Lukas 23:5 - Allahri Yubu Nikne Wendogne (apna Samenagne pogtoba)

⁵ Wene seog aghana, sindi yubu lelamekti, “Eldi Galilea so'oag agha alniro ambarelamsiogti, wene tane babe yingkina nu Yahudi nimi mog so'o Yudea wamap nimi wana aluktop yubu yangaro suknulamsil,” aro Pilatusag lolorop yubu mikip uro ambarelamek.

Lukas 23:5 Iomraidhean Croise

Matius 11:1

Yesusti eldi yubu ka'ero neleptop nang aobare nang tanekoag, “Undo-undo ulamlulom,” aro komopto ambatsiogti, anekoa laplobi agha nhonag piog. Pioghag aneko as soro kalurop as ubu paiamek asag Allah yubu ambatto poa tongolamsiogti, tibin nembarelamsiog.

Matius 2:1

Yesus mangaro yabiog li eneko Herodes Yudea so'oag wamek nimi sembe yubu sia lenne wamog. As Betlehem Yudea mog so'oag wamog as anekoag Yesus mangaro yabiog. Yesus mangap taogpa, imberea tibogto el urop nang heng walelingkirobag siba Yerusalem yaek.

Matius 27:24

Wene alamekpa, Pilatusti seneraglamogti, “Nari ulamnangeri yepsinep kom aghana, wene alohangba, yubu kiliro loba tanuan,” sembaog. Wene aro seneraghogti, mag tobogti, longolamek nimi maikno whingag anekoa sae a'elbaog. Sae a'elelamogti, yubu lelamogti, “Nimi ene eneng lanaro tebalea nanag tam talul kom. Tamna a'unag agha talul,” seog.

Matius 4:23

Yesus Galilea mog so'oag wamek as ni kanero palamogti, Yahudi nimiri Allah yubu lero winirop aeag wa'ina yubu walinge Allahri yubu sia lero nimi saelba uhiroba sembe nimi amoro ambatto tongolamsiog. Yubu walinge ambarelamsiogpa, naiktop nimi sin nimi taneko nusamag wamekpa, naikna telamsiogne babe, nimi nongag kikipto kauploa uhiropne babe ni wali nenelamsiog.

Markus 1:14

Mog so'o saelba uropne nimi nubunge Herodesti Yohanes salero haing sae kaupto kop aeag tobongkibogpa, Yesus mog so'o Galilea so'oag piog. Piogti Allah yubu walinge ambarelamsiogti,

Lukas 11:53

Wene aro ambatsiogti Yesus anekoa piogpa, Farisi nimiap, Musari yubu amohirop nangap tanekori alniro, “Yesusag monag aluktop yubu maikno haibabeba, Yesusti yubu malinge leplea agha el luknubaukap,” aro wea ulamek.

Lukas 23:23

Wene aro ambatsiog aghana, sindi nen sap sarikto yubu mikip uro haum alamekti, “Yesus kalag sipto oplulam,” aro sarikto haum alamek. Sindi sarikto yubu mikip uro, “Kalag sipto oplulam,” alamekneag agha, Pilatusti sindi lelamek yubu sunsunum uro, “Kalag sipto obukap,” aro tam karebaog.

Lukas 23:6

Pilatus ponekori ka'ebaogti, nimi tanekoag, “Nimi ene Galileange te?” aro haibahiog.

Yohanes 1:43

Imbaogti kwelekaog sum eneko Yesusti, “Galilea so'oag pinun,” aro seneraghogti, Filipus ibog. Filipusap haiptarek abeneko pere Yesusti yubu lelamogti, “Yae, nanag nelebanululam,” seog.

Yohanes 19:15

Wene seogpa, nimi tanekori yubu haum aro yubu lelamekti, “Oplulam! Oplulam! Kalag sipto oplulam,” aro wene alamek. Wene alamekpa, Pilatusti sinag yubu lelamogti, “A'un sembe yubu sia len nimi ene nari kalag sipto omnep te?” aro haibahiog. Wene aro haibahiogpa, memnang Allah sembe palirop nang sikini yabori, “Nu sembe yubu sia lenne ot nhonog wamlangena, ot Kaisar agha wamla,” seek.

Yohanes 2:11

Yesusti undo, “Allah mikibari el pere agha ual,” senenne kekneba samne as Kana Galilea so'oag uaog. Undo unuaogneag agha, Allahri imang wareroba elag wamlange samenag alniro lag taog. Eldi undo unuaogneag agha eldi yubu ka'ero neleptop nimi taneko elag sikne aro wana palilamek.

Yohanes 7:41

Nenneri yubu lelamekti, “El Kristus poneko yal,” alamek. Aghana nenneri samoro yubu lelamekti, “El Kristus poneko Galilea so'oag agha yanep te?

Yohanes 7:52

Wene seogne sembe Farisi nimiri elag yubu lelamekti, “An babe Galileange wamlam te? Andi babe tam lelekto kembamendi, Allahri yubu silimu tiptopne Galileange agha waelbanep komne iplulam,” aro wene seek. [

Pogsiog Nang 10:37

Wepto poghogpa Yohanesti Allah yubu ambatto nimi maghag pelengelamsiog. Yohanes ponekori Allah yubu ambatto nimi maghag pelengelamsiogti, Yesus babe maghag pelengkaog abeneko pere Allahri, ‘Taulbahimendi saelbamsululam,’ aro Yesus Nazaretne poneko Allah Eldamne Yame Walingeap, eldamne mikipneap elag pibog. Elag pibogpa, Galilea so'oag agha Yudea so'oag tala-tala palamogti, wali-walia aghabog ulamog. Unulamogpa Allahri el yeplamogpa, phia sikini nubungeri saelba ulamsiog nimi wali nenelamsiog. Yesusti unulamogne nene sembe nu ni el wamsil.

Pogsiog Nang 23:10

Sin yubu haum hag aro lelamekpa, yin salerop nang sikindo ponekori, “Paulus tara kilim, tara kilima olobikag,” aro yin salerop nang sikindo poneko logti ilipsaboag, “Kulukamundi tolingkina nu yin salerop nangdi aeag pabululom,” seog.

Pogsiog Nang 5:33

Wene aro Petrus elkaboapti ambarelamsieka ka'ebaekti, sin wanaag yonge waelbaogpa, “Sin nimi taneko ya'ag opsukap,” aro ulamek.

Pogsiog Nang 7:54

Stefanusti wene aro ambatsiogpa, nimi nubunang wamek nang tanekori ka'ebaekti, wanaag yo maikno walelamsiogpa, si keleng tebongkia yo uro seneraglamek.

Pogsiog Nang 7:57

Wene alamog abeneko sin ao lep tangom agha sin yo lelem yanghang alamekti, nimi ni tanekori Stefanusag merero saelbaek.