Lukas 2:16 - Allahri Yubu Nikne Wendogne (apna Samenagne pogtoba)

¹⁶ Wene seekti, sin elemag piekti, Mariaap Yusupap me mangaro aogneap ipsiek. Me aneko pham domba kwaneng palihirobag mambiamdekpa ibek.

Lukas 2:16 Iomraidhean Croise

Lukas 1:39

Allah arukna imagne malaikat anekori Maria kel eneko laploa piogpa, Maria kel eneko men phea, “Elisabetag kemel pinun,” aro yim tamag sorop as mog so'o Yudea wamog as nenekoag piog.

Lukas 19:32

Wene aro ambatsiogpa, sin phende Yesusti pogsiog nang abeneko samenag pirekti kemelamdekpa, Yesusti ambatsiogha sunsunum uro wamogha iptek.

Lukas 2:12

A'un pimundi me aneko ag kwelderoba agha wa'amogto pham domba kwaneng palihirobag mambiamika ipmun tanena, kekneba ane agha, ‘Me ane sembe lepla,’ aro a'un el tahilul,” aro ambatsiog.

Lukas 2:15

Wene aro Allah omekaekti, Allah arukna imagnang malaikat taneko samoro imag yingkiekpa, pham domba yae paia ua uhirop nang taneko sin mamun ambat tangto yubu lelamekti, “Nu Betlehem piberi, sumene uro yabilne nu Saelba Uhiropne ponekori nunag ambatsilne neneko kemel pukap,” seek.

Lukas 2:17

Pham domba yae paia uhirop nang tanekori me aneko kembaekti, lambom agha Allah arukna imagne malaikatti yubu me aneko sembe lero ambatsiog yubu tipto nimi ambatsiek.

Lukas 2:7

Me mangaro anep peram wamogpa, me yandonge nengabo me mangaro aog. Sin wamekag aneko, nimi maikno weag agha yingkina as Betlehem teknero wamekpa, ae lomag Yusup elkel Mariaap mamnebag orog. Ae lomag kolo komdi, me mangaro aog me aneko ag kwelderoba ag agha wa'amogto pham domba kwaneng palihirobag me aneko mambirog.

Lukas 22:13

Wene aro pogsiogpa, eldi yubu ka'ero neleptop nang phende abeneko pirekpa, Yesusti sinag, “Ipturom,” seogne sunsunum uro iptek. Iptekti ae lom anekoag wa'irekti, “Paskah sum sembe kwaneng nhon tukap,” aro togto meneklamdek.