Lukas 22:4 - Allahri Yubu Nikne Wendogne (apna Samenagne pogtoba)

⁴ Yudas neneko memnang Allah sembe palirop nang sikini yaboap, Allahri Mem Ae yae ua unnang yin salerop nang sikini yaboap wamekag piogti, “Welaro Yesus a'unag pan khebanun,” aro yubu nikne lelamek.

Lukas 22:4 Iomraidhean Croise

Matius 26:14

Wene seogpa, Yesusti yubu ka'ero neleptop nimi aobare nang nhon, el sina Yudas Iskariotne neneko memnang Allah sembe palirop nang sikini yaboag piog.

Lukas 22:5

Yudasti, “Yesus pan khebanun,” aro ambatsiogpa, sin wana awi uahiogpa, “Yesus nunag pan khebamenba, kamna kaptoba tatkukap,” aro salag lero pibek.

Lukas 22:52

Wene aro wali nembaogpa, memnang Allah sembe palirop nang sikini yaboap, Allahri Mem Ae yae ua urop nang sikini yaboap, Yahudi nimi wenehirop nangap yaek nang tanekoag Yesusti yubu lelamogti, “Na sop-sop Allahri Mem Ae aramag wa'alamnori, a'un whingag ua ulamno aghana, a'undina salelamneom kom. Na, ‘Mo sekukap,’ aro mal tarop nimi sikini wamsene tanena, a'undi nanag yalamlomne karoghap kameap payalamlomne sunsunum sembanep. Na, ‘Mo sekukap,’ aro mal taropne wamna te? Ane sembe a'undi nimi whingag yo kom uro na saelbanep aghana, Allahri ko'o ologha ane a'un liamsilbana, el inipnag saelba uhiropne phia sikini nenekori senenne sunsunum uro a'undi ul palamlom,” aro Yesusti ambatsiog.

Pogsiog Nang 4:1

Petrusap Yohanesapti nimi maikno yubu ambarelamsirekpa, Yahudi nimi nubunang wamek. Memnang Allah sembe palirop nangap, Allahri Mem Ae yae ua urop nang sikindoap, Saduki nimiap sin phendeag yaek.

Pogsiog Nang 5:24

Wene aro ambatsieka ka'ebaekti, Allahri Mem Ae yae ua urop nang sikindoap, memnang Allah sembe palirop nang sikini yaboap wana sao kaupsiogpa, “Huro yabilul,” aro wana inmon taek.

Pogsiog Nang 5:26

Wene aro yubu poa piogne neneko ka'ebaekti, Allahri Mem Ae yae ua urop nang sikindoap, el sembe yae ua urop nang yin salerop nangap piekti, Yesusti wepto pogsiog nang abeneko Allahri Mem Aeag aneko oro kom-kom wali uro tol pihiek. Oro kom-kom wali uro tol pihiek nena, “Yesusti wepto pogsiog nang opsibe tanena, nimi wamang nimi taneri kirikti nu opsiikag,” aro log sembaekti, wali uro tol pihiek.