Lukas 3:12 - Allahri Yubu Nikne Wendogne (apna Samenagne pogtoba)

¹² Roma nimi sembe kamna poloro torop nang babe Yohanes yaghag yalamek. Sin nimi taneko babe, “Yohanesti maghag pelengkipsilul,” aro yalamekti hailamekti, “Nai, yubu amohiropne, nuri hulamukap?” aro Yohanes hailamek.

Lukas 3:12 Iomraidhean Croise

Matius 5:46

Roma nimi sembe kamna polorop nimiri babe sin o'ona senehirop nimi aghabog o'ona senelamsiang. Undop pagha tanena a'undina, ‘Ot na sembe o'ona senerop nimi aghabog samoro o'ona senelamsinun,’ aro ulapmun tanena, kamna tatsiroba a'unag loloro tahinep te?

Lukas 18:13

Wene aro lelamogpa, el Roma nimi sembe kamna poloro toropne poneko weag nimi liliag sekamogti, imag tiwalengkan koma wana ikin uro Allahag mololamog. Allahag mololamogti, ‘Nani Allah, na malia urop nimi agha wamna. Andi na omna koma yareag sembanululam,’ aro saramag ol dalamogti, Allahag molona mololamog.

Lukas 3:10

Wene aro ambatsiogpa, nimi tanekori, “Undop agha nuri huroba hulamukap?” aro haibaek.

Lukas 3:13

Wene aro haibaekpa, Yohanesti sinag samoro, “Ot a'uni yabori a'unag aruklamsiikti, ‘Kamna nun umag nimiri saeagha toro tongolamsululom,’ alamikne sunsunum uro nimiag tipto, ‘Tatne,’ aro aruklamsululom. Nen phiro paliag nembi agha, ‘Tatne,’ aro nimiag aruklamsiseng kom,” aro Yohanesti ambarelamsiog.

Lukas 7:29

Wene aro Yesusti Yohanes sembe ambatsiog yubu ene nimi ni wamek nimi tanekori ka'ebaek. Ni ka'ebaek nimi tanekona, Yohanesti samenag, “A'undi malia seneragto ulamlomne lipsimundi, Allahri senenne salelapmunba, maghag pelengkipsinun,” aro ambatsiogne sunsunum uro uaek. Sin Roma nimi sembe kamna poloro torop nangdi babe Yohanesti ambatsiog yubu sunsunum uro ulamek ane sembe, Allah yubu ka'elamek nimi ni tanekori, “Sikne aghabog wamla,” aro lag phoro lero ulamek.

Pogsiog Nang 2:37

Wene aro Petrusti ambatsiogpa, Yahudi nimi tanekori ka'ebaekti, wana ikin tahiog. Wana ikin tahiogpa, Petrusap elkabo sin Yesusti wepto pogsiog nang tanekoap wamekpa, sinag hailamsiekti, “Nangkabo, nuri hulamukap?” aro haibahiek.