ aro mome toro pairopne wamla,” seog.

Pogsiog Nang 10:44

Wene aro Petrusti yubu ambarelamsiogpa, ka'elamek nimi tanekoag Allah Eldamne Yame Walinge sin nongag kulukul aog.

Pogsiog Nang 2:33

Kamag nembaori, Allahri kiliro tobongkia eldi sae sirik sip alikinag nembaori, Allah Eldamne Yame Walinge salag lebogne neneko elag pibo. Elag piboba, eldi maiknoro pelengel alba, aoag agha ka'ebalomdi, wene haingdi babe iplom ane.

1 Korintus 12:13

Kristus nongag tiptabungena, Allahri Yame ot nhonog wamlange eneko nunag pelengkatsiogne pere agha nong nhonag ma'abahiog. Yahudi nimiap, Yunani nimiap, nimi arukna tangtop nimiap, nimi arukna tangtop kom nimiap nunag mag tebatsiloa saog uro Yame nikne nunag tatsiogneag agha nong nhonag ma'abahiog.