Lukas 21:7 - Allahri Yubu Nikne Wendogne (apna Samenagne pogtoba)

⁷ Wene aro ambatsiogpa, sindi Yesusag hailamekti, “Nai, andi yubu nu amolamsilamne wamlam. Andi wene, ‘Uro yabilul,’ selam nena, etsum agha uro yabilul? Kekneba huropne agha lag taleba, ‘Wene uro yabinual,’ sembaukap?” aro eldi yubu ka'ero neleptop nang tanekori Yesusag haibaek.

Lukas 21:7 Iomraidhean Croise

Matius 24:3

Aneko wene seogti, Yesus Zaitun yimag aneko pina pukamogpa, el yubu ka'ero neleplamek nimiri, “Elap nunap mo yubu lebukap,” aro yaek. Yaekti Yesusag hailamekti, “Andi leplamne neneko etsum agha uro yabilulne sembe leplam? Apna an nen samoro yalapmen sum kekneba huropne agha lag taleba, nu el talameberi, ‘Wene wamap ko'o komobanualba, wene samoro yanual,’ aro el taukap?” aro haibaek.

Markus 13:14

Wene seogti, Yesusti nen ambarelamsiogti, “Ik nhon sum malia nhon Allahri, ‘Song mali,’ senenne Allahri Mem Ae lomag wa'ina sekamleri, Mem Ae aneko mali nembalul. Mali nembaleba, Allahri Eldi Mem Ae sembe karong aro laplobi agha pileba, nimiri babe laplobi agha pukang,” aro Yesusti ambatsiog. (A'undi mome nene kemelamlom nimiri wali uro seneraglapmun tanena Yesusti, “Malia,” seogne nene, “Tam huropne sembe lebog,” aro wana hekahilul). Yesusti eldi yubu ka'ero neleptop nangag tipto ambarelamsiogti, “Malia aneko Allahri Mem Aeag wa'ina sekamle sum eneko mog so'o Yudea wamik nimi merero tognop tangto yimag pukang.

Lukas 21:32

Yubu sikne agha a'unag ambarelamsin nena, nimi wene wamang nimi anam teban komag ni ambatsinne nene uro yabilul.

Lukas 21:6

“A'un wene ngalagto ililamlom nena, amik sum ae soroba ane nimiri ni kwerekto yamolobikpa, kirik pairo poa walerop kirik tanekoag agha nhon babe nen sorobag sekamlul kom,” aro Yesusti nimi tanekoag ambatsiog.

Lukas 21:8

Wene aro haibaekpa, Yesusti samoro, “A'un haing whi uro wapmundi, ‘Nimiri orolenange nunag ambatsiikag,’ aro yae up tangkamlulom. Allahri samenag na wepto pogneogpa yahi. Aghana amik sum nimi maiknori orolena yubu lero yalamikti, a'ero-a'ero lelamikti, ‘Allahri nan agha, “Saelbamsululam,” aro wepto pogneoba yandi, wene na yubu sia lero saelbamsinun,’ sukang. Sindi orolenange lelamikne sembe a'undi sik senero sinag nelebahiseng kom.