Lukas 2:9 - Allahri Yubu Nikne Wendogne (apna Samenagne pogtoba)

⁹ Pham domba paiamsiekti wamekpa, lo'om aro imap so'oap Saelba Uhiropneri arukna imagne malaikat nhon sin whingag lag taog. Sin whingag lag talamogpa, Allah imang wareropne sinag warekto warelamsiogpa, sin log lelem lo'om seek.

Lukas 2:9 Iomraidhean Croise

Matius 1:20

“Undo limneri, a'ep tanunam,” aro seneragto ulamogti, lenda mabog. Lenda malamog abeneko pere nu Saelba Uhiropne arukna imagne malaikat nhon el whingag lag taogpa ibog. Malaikat ponekori Yusupag yubu ambarelamogti, “Yusup, an Daud sisange mangap talumne. Ankel tanep kel Maria me monag wamlangena, Allah Eldamne Yame Walinge mikipne pere agha me monag tao. Ane sembe Maria topmenne sembe log sembaheng kom.

Lukas 1:28

Allah arukna malaikat aneko Maria kel enekoag yaogti, yubu kipto lelamogti, “Namangkel, wana awi sembae! Imap so'oap Saelba Uhiropneri wana walingeag agha o'ona sembangkeldi, eldi an paiangkel,” aro kibog.

Lukas 2:8

Sum eneko ae inipnag as Betlehem peramag pham domba paia urop nang paiag sip wamekti, pham domba ua urobag yae paia ulamsiek.

Lukas 24:4

Yesus nong teptoba orog wamogpa, “Sa'a agha uro yabil?” aro seneraglamekpa, lo'om aro nimi phende sin peramag sekamdeka ipsiek. Nimi phende abeneko ag enekamdek ana, lepna tingo arop saogne enekamdekti, peramag sekamdeka ipsiek.

Yohanes 12:41

Wene seog nena, Yesus amik paliag nenero kipnepne Yesayari ibogti, Yesus mog so'o eneag anam mangap tan komag el sembe lebog.

Pogsiog Nang 12:7

Yae wamekpa, lo'om aro nu Saelba Uhiropneri arukna imagne malaikat poghogne nhon Petrus malamog aeag lag taogpa, Petrus wamog ae lom eneko warelobog. Allah arukna imagne malaikat anekori Petrus malamogha kaombaogti, “Nangkae, elemag puke,” alamog abeneko besi agha sorop haing sae kaubamek haing eneko loptangka timbaog.

Pogsiog Nang 27:23

Nari lelamnangena undo. Allah nari omeklamnange ponekoringe wamnari, na inipnag lenda mamna. Lenda mamnaba, Allah eldamneri arukna imagne malaikat nanag poghol alba, yaldi na peramag sekamla.

Pogsiog Nang 5:19

Kop aeag tobongkahiek aghana, inipnag nu Saelba Uhiropneri el arukna imagne malaikat nhon poghogpa, kulukul aogti, kop ae ina siram taneko kupto lambahiog.

2 Korintus 3:18

Nu whing tognoro maruktangtop kom nimi ni wamapne nu Saelba Uhiropne imang wareroba nunag lag tangto yabalamla. Nu Saelba Uhiropneri Yame imang warelamla saog uropne nunag lag tangto yabalamlaba, el yame sunumna wamlange saog talamapne pere imang wareroba aneko nunag nubu tangto yabalamlul.

2 Korintus 4:6

Yesus Kristus sembe yubu ambarelamsiap nena, Allahri samenag, “Inibinneag agha tibinne warebale,” seogne ponekori nuri wanaag warebatsiog. Warebatsiog andarina, “Allahringe imang wareropne Kristus poneko whingag wamla,” aro el tangtoba nunag tibin tahiog.

1 Timotius 3:16

Sik uro lelamap nena, Allahri senenne sunsunum uro ulamnepne sembe ambarelamsiap yubu nene samenag tognoro wamog. Tognoro wamog aghana, Yesusag lag taogpa, sik uro nubu sirik wamla. El poneko nimi saog uro lag taogpa, Allah Yame Walingeri, “El sikne,” aro lag nenelamogpa, Allah arukna imagnang malaikatti babe ibek. Nimiri el sembe yubu poa Yahudi sisa kom nimiag babe ambarel pihiek. Nimi mog so'oag nimi tala-tala wamangne agha el poneko sembe sikne aro seneraglamang. Samenag mog so'oag nimi saog uro wamog aghana, Allahri el poneko sembe, “Nimiri omeklamukang,” aro imag agha kiliro tobogpa, paliag wamla.

Ibrani 12:21

Sin whingag uro yabiogne nenekori log maikno nenelamsiogpa, Musa ponekori lelamogti, “Pet-pet aro log senelamna,” seog.

Lag Taogha 18:1

Neneko uro yabioba, nari kemelamnoag agha Allah arukna malaikat yogne imag agha kulukul alamoba imno. Eldi saelba uhirop mikipne nubu wamoba, elag imang wareroba wamonge nenekori mog so'o tibin warelobo.

Lag Taogha 20:11

Neneko uro yabioba, kemelamnoag agha nimi nubunge saelba uhiropne puka urobag solomne nubu sirikne imno. Puka urobag solomne neneko alibag el pukamoa imnoba, imap so'oap el whingag anekoa kom tangom seoba, olog ilenne olog imno kom.