Lukas 20:5 - Allahri Yubu Nikne Wendogne (apna Samenagne pogtoba)

⁵ Wene seogpa, sin mamun tognoro hail dalamekti, “Nuri elag samoro, ‘Imagne ponekori Yohanes poghog,’ sebe tanena, Yesusti nunag hailamsileri, ‘Imagne ponekori poghog tanena, sa'a sembe Yohanesti yubu ambatsionge sembe sik sembaom kom?’ seleag.

Lukas 20:5 Iomraidhean Croise

Matius 16:7

Yesusti sinag wene aro ambatsiogpa, sin mamun lel dalamekti, “Nuri kwaneng roti toro libap komne sembe wene aro lepla,” aro yubu lelamek.

Matius 21:25

Yohanes maghag pelengehiropne ponekori ulamonge, elna talangeri poghogpa, nimi maghag pelengelamsio senelamlom? Mog so'oag nimiri to, Imagneri to?” seog. Wene seogpa, sin mamun tognoro hail dalamekti, “Nuri elag samoro, ‘Imagne ponekori Yohanes poghog,’ sebe tanena, Yesusti nunag hailamsileri, ‘Imagne ponekori poghog tanena, sa'a sembe Yohanesti yubu ambatsionge sembe sik sembaom kom?’ seleag.

Lukas 20:4

Yohanes maghag pelengehiropne ponekori ulamonge, elna etneri poghogpa, nimi maghag pelengelamsio senelamlom? Mog so'oag nimiri to, Imagneri to?” seog.

Lukas 20:6

Aghana nuri senenne lag phoro, ‘Mog so'oag nimiri agha Yohanes poghog,’ sebe tanena, nimi maikno tanekori, ‘Yohanes Allahri yubu silimu tiptopne wamo,’ aro sik senenne agha nu kirikti opsiikag,” aro log senelamek.

Yohanes 1:30

Nari samenag yubu lelamnori, ‘Na wene wamna aghana, amik yalulne pone na anam wamna komag el yum-yum samenag wamog. Ane sembe na phelekto el nubunge tal,’ senonge poneko wene ane yalamla.

Yohanes 1:34

Nadamneri haingdi imnori, sikne aro lag nenero ambarelamsino yubuna, ‘Nimi eneko Allah Elme wamla,’ aro lemna,” seog.

Yohanes 3:26

Sin Yohanesag piekti, elag yubu lelamekti, “Nai, an yubu amohinne nubunge, mag Yordan kauro tara siba anap nhon wamomdi, nunag lag nenero ambatsiomne poneko sembe an el wamlam te? El ponekori babe wene nimi maghag pelengelamsilba, nimi ni yalamlonga saog uro elag nelepto palamang,” aro ambarek.

Yohanes 3:36

Elmeag sikne aro wana palirop nimi tanekoag ya'ag kamag uro unne tatsileba wamukang. Ot Elmeri yubu eneko, “Sik komne,” aro ka'elorop nimi kamag uro unne imnep kom aghana, Allahri wana yo senenne undop nimiag wamlange wamle paghabog wamlul.

Pogsiog Nang 13:25

Yohanes ponekori Israel nimi yubu ambarelamsiogha komobanep sum peram taogpa, eldi yubu ambarelamsiogti, ‘A'undi na sembe etne senelamnelom? A'undi, “El yalul,” aro nang-nangalamlomne poneko na wamna kom. Na sam yano aghana, el poneko amik yalul. El mikip sirikne yaleba, na nimi ologne wamnangeri eldi yan wangana haing lopnepne babe nanap sunurop kom,’ aro Yohanesti samenag ambatsiog,” aro Paulusti ambarelamsiog.