Lukas 3:13 - Allahri Yubu Nikne Wendogne (apna Samenagne pogtoba)

¹³ Wene aro haibaekpa, Yohanesti sinag samoro, “Ot a'uni yabori a'unag aruklamsiikti, ‘Kamna nun umag nimiri saeagha toro tongolamsululom,’ alamikne sunsunum uro nimiag tipto, ‘Tatne,’ aro aruklamsululom. Nen phiro paliag nembi agha, ‘Tatne,’ aro nimiag aruklamsiseng kom,” aro Yohanesti ambarelamsiog.

Lukas 3:13 Iomraidhean Croise

Matius 7:12

Ane sembe sa'a-sa'a ulapmunne abeneko pere a'undi, ‘Nimiri nanag walia uaneheng,’ senelamlomne sunsunum uro a'undina, nimi orangeag walia ulamsululom. Musari arukahiog yubuap, Allah yubu silimu tiptop nangdi mome toro pibek yubuap ni abeneko yubu tam nhon nenekoag ni kaupto wamlaba ambatsin,” seog.

Lukas 19:8

Wene alamek aghana, Zakheus sekogti, Yesusag yubu lelamogti, “Nai, nu Saelbamsilamne ka'ebalulam! Nari tuba saeag wamlange nari pogto phende nembaneri, nhon nandamne sembe pimneri, ‘Phendep nena nimi saeagha orog nimi sembe tatsinun,’ aro lag phoro lelamna. Apna na samenag, ‘Roma nimi sembe kamna kaptoba poloro payalulom,’ aro aruklamsino aghana, nari phelektopne salero teno tanena, phelektopne nene nen lumbanun. Nimiag samoro tatsinun nena, sindi saeagha phelekto tomnonge aghabog tatsinun kom aghana, nen ma'aro ik tombare lumbaloa saog uropne tatsinun,” seog.

Lukas 3:12

Roma nimi sembe kamna poloro torop nang babe Yohanes yaghag yalamek. Sin nimi taneko babe, “Yohanesti maghag pelengkipsilul,” aro yalamekti hailamekti, “Nai, yubu amohiropne, nuri hulamukap?” aro Yohanes hailamek.

Lukas 3:14

Yin salerop nang tanekori babe Yohanesag yingkina hailamekti, “Nuna welaro? Nurina sa'a ulamukap?” aro haibaek. Wene aro haibaekpa, Yohanesti yin salerop nang tanekoag, “A'undi nimiag wero log nenero sikindinge aba taluro topsiseng kom. Apna, ‘Nimiringe nanag taho,’ aro minirop yubu loloro nonoghaheng kom. Aghana a'undi nimi yeplapmunne sembe kamna tatsilenge tobi agha a'undi, ‘Na saeag wamlange sunsunum,’ senelamlulom,” aro ambarog.

1 Korintus 6:10

haogha torop nimiap, aboap sembe ul pirop nimiap, mag yonge terogha nenek saelba urop nimiap, san tilipsirop nimiap, yonge urop nimiap Allahri saelba uhiroba eldi kelmabo meag tatsinepne undop nimiag tatsilul kom.

Efesus 4:28

Nimi haoghaba tohiropne wamle tanena, haogha toro ulamlenge neneko liplul. Nen haoghaba toplul kom aghana, eldi walinge agha sol wali uro saeri awe tolamle andarina, nimi kwema ulamsile nimi taneko yepto tarelamsilul.

Ibrani 12:1

Wene sin nimi taneko maikno sirik wamekti, sikne aro seneraglamek nimi taneko toa pololonga niknihirop saog uro nunag kanero niknilamsil. Sindi sikne aro seneraglamekne nenekori nunag sikne ambatto el nenelamsil. Ane sembe Allahri nu sembe yarebatsiog ina toman wana khapto merero palamukap. “Wana khapto merelamukap,” aro ikinne ni pesa nembahinepne kwiripto laplolameberi, “Kekhaekel dalamebeag,” aro nuri malia uropne kom nenelamukap.