Lukas 2:21 - Allahri Yubu Nikne Wendogne (apna Samenagne pogtoba)

²¹ Yesus mangaro aogha ik lin sum eneko me aneko si Yesus engero pibekti, kere kon karebaek. Yesus si engkaek nena, samen Maria anam me monag tan komag Allah arukna imagne malaikat ponekori ambarogne sunsunum uro me eneko si Yesus engero pibek.

Lukas 2:21 Iomraidhean Croise

Matius 1:21

Mariari me nhon nengabo me mangkalul. Me mangkaleba, nimiri mali-malia uropneag agha eldi sin taulbahilul. Ane sembe me eneko si, ‘Yesus,’ aro engkalulam,” seog.

Matius 1:25

Maria kel eneko tobog aghana, Maria anam me mangkan komag Yusupap nikag malamdek kom. Nikag mamna koma wamdeka me aneko mangaro aogpa, Yusupti me aneko si Yesus engkaog.

Matius 3:15

Wene seogpa, Yesusti elag samoro yubu lelamogti, “Undo andi maghag pelengkanemena andarina, wana porog uro ulamnepneog wamlange ni wali uro sunsunum uro ulamnunam. Ane sembe, hae maghag pelengkanululam,” seog. Wene seogpa, Yohanesti wali seogti, Yesus maghag pelengkaog.

Lukas 1:31

Andi monag me monag tagheleba, me nengabo me mangaro amendi, me si Yesus engkalulam.

Lukas 1:59

Me aneko mangaro yabiogha ik lin sum eneko, “Me aneko kere kon karebaberi, si engero pibukap,” aro nimi longol aek. Yaek nimiri, “Me si aneko ili si kekhaekto Zakharia aro engkaukap,” sembaekti ulamek aghana,

Filipi 2:8

El mog so'oag nimi nongag mangap taogti wamogha, eldamne mombolag nenep tangto Allahri elag, “Mog so'oag nimi sembe lunuro tebalulam,” aro aruktop yubu ka'elamogti, wail ibatna koma sunsunum uro ulamog paghabog tebaog. Tebaog nena, nimiri el yan sae pakuri kalag siplobekpa, seklero tebaog.