Lukas 21:16 - Allahri Yubu Nikne Wendogne (apna Samenagne pogtoba)

¹⁶ A'undi nanag sikne aro seneraglamlomne sembe a'uni yabo, a'unin yabo, a'undo yabo, a'unipsabo, a'unkabo, a'undi nimi pali tanekori, ‘A'un opsukang,’ aro pan khebahiikpa, a'un tane wamlom nimi agha nhon-nhon ya'ag opsukang.

Lukas 21:16 Iomraidhean Croise

Matius 10:21

Nanag neleptop nimi sembe ora nimiri karong seikti, ilipsaeap eldoapti, ‘Nangkae’ semban koma pan khelamsiikpa opsukang. Iliri babe elme sembe, ‘Name,’ semban koma ora nimiri saeag nenero pan khelamsukang. Nimiri sikini sikinin babe pan khelamsiikpa opsukang.

Markus 13:12

Nanag neleptop nimi sembe ora nimiri karong seikti, ilipsaeap eldoapti, ‘Nangkae,’ semban koma pan khelamsiikpa opsukang. Iliri babe elme sembe, ‘Name,’ semban koma ora nimiri saeag nenero pan khelamsukang. Nimiri sikini sikinin babe pan khelamsiikpa opsukang. A'un nanag nelepto nari siag kekhaekto wamlomne sembe nimi niri a'un hausag senelamsukang. Hausag senelamsukang aghana, nimi etneri wana khapto ulamleri, komobalul tanena, Imagneri nimi eneko taluro wali nembalul,” aro Yesusti eldi yubu ka'ero neleptop nang tombare tanekoag ambatsiog.

Lukas 12:53

Ili elmeap a'el dalamdikpa, elme iliap a'el dalamtukang. Ilin elmangkelap a'el dalamdikpa, elmangkel ilinap a'el dalamtukang. Elyamalkelap elmeri torop kelap babe a'el dalamtukang,” aro Yesusti ambatsiog.

Lukas 21:15

Nandamneri a'undi pelebel tanan yubu lemnepne wana seneragna hekahineba, a'undi yubu leplulom. Nari yubu a'unag tatsine yubuag agha lelapmun tanena, a'un aisa nenep tangtop nimiri ka'ebaikti, ‘A'undi yubu orolenange wamla,’ aro lemnep komdi, sindi a'unag yubu samoro torabanep kom.

Lukas 21:17

A'un nanag nelepto nari siag kekhaekto wamlomne sembe nimi niri a'un sembe hausag senelamsukang.

Pogsiog Nang 12:2

Elag poa yalamsiek nimi nhon sina Yakobus, Yohanes eldo wamog. Herodesti el umag nimiag, “Yakobus neneko karoghag agha karepto oplulom,” aro arukahiogpa, ya'ag obek.

Pogsiog Nang 7:59

Stefanus kirikti olamek abeneko Stefanusti Yesusag yoplamogti, “Yesus nu Saelba Uhiropne, nari yame anag yale tanena, ‘Nanap wamnunam,’ sululam!” aro mololamog.

Lag Taogha 12:11

Nuni Allahri Pham Domba Me el saeag mikiba pibogne obekpa, eneng lanaro tebaog. Tebaog aghana, eldi eneng lambaogne nenekoag agha nungkabo Yesusag wana palirop nimi tanekori phia sikini neneko luknubaong. Nungkabo tanekori yubu sikne lag nenero lag phoro ambatsiropneag agha san tilipto leropne phia sikini neneko oro luknubaong. Sindam nimi sembe, ‘Na o'omne,’ seneptan koma, ‘Omneika babe wana khapto wamnun,’ aro ulamong.

Lag Taogha 2:13

Nari a'undi as sembe el wamsin. A'un wamlomag aneko phia sikini nubungeri nimi maikno mikip uro saelbamsildi, el puka urobag wamloa saog wamlom. A'unkae Antipas ponekori na Yesus sembe nimiag sol wali uro sikne lag nenero ambatsiogpa, yubu neneko sembe a'un as Pergamus wamlom as anekoag yo urop nimiri Antipas ya'ag obek. El obek aghana, sum eneko babe a'undi, “Nu opsiikag,” semban koma nari siag kekhaekto wamlomne limneom komdi, phia sikini nubunge ua urobag aneko papna koma nanag wana paliro seneraglamnelom.

Lag Taogha 6:9

Neneko uro yabioba, kemelamnoag agha sae werero kekneba lamne neneko Pham Domba Me ponekori kologhaoa imno. Kologhaoba kemelamnoag agha Allah sembe pimneba aukag tamnep hao sin umag aneko kemelamnoag agha Allah yubu salero ul pirop nimiri yame ipsino. Nimi yame ipsinongena, sindi Allah yubu salero sikne lag nenero lero ul palamekpa, ora nimiri sin, “Karong,” aro ya'ag opsiekpa, sin tebaek nimi yame wamonga ipsino.