Lukas 20:1 - Allahri Yubu Nikne Wendogne (apna Samenagne pogtoba)

¹ Ik nhon sum Yesusti Allahri yubu walinge Allahri Mem Ae aramag nimi ambarelamsiog. Ambarelamsiogpa memnang Allah sembe palirop nang sikini yaboap, Musari yubu amohirop nangap, Yahudi nimi sembe wenehirop nangap Yesusag yaek.

Lukas 20:1 Iomraidhean Croise

Matius 26:55

Wene seogti, nimi maikno tanekoag Yesusti yubu lelamogti, “Sop-sop Allahri Mem Ae aramag puka ulamnori, a'un whingag Allah yubu ambarelamsino aghana, a'undina haing sae kaupto salelamneom kom. Na, ‘Mo sekukap,’ aro mal tarop nimi sikini wamsene tanena, a'undi nanag yalamlomne, ‘Nimi yonge ane oro saelbaukap,’ aro karoghap kameap payalamlomne sunsunum sembanep. Na, ‘Mo sekukap,’ aro mal taropne wamna te? A'undi nimi whingag yo kom uro na saelbanep aghana,

Lukas 20:2

Yaekti hailamekti, “Andi ulamlamne nene etneri mikipne anag pibori, ‘Unulamlulam,’ aro pogkeoba ulamlam? Nunag ambatsimenne ka'ebaukap,” aro haibaek.

Lukas 8:1

Neneko uro yabiogpa, Yesus ina yabalamogne, nhon asag, nhon asag pina kanero yabalamog. As ologne nubunge yabalamogti, yubu walinge Allahri yubu sia lero nimi saelba uhiroba sembe ambarelamsiog. Yesusti nimi aobare wepto pogsiog nang taneko babe Yesusap nhon yabalamekpa,

Yohanes 18:20

Haibaogpa Yesusti samoro, “Nari yubu ambarelamsinne mog so'o eneag wamang nimi whingag agha lag phoro ambarelamsin. Allah yubu lero winirop aeag agha babe, Allahri Mem Ae aramag agha babe, Yahudi nimi ni winip tangtobag aneko sop-sop yubu ambarelamsin. Nari nimiag tognoro yubu ambatsiropne nen nhon wamla kom.

Pogsiog Nang 4:1

Petrusap Yohanesapti nimi maikno yubu ambarelamsirekpa, Yahudi nimi nubunang wamek. Memnang Allah sembe palirop nangap, Allahri Mem Ae yae ua urop nang sikindoap, Saduki nimiap sin phendeag yaek.

Pogsiog Nang 6:12

Wene aro ambatsiekpa, nimi orange tanekori put-put aro wana aluktop yubu ambatsiekpa, nimi maiknori ka'ebaekti, “Stefanusti malia ulamlaba saelbaukap,” aro wanaag yo uahiog. Wanaag yo uahiogti, as Yerusalem wamek nimiap, Yahudi nimi wenehirop nimi nubunangap, Musari yubu amohirop nang tanekoap piekti, Stefanus salel pina Yahudi nimi sembe yubu tam kareptop nimi Mahkamah Agama winip tangtobag payaek.