Lukas 22:12 - Allahri Yubu Nikne Wendogne (apna Samenagne pogtoba)

¹² Wene surumunba, ae ngainge ponekori a'unag ae tika paliagneag ae lom nubunge ambatsilul. Ae lom nubunge anekoag ae usa puna babe, kwaneng palinag babe ni sunuro nu sembe wero wamla. Ae lom aneag agha nu ni sembe wero palilamturom,” aro Yesusti sin phende pogsiog.

Lukas 22:12 Iomraidhean Croise

Lukas 22:11

Wa'irumundi ae ngainge ponekoag, ‘Yubu amohiropne ponekori nun anag pogsilba yanam. Anag hailangkeldi, “Nanap nari yubu ka'ero neleptop nangap Paskah sum eneko mo wameberi, andi ae lom nhonag telaukap. Ae lom nelag agha nanap nari yubu ka'ero neleptop nangap mo wameberi, pham domba me nhon tukap?” aro hailangkeldi, nu pogsilba yanam,’ sururom.

Lukas 22:13

Wene aro pogsiogpa, eldi yubu ka'ero neleptop nang phende abeneko pirekpa, Yesusti sinag, “Ipturom,” seogne sunsunum uro iptek. Iptekti ae lom anekoag wa'irekti, “Paskah sum sembe kwaneng nhon tukap,” aro togto meneklamdek.

Yohanes 2:25

Nimiri wanaag uropne el wamogti, ekon uro koma wamog ane sembe, mog so'oag nimi sembe nimi nhondi babe elag sikne tibin nenero ambatnepne wamog kom.

Yohanes 21:17

Ik wilindipne Yesusti elag hailamogti, “Simon, Yohanes elme, andi na o'ona senelamnelam te?” aro haibaog. Undo ik wilindipne, “Andi na o'ona senelamnelam te?” aro haibaogne sembe Petrus wana ikin taog. Wana ikindi Yesusag samoro yubu lelamogti, “Nai nu Saelbamsilamdi, nia mangkina el wamlam. Nari an o'ona senelangkenne an el wamlam,” seog. Wene seogpa Yesusti elag, “Pham domba naringe yae paiamsululam.

Pogsiog Nang 20:8

Ae tika alikinag ae lomag wamubuag aneko whea maikno tiniro ik-ik piek.