Lukas 3:11 - Allahri Yubu Nikne Wendogne (apna Samenagne pogtoba)

¹¹ Wene aro haibaekpa Yohanestina, “Nimi nhondinge nimi nongag enektop ag phende wamsile tanena, nhon nenekona saeagha orog nimiag tarelamlulom. Nimi etneringe tenaba wamla tanena, kwaneng orog nimi sembe pogto tarelamlulom,” aro ambatsiog.

Lukas 3:11 Iomraidhean Croise

Matius 25:40

Yubu sia lero saelba uhiropne ponekori sinag samoro yubu lelamleri, ‘Yubu sikne agha ambarelamsin. Nanipsabo nanipsa'elabo taneko so'oag urop nimi olog nimi wamek aghana, sa'a-sa'a sin nimi nhonag ulamsilumne nenekona, nanag uanepne ulamlum,’ aro ambatsilul.

Lukas 11:41

Ane sembe, a'undi wanaag agha kulomag yareag senelamsimundi, saeagha orog nimiag tarelamsimun tanena, kulomag sip babe konag sip babe ni phende Allah whingag wali uro a'elerop talul.

Lukas 18:22

Wene seogne ka'ebaogti, Yesusti nen kabuni enekoag, “Ot nhonog andi ulamlam komne nhon wamla. Andi saeagha ni wamlange nimiag kamna kapto topmendi, kamna tatkeikne nimi saeagha orogne tatsululam. Undo tatsimen tanena, tup nenep taneba maikno Imagne ponekori whingag an sembe polop talul. Tatsimenba samoro nanag yamendi, nanag yubu ka'ero neleplamnululam,” seog.

Lukas 19:8

Wene alamek aghana, Zakheus sekogti, Yesusag yubu lelamogti, “Nai, nu Saelbamsilamne ka'ebalulam! Nari tuba saeag wamlange nari pogto phende nembaneri, nhon nandamne sembe pimneri, ‘Phendep nena nimi saeagha orog nimi sembe tatsinun,’ aro lag phoro lelamna. Apna na samenag, ‘Roma nimi sembe kamna kaptoba poloro payalulom,’ aro aruklamsino aghana, nari phelektopne salero teno tanena, phelektopne nene nen lumbanun. Nimiag samoro tatsinun nena, sindi saeagha phelekto tomnonge aghabog tatsinun kom aghana, nen ma'aro ik tombare lumbaloa saog uropne tatsinun,” seog.

Yohanes 13:29

El taek kom nena, nimiri yepsinne tatsiroba Yudasti saeag nenelamekpa, paia unne wamog. Ane sembe, sin taneko wamek nimi nhon-nhondi senelamek nena, “Yesusti elag ambatto, ‘Nu kwaneng teroba teko uahinepne kamna kapto tol pululam,’ aro aruklamla to, ‘Nimi saeagha orog nimiag yepsinepne tarel phululam,’ aro lelamla to,” sembamekti el taek kom.

Pogsiog Nang 10:2

Elap eldi aeag wamek nimiap Allah yubu sunsunum uro ulamekti, Allah omeklamek. Eldi nimi saeagha orogne maiknoro yeplamsiogti, sop-sop Allahag molona mololamog.

Pogsiog Nang 10:31

Sekamori nanag yubu lelamori, ‘Kornelius, andi nimi saeagha orogne yeplamsilamdi, molona mololamlamne Allahri ka'elamlari wamla.

Pogsiog Nang 10:4

“Kornelius,” seogpa Korneliusti ibogti logti, “Nai, anna tane sa'a sembe yalamdi,” seog. Wene seogpa, Allah arukna imagne malaikat anekori, “Andi Allahag molona mololamlamne Allahri ka'elamlaba, andi nimi saeagha orogne yeplamsilamne babe Allahri iangkeldi tiplengkangkel. Ni ulamlamne sembe Allahri kembangkeldi, ‘Walia aghabog na sembe ulamla,’ senelamla.

Efesus 4:28

Nimi haoghaba tohiropne wamle tanena, haogha toro ulamlenge neneko liplul. Nen haoghaba toplul kom aghana, eldi walinge agha sol wali uro saeri awe tolamle andarina, nimi kwema ulamsile nimi taneko yepto tarelamsilul.

1 Timotius 6:17

Nimi mog so'o eneag wamangdi, tup uro wamang nimiag el nenelamsululam nena, sin metmereng aro sindi tuba ya'ag wamnep koma sembe metmereng aro wamukang kom. Allahri nu sembe senelamsildi, “Nari tarelamsinne salero tolamikti, wana awi uro wamukang,” aro nunag maiknoro tarelamsil. Ane sembe sindi tuba anekoag wana pimna koma, nia mangkina nu maiknoro tarelamsilne poneko Allahag aghabog wana palilamukang.

1 Timotius 6:18

Sin wene tuba maikno salelamang nimiag, “Walia ulamlulom,” aro ambarelamsimenba, sunsunum uro ulamik tanena, sindi nimiag walinge ul pana maikno pairo ulamikneag agha tupne tapto wamukang. Sindi wanaag agha, “Ma'aro tatsisebe,” aro awi uro pogto tarelamsukang.

Ibrani 6:10

A'undi samenag agha Allahri wepsiog kelmabo me wene babe yeplamsilomne sembe Allah wana sengkwanektop komne ponekori a'un ekon tahinep kom. A'undi yepto ulamsilomne neneko, “Allah si paliag nenelamukap,” aro o'ona senelamlomne agha yeplamsilom.

Yakobus 1:27

Nimiri Allah omekto ul piroba taptopne Allahri yeng seneropne ulamnep nena, kaldam kelaboap, me mo'osinneap eraruk uro wamnaag nimiri sin yae paia ulamsinep. Apna nimirina, “Mog so'oag nimiri seneragto ul piropne nanag taleagti, a'eptangka walingeog ulamnun,” aro yae up tangkamnep. Nimiri Allah omekto ul piroba abeneko wali uro ul palamnep tanena, Allahri yeng seneropne ul pirop.

Yakobus 2:14

Nangkabo, nimi nhondi yubu lemnep nena, “Allahag sik senelamna,” senep aghana, nimi enekori sik senenne sunsunum uro ul pirop kom tanena, sik senenne neneri nimi eneko wali nembanep te?

1 Yohanes 3:17

Undop pagha tanena, mog so'oag nimi nhondi saeag teko uahinepne sembe weroba wamnep. El saeag wamnep aghana, elkae nhon Yesusag wana paliropne kamag wamnepne sembe teko urop. Teko urop aghana, saeagha urop nimi enekori wanaag agha yareag semban koma yeptop kom tanena, saeagha urop nimi eneko sembe, “Allahri o'ona senehinne nimi enekori wanaag ua ulamla,” senep te? Undo kom.

1 Yohanes 4:20

Allah poneko nimiri haingdi imnep kom aghana, nimiri haingdi ipsinep nena, Allah elmabo haingdi ipsinep. Haingdi ipsinep ane sembe, nimi nhondi elkae nhon Yesusag wana palirop nimi sembe o'ona semban koma hausag senerop aghana, pamag agha, “Allah o'ona senelamna,” aro yubu lerop tanena, nimi enekori orolena yubu agha lelamla. Nimi nhondi elkae nhon Yesusag wana palirop nimi haingdi ilirop aghana, el sembe o'ona semban koma hausag senerop tanena, Allah haingdi ilirop komne poneko babe nimi enekori o'ona sembanep kom.